பருவம் இருக்கும்போது

asksulthan · asksulthan Mon Oct 11, 2010 2:47 pm

அஸ்ஸலாமு அலைக்கும்,

செவிகளில் ஏறாததால்
செதில்களில் சேராதக் கல்வி;
பரிந்துரைகளைப் புறந்தள்ளிவிட்டு
பாடப்புத்தகங்களுக்குப்
பாடைக் கட்டியக்காலம்!

சுற்றித் திரிந்ததால்
தூரமானதுக் கல்வி;
மேல்நிலைக் கல்வியோ
பாரமானது!

”பாய்” பசங்களுக்கு
பயணம் உண்டு என
சிண்டுமுடித்த ஆசிரியர்களால்
துண்டு விழுந்தது என் படிப்பில்!

கெஞ்சிக் கொஞ்சிப் பார்த்த
பெற்றோர்களும் களைப்படைந்து
கடவுச் சீட்டைக் கரம் மாற்றினர்;
என்னைக் கடல் ஏற்றினர்!

சூடேற்றும் பாலையில்
ஈடேற்றம் ஏதுமில்லை;
அணைத்து அழ யாருமில்லை
அடுத்தவேளை உணவில்லை;
தேம்பியழும் என்னை
தாங்கிக்கொள்ள ஆளில்லை!

கல்லாதக் கல்வியால்
பொல்லாதப் பாலையில்
பிழைப்புக்காக!

வளர்ந்துப்போன வயதில்
தளர்ந்துப்போன நான்;
இழந்துப்போன கல்விக்கு
இழப்பீடேதுமில்லை!

பருவம் இருக்கும்போது
பட்டைத் தீட்டிக்கொள்ளுங்கள்;
முடிந்துப்போனப் பின்னே
முட்டிக்கொண்டு அழுவதில்
பயனில்லை!

-யாசர் அரஃபாத்
http://itzyasa.blogspot.com

புவனா · புவனா Tue Oct 12, 2010 7:59 pm

"பருவம் இருக்கும்போது
பட்டைத் தீட்டிக்கொள்ளுங்கள்;
முடிந்துப்போனப் பின்னே
முட்டிக்கொண்டு அழுவதில்
பயனில்லை!"

உண்மையான வரிகள்.... கடந்த காலம் திரும்ப போவதில்லை...