கவுண்டமணி பேட்டி - முதன் முறையாக ஈகரையில்

Guest · Guest Wed Oct 13, 2010 1:12 am

இந்தியாவில் இன்று அதிகம் சம்பாதிக்கிற நடிகர் இவர்தான் என்று பேச்சு. இவருடைய
கால்ஷீட் கிடைத்த பிறகுதான் படத்துக்குப் பூஜை! இவர் வந்து இறங்கும்போது, ஹீரோக்களுக்கு இணையாக 'செட்' சலசலத்து அடங்குகிறது. இளம் நடிகைகள் சிலரை இவரோடு இணைத்துக் கிசுகிசுக்கிறார்கள்!

ஜகஜகவென நைலக்ஸ் லுங்கி, ஒரு பட்டன் கூடப் போடாத சட்டையோடு வீட்டில் உட்கார்ந்திருந்தார்... கவுண்டமணி! லேசான தொந்தியைத் தாண்டி, மூன்று முழ நீளத்துக்கு ஒரு தங்கச் சங்கிலி; தங்க பிஸ்கட் கோத்துப் போட்டிருக்கிறார்! வயது 63 என்கிறது அவரது நெருங்கிய வட்டாரம். அதன் ஒரே அடையாளம், முன் தலையின் வழுக்கை மட்டுமே!

"நடிக்க வந்தது எப்படி...?"

"நமக்குச் சொந்த ஊரு உடுமலைப்பேட்டை. சினிமா வுக்கும் நமக்கும் ரொம்ப லாங்கு! வீட்ல விவசாயம் பார்த்தாங்க. அவங்க யாரும் 'டாக்கீஸ்' பக்கம்கூடப் போனதில்லே. சின்ன வயசுல நடிக்கணும்னு வெறி எனக்கு! காமெடியா, வில்லனா, ஹீரோவா... அதெல்லாம் முடிவு பண்ணலே! நடிகனாயிடணும்; அதான் லட்சி யம். 12 வயசுல நாடகக் கம்பெனியில சேர்ந்தேன். பாய்ஸ் கம்பெனியிலேர்ந்து ஜோதி நாடக சபா வரைக் கும் எல்லாத்துலயும் இருந்தேன்; எல்லா வேஷமும் போட்டேன். கூச்சம், பயமெல்லாம் போய், நம்மால முடியும்கிற தைரியம் வந்தது. அப்பதான் சினிமா சான்ஸும் வந்தது!"

"பதினாறு வயதினிலே' படத்தில் கண்ணெல்லாம் சுருங்கிப்போய், கன்னத்து எலும்பெல்லாம் நீட்டிக்கிட்டு இருக்கும் உங்களுக்கு! அதாவது, வறுமை..?!"

(சட்டென்று இடைமறித்து) "அதெல்லாம் சும்மா! வறுமையாவது ஒண்ணாவது..! சினிமாவுக்கு முன்னாடிதான் நாடகத்துல இருந்தேன்னு சொல்றேனே... வேளாவேளைக்குச் சோறு; அதிகம் இல்லாட்டியும் பொழுதைத் தள்றதுக்குக் காசு கிடைச்சுக்கிட்டுதான் இருந்தது! வளர்ந்து பெரிய ஆளான பிறகு, 'ஒரு காலத்துல பணத்துக்கு லாட்டரி அடிச்சேன்; துண்டு பீடிதான் பிடிச்சேன்'னு சொல்றது, இப்ப ஒரு ஃபாஷனாப் போச்சு! அதெல்லாம் நான் சொல்லமாட்டேன்!"

"செந்திலை நீங்க அத்தனை பாஷையிலும் திட்டியிருக்கீங்க... அடிச்சு உதைச்சிருக்கீங்க..."

"அது தானா அமைஞ்ச காம்பினேஷன்! செந்திலுக்கு ப்ளஸ் பாயின்ட்டே அவனோட அமைப்புதான்! என்ன சொன்னாலும் புரிஞ்சுக்காத மாதிரி அப்பா வியா நிப்பான். ஒரு மாறுதலா இருக்கட்டுமேனு 'கலர் கம்பித் தலையா... அடுப்புச் சட்டித் தலையா... அரிசி மூட்டைக்கு அண்ட்ராயர் போட்ட மாதிரி வர்றான் பாரு'னு எல்லா மாதிரியும் திட்டியாச்சு. எதையும் மிச்சம் வெச்சதா தெரியலே! செட் டுக்குப் போயிட்டு, அவனைப் பார்த்ததுமே புதுசு புதுசா திட்டறதுக்கு எனக்கு வார்த்தைங்க தோணும்!"

"கோயம்புத்தூர் மண்ணுக்கும் சினிமாவில் காமெடிக்கும் ஏதோ தொடர்பு இருக்கும் போலிருக்கிறதே?"

"ஏங்க, மண்ணுக்கும் காமெடிக் கும் என்னங்க சம்பந்தம்? அது என்ன கிழங்கா, மண்ணுல விளை யறதுக்கு? அப்படியெல்லாம் எதுவும் கிடையாது! என்ன... அந்தப் பக்கம் கொஞ்சம் லொள்ளு ஜாஸ்தி!"

"உங்களோட வளர்ச்சியில யாருக்குப் பங்கு உண்டு? உங்க காட்ஃபாதர் மாதிரினு யாரைச் சொல்வீங்க?"

"இது என்ன 'மாஃபியா கேங்'கா, காட்ஃபாதர் இருக்கிற துக்கு! 'ஒருத்தன் வளர்றது இன் னொருத்தனுக்குப் பிடிக்காது'னு நான்தான் சொல்றேனே! ரஜினி இவ்வளவு உயரத்துல இருக்கா ருன்னா, அவரைச் சுத்தியிருக்கிற வங்களுக்குச் சந்தோஷம்னா நினைக்கறீங்க? 'சூப்பர் ஸ்டார்'னு புகழறாங்களே தவிர, சொந்தக் காரங்ககூட உள்ளுக்குள்ளே எரிச்சலோடதான் இருப்பாங்க. இதுதான் உலகம்..! இதுதான் எனக்கும்!"

'ஒரு நடிகன் எப்படியிருக்க வேண்டும்?' என்பதில் கவுண்டமணியின் 'லாஜிக்' ரொம்பச் சுவாரஸ்யமானது.

"தன்னைப் பத்தின நிஜ ரூபத்தைப் பொத்திப் பொத்தி மூடணும்! பெட்டிக்கடையில பீடி யைக்கூடக் கட்டுக்கட்டா உள்ளே தான் வெச்சிருப்பான். அப்போ தான் அதுக்கு மரியாதை. அள்ளி வெளியே கொட்டிப் பரத்தி வெச்சு வியாபாரம் பண்ணிப் பாருங்க... பீடி விக்காது! நான் விழாக்கள், பேட்டிகள்னு எதுக்கும் ஒப்புக்கறதில்லே. 'கலை நிகழ்ச்சி' என்ற பேரில் துபாய், சிங்கப்பூர் போறதில்லே.. ரசிகர் மன்றங்களையெல்லாம்கூடக் கலைச்சுட்டேன். என் பிறந்தநாள் என்னன்னே மறந்துபோச்சு! முக்கியமா, டி.வி-க்குப் பேட்டி குடுக்கறதில்லை. கவுண்டமணியை சினிமாவுல மட்டும் பாரு... அப்ப தான் கிக்!"

பேட்டியின்போது போட்டோ எடுக்க அனுமதிக்கவில்லை! "மேக்கப் இல்லாம 'போஸ்' குடுக்கறதில்லீங்க" என்கிறார், வழுக்கைத் தலையைத் தடவியபடி! குடும்பத்தைப் படமெடுப்பதற்கும் மிகப்பெரிய தடை போடுகிறார்.

"முடியாதுங்க... இதுவரைக்கும் என் ஃபேமிலி படம் எதுலயாச்சும் பார்த்திருக்கீங்களா? தர்றதேஇல்லை. எனக்கு ரெண்டு பொண்ணுங்க. நல்ல சந்தோஷமான குடும்பம். அவங்களைப் பொறுத்த வரைக்கும் நான் காமெடி கவுண்டமணி கிடையாது. ஏதோ ஒரு வேலைக்குப் போறேன்... கூலி வாங்கிட்டு வர்றேன். அதை வெச்சுக் குடும்பம் நடத்துறது அவங்க வேலை. என் குடும்பத்துக்காரங்க இன்னிவரைக்கும் ஷூட் டிங் பார்த்ததே கிடையாது! என்னை ஒரு நடிகனா வீட்டுல யாரும் பார்க்கக்கூடாது. அது வேற... இது வேற!"

கிளம்பும்போது சொன்னார்...

"என்னைப் பொறுத்தவரைக்கும் நாலு பேரைப் பார்க்கணும்; நாலு விதமா பேசணும்; சந்தோஷமா சிரிக்கணும்... அவ்வளவுதான் வாழ்க்கை! இருக்கிறவரைக்கும் சிரிப்போம்... ரைட்டா?"

**சிவா** · **சிவா** Wed Oct 13, 2010 1:43 am

[You must be registered and logged in to see this link.]

உங்களுக்கு முன் அவரது பேட்டி இங்கு இடம் பெற்று விட்டதே! [You must be registered and logged in to see this image.]

Guest · Guest Wed Oct 13, 2010 1:46 am

சிவா wrote:[You must be registered and logged in to see this link.]

உங்களுக்கு முன் அவரது பேட்டி இங்கு இடம் பெற்று விட்டதே! [You must be registered and logged in to see this image.]

இது நேற்று (12.10.2010) வெளியிட்ட பேட்டி சிவா அண்ணா

**சிவா** · **சிவா** Wed Oct 13, 2010 1:48 am

uthuman wrote:
சிவா wrote:[You must be registered and logged in to see this link.]

உங்களுக்கு முன் அவரது பேட்டி இங்கு இடம் பெற்று விட்டதே! [You must be registered and logged in to see this image.]

இது நேற்று (12.10.2010) வெளியிட்ட பேட்டி சிவா அண்ணா

நேற்றைய பேட்டியா? அவ்வ்வ்வ்வ்வ்வ்வ்வ்வ்வ்வ்வ்வ்வ்!!! [You must be registered and logged in to see this image.]

Sponsored content · Sponsored content

கவுண்டமணி பேட்டி - முதன் முறையாக ஈகரையில்

கவுண்டமணி பேட்டி - முதன் முறையாக ஈகரையில்

Re: கவுண்டமணி பேட்டி - முதன் முறையாக ஈகரையில்

Re: கவுண்டமணி பேட்டி - முதன் முறையாக ஈகரையில்

Re: கவுண்டமணி பேட்டி - முதன் முறையாக ஈகரையில்

Re: கவுண்டமணி பேட்டி - முதன் முறையாக ஈகரையில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக