அன்புச்சிறையினிலே...(ஈகரை 11000மாவது தடம் தந்தது)

ஹாசிம் · ஹாசிம் Thu 14 Oct 2010 - 11:52

அன்பெனும் சிறையிலடைத்து
அதிர்ச்சியூட்டும் பாசத்தால்
அதிரச்செய்பவளே - உன்னால்
அல்லல் படுவதில் அனலாகிறேன்

அன்பின் அவதியை
அருந்தும் பொழுதுகளில்
அகிலம் மறந்திருந்து
அடிமையாகிறேன் உன்மடியில்

அச்சமறியாக் காதலை
அஞ்சாமல் பரிமாறியதில்
அந்தம் காண்கிறேன்
அதுவும் இன்பமாகிறது

அம்பெய்தும் வேடனாய்
அறிந்தெறிந்து தொடர்வதில்
அகம் நிறைந்து தைக்கிறாய்
அரும் மருந்தாகிறாய்

அன்பே உன் இறுக்கத்தில்
அறிவைத் தொலைத்து
அகரம் முதல் ஆதிவரை
அறிந்திடத் துடிக்கிறேன்

அன்பு நிறைந்த சூழலாய்
அன்பின் அமுதச்சுரப்பியாய்
அன்பை மட்டும் அருந்திடச்செய்து
அன்பில் மூழ்கிடச்செய்கிறாய்

அன்பில் விடுதலையற்று
அன்புக் கைதியாய்
அன்போடு மடிந்திட நாடி
அன்பை வரிகளாக்கினேன் (உனக்காக)

குறிப்பு: இது எனது 200வது(கவிதை) படைப்பு இதில் தூய அன்பினை கருவாக்கினேன் என்னை இத்தனை காலம் ஊக்குவித்த அத்தனை உறவுகளுக்கும் என் அன்பு நிறைந்த நன்றிகள்

Jotheshree · Jotheshree Thu 14 Oct 2010 - 12:06

அருமை அன்பு... உங்கள் வரிகளில் அன்பு நிறைந்திருக்கிறது.....

ரபீக் · ரபீக் Thu 14 Oct 2010 - 12:08

அழகான கவி ,,,,மனதில் மிகழ்ச்சி கொள்கிறது

balakarthik · balakarthik Thu 14 Oct 2010 - 12:12

அன்பில் விடுதலையற்று
அன்புக் கைதியாய்
அன்போடு மடிந்திட நாடி
அன்பை வரிகளாக்கினேன் (உனக்காக)

மிக ஆழமான அன்பை உணர்த்தும் அழகிய வரிகள் அருமை நண்பா மகிழ்ச்சி