பன்றிக்காய்ச்சலை மாற்றும் வல்லமை கொண்டது கடும்பு

kirupairajah · kirupairajah Sun Aug 09, 2009 7:49 pm

இப்போது பன்றிக்காய்ச்சல் குறித்த அச்சம் உலகம் முழுவதும் பொதுவான பேரச்சமாகிவிட்டது. பன்றிக்காய்ச்சல் தடுப்பூசிக்கு விண்ணப்பித்த நாடுகள் அடுத்த மாதமே அவை தமது கைகளுக்கு வரும் என்று தெரிவிக்கின்றன. இந்த நிலையில் பசுப்பாலின் கடும்பு பன்றிக்காய்ச்சலை வெட்டி அழிக்கும் என்று இந்திய டாக்டர்கள் தெரிவிக்கிறார்கள். கடும்பு என்றால் என்னவென்றே இப்போது புலம் பெயர் தமிழரில் பலருக்கு மறந்து போயிருக்கும். பசு கன்று போட்ட மூன்று நான்கு தினங்களில் எடுத்த பாலை காய்ச்சினால் அது சிறுசிறு பால்கட்டிபோல குமைந்து வரும். இதையே இலங்கையில் கடும்பு என்பார்கள். இந்தியாவில் சீம்பால் என்று அழைப்பார்கள். மஞ்சள் நிறத்தில் வரும் இந்தப்பாலில் பசுக்கன்றுக்கு தொற்றுநோய்கள் வராது தடுக்கும் மருந்துகள் காணப்படுகின்றன. இம்யூனோ குளோபின், லாக்டோபெரின், பி.ஆர்.பி போன்ற நோய் எதிர்ப்பு சக்திகள் இருக்கின்றன. இவை பன்றிக்காய்ச்சலையே படுக்கப்போடும் வீரியம் மிக்கவை என்று இந்திய விஞ்ஞானிகள் தெரிவித்துள்ளார்கள்