சந்திரனும் நட்சத்திரங்களும் சேர்ந்திருப்பதேன்?

**சிவா** · **சிவா** Mon Aug 10, 2009 6:27 pm

ஒளிக்கடவுளுக்கு இரண்டு பிள்ளைகள். அவற்றில் ஒன்று ஆண் குழந்தை. அதுதான் பகலில் தோன்றி சுள்ளென்று சுட்டெரிக்கும் சூரியன். மற்றது சந்திரன், பெண் குழந்தை. இரவு நேரங்களில் குளிர்ச்சியான ஒளியை வழங்கும் அற்புதமான பெண்.

ஒளிக் கடவுளின் பிள்ளைகள் என்பதால் இருவருக்குமே ஒளியுடல் இருந்தது. இதில் பெண்ணான சந்திரன் மிக பலவீனமான உடலைக் கொண்டிருந்தாள். இவர்கள் வளர்ந்ததும் ஒருவரையொருவர் காதலிக்க ஆரம்பித்தார்கள். திருமணமும் செய்து கொண்டார்கள். இதனால், அவர்களுக்குப் பிறந்த குழந்தைகள்தான் நட்சத்திரங்கள்.

தனக்குப் பிறந்த குழந்தைகளில் ஒருவர் கூட தன்னைப் போல பிரகாசமான ஒளியைக் கொண்டிருக்கவில்லை என்பதால் சூரியன் கோபம் கொண்டது. அதன் பலனாக மனைவியான சந்திரனையும் குழந்தைகளான நட்சத்திரங்களையும் விட்டுப் பிரிந்து போய்விட்டது. இதனாலே தான் நட்சத்திரங்கள் தனது அம்மாவோடு மட்டுமே கூடவே சுற்றி வருகின்றன.

அப்பாவான சூரியன் மட்டும் பகலில் எப்போதும் கோபமாக எரித்துக் கொண்டிருக்கிறது.

ஒரியப் பழங்குடி இன மக்களின் கதை