தேர்ந்திடா வழியொன்று..!

by கலைவேந்தன் Fri Oct 15, 2010 3:42 pm

The Road Not Taken

Two roads diverged in a yellow wood,
And sorry I could not travel both
And be one traveler, long I stood
And looked down one as far as I could
To where it bent in the undergrowth;

Then took the other, as just as fair,
And having perhaps the better claim
Because it was grassy and wanted wear,
Though as for that the passing there
Had worn them really about the same,

And both that morning equally lay
In leaves no step had trodden black.
Oh, I marked the first for another day!
Yet knowing how way leads on to way
I doubted if I should ever come back.

I shall be telling this with a sigh
Somewhere ages and ages hence:
Two roads diverged in a wood, and I,
I took the one less traveled by,
And that has made all the difference.

Robert Frost

இந்த ஆங்கிலக்கவிதையை என் வழியில் மொழிபெயர்த்தேன். எப்படி என்று சொல்லுங்களேன்..!

தேர்ந்திடா வழியொன்று...

அடர்ந்த வனமொன்றின் முனையொன்றில் நான்...
என்னெதிரே இருவழிகள்...
அந்தோ...
இருவழியில் பயணமது இயலாத ஒன்றன்றோ?
ஒற்றையனாய் உறுதியின்றி நான்..!

வழிகளின் மீது இயன்ற மட்டில் என்
விழிகள் மேய்ந்தன...
ஒன்று சென்று மறைந்தது அடிவனத்தில்..
மற்றொன்றில் என் விழிப்பயணம்..
சற்றே சிறப்பாய் தோன்றியது அவ்வழிதான்...!

சிறுபுற்களின் மென்படலம்
மென்மையைப் பறை சாற்றியது...
இரண்டுமே பயணிக்க எத்தனம்தான் என்றாலும்
முதல்வழியை அடுத்த நாளுக்காய் சேமித்தேன்..

பயன்படுத்தப் படாத கரடுமுரடொன்றில்
பயணிப்பது உசிதமன்றோ?
மீளாப்பாதையோ அல்லது
மென்மையான ஒன்றோ...
மனம் குறித்தவழியினிலே
பயணிப்பதே மாண்பென்பேன்..

எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..!

அடர்ந்த வனமொன்றின் முனையொன்றில் நான்...

நல்ல மொழிபெயர்ப்பு கலை அவர்களே, வாழ்த்துக்கள்.

by கலைவேந்தன் Fri Oct 15, 2010 4:19 pm

மிக்க நன்றி ஐயா.. காலம் இசைந்தால் இன்னும் பல கவிதைகளை மொழிபெயர்த்திட எண்ணம். தங்கள் ஆசி வேண்டும்..!

by அப்புகுட்டி Fri Oct 15, 2010 4:46 pm

எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..!

மிகவும் சிறப்பாக உள்ளது அன்பு அண்ணா தொடருங்கள்

by **மு.வித்யாசன்** Fri Oct 15, 2010 5:20 pm

இது வரை நீங்கள் எழுதியதில் இதுவே சிறந்த ஒன்று. மகிழ்ச்சி

by கலைவேந்தன் Fri Oct 15, 2010 8:48 pm

அப்புகுட்டி wrote:எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..!

மிகவும் சிறப்பாக உள்ளது அன்பு அண்ணா தொடருங்கள்

மிக்க நன்றி அப்புத்தம்பி..!

by கலைவேந்தன் Fri Oct 15, 2010 8:57 pm

மு.வித்யாசன் wrote:இது வரை நீங்கள் எழுதியதில் இதுவே சிறந்த ஒன்று.

‘
நான் எழுதியது அனைத்தும் வாசித்து இந்த முடிவுக்கு வந்தமைக்கு நன்றி வித்யாசன்..!

"எளிமையான வழிகள் அனைவருக்கும் இனிமைதான்..
கடுமையானதொன்றையே கடைப்பிடித்தேன் நான்..
என்விதியை மாற்றியமைத்த வழியொன்றை
உரக்கவே வழிமொழிவேன்..! "

கலைஅண்ணா..

நீங்கள் மிகவும் ரசித்து எழுதிய வரிகள் என்று நினைக்கிறேன்..

மிக அருமையான வழி..இனிமையான வழியும் கூட..

தற்போது நீங்கள் அடர்ந்த வனமொன்றின் அல்ல...

அன்பு வனமொன்றின்..உள்ளே...சின்னக் குழந்தையாய்...

நன்றி..அண்ணா...

by அன்பு தளபதி Fri Oct 15, 2010 9:06 pm

சூப்பர் சார் விளையாடி இருக்கீங்க சில ஆங்கில மொழிபெயர்ப்புகள் அப்படியே translate பண்ணி இருப்பாங்க நீங்க மூலம் சிதையாமல் அதே சமயம் மிக அழகா கவி நயத்துடன் எழுதி இருக்கீங்க அப்படியே miles to go before i sleep இதையும் மொழி பெயர்த்தால் நன்றாக இருக்கும்