மௌனத்திற்குள் அர்த்தமொன்று ........

Jotheshree wrote:மௌனத்தின் மொழி உங்களுக்கு புரிந்திருக்கு போல் அழகா இருக்கு....
அருமை...

இந்த பதிவைத் துவங்கியவர் நன்றி கூறியுள்ளார் வினுப்ரியா

T.N.Balasubramanian wrote:கணினி திரையில் ,மெளனமாக, ,
களிநடம் புரியும் தட்டச்சுக்கள்,
கூறியதும் வாழ்த்துக்கள்.

ரமணீயன்.

இந்த பதிவைத் துவங்கியவர் நன்றி கூறியுள்ளார் வினுப்ரியா

வினுப்ரியா wrote: மௌனத்திற்குள் அர்த்தமொன்று ........

மரங்கள் ஒன்றுக்கொன்று
மௌனமாய் பேசிக்கொள்ளும்
மாலை நேரமது!

வானம் பூமியைத்தொட்டுவிட
வான வில்லாக வளைந்தும்
தொடமுடியாமல்
துவண்டு நின்றது !

மேகமோ மண்ணின்
போன்னுடலின் மீது
மழைச்சாரலால் கவிதை எழுதியது!

மலை முகடுகளின் மேல்
பனிச்சாரல் படர்ந்தும் விலகியும்
ஊடல் நாடகம் நடத்தியது!

சிற்றோடையோன்று -பெண்ணின்
சிற்றிடையை வெல்லும் ஆசையில்
சிறுத்து நெளிந்து சென்றது!

ஓடையின் ஒய்யாரத்தை
பூக்கள் போர்வையிட்டு மறைக்க நினைக்க
தென்றல் தழுவி கலைத்து அணைத்தது !

உச்சிக்கிளையில்
பச்சைக்கிளியொன்று-தன்
இச்சைக்கிளியின் கோபம் தணித்தது!

மலையிலிருந்து
அருவியொன்று
ஆடையின்றி அழகு காட்டியது!

அல்லி மலர்கள்
அழகு நிலவுக்காக
அதரம் திறந்து
ஆரத்தியெடுக்க காத்திருந்தது !

தாமரை மலர்களோ
ஆதவன் பிரிவை எண்ணி
தவித்துக்கொண்டிருந்தது !

பறவைகளின் பாடும் ஓசையில்
பலவித சங்கீத கீர்த்தைனைகள் !

மலைகள் காடுகள் -எங்கும்
மௌனம் குடிகொண்டிருந்தது
அந்த மௌனத்திற்குள்
பொருள் பொதிந்த
அர்த்தமொன்று மறைந்திருந்தது!

மனிதப்பிறவியான நமக்கு -அந்த
மௌனத்தின் அர்த்தம்
என்று புரியுமோ?


i

இந்த பதிவைத் துவங்கியவர் நன்றி கூறியுள்ளார் கலைவேந்தன்

balug00 wrote:மலையும் நதியும் மேகமும் கொண்ட இயற்கைக்கு மொழியில்லை.தன் மௌனத்தின் அர்த்தம் மனிதர்களுக்கு புரிய வைக்க இது போல கவிகளை எழுத சொல்கிறது.

இந்த பதிவைத் துவங்கியவர் நன்றி கூறியுள்ளார் வினுப்ரியா

arun_vzp wrote:மௌனத்திற்கு அருமையாக வரிகள் மூலம் விளக்கமளித்த அக்காவிற்கு நன்றிகள்...

இந்த பதிவைத் துவங்கியவர் நன்றி கூறியுள்ளார் வினுப்ரியா