குண்டு தயாரித்த 5 பேர் கைது

தூத்துக்குடி :

தூத்துக்குடி மாவட்டம் வல்லநாடு அருகே முறப்பநாடு பகுதியில் சிலர் வெடிகுண்டுகள் தயாரிப்பதாக தூத்துக்குடி ரூரல் டிஎஸ்பி ஜெயக்குமாருக்கு ரகசிய தகவல் கிடைத்தது. இதையடுத்து போலீசார் வசவப்பபுரம் அருகே காட்டுப்பகுதியில் நேற்று தீவிர சோதனை நடத்தியபோது ஒரு கும்பல் தப்பியோட முயன்றது. அவர்களை மடக்கி பிடித்து 6 நாட்டு வெடிகுண்டுகளையும் போலீசார் பறிமுதல் செய்தனர்.

விசாரணையில் அவர்கள் தூத்துக்குடி அண்ணாநகர் சிங்காரவேல்(50), முத்துராமலிங்கம் (46), சுரேஷ்(32), முத்துகிருஷ்ணாபுரத்தை சேர்ந்த ஜெயபாண்டி (39), அனவரதநல்லூரைச் சேர்ந்த பாலு என்ற பாலசுப்பிரமணியன்(51) என்பது தெரியவந்தது. அவர்கள் 5 பேரையும் போலீசார் கைது செய்தனர்.சம்பவ இடத்திற்கு எஸ்.பி. கபில்குமார் சரத்கர் சென்று விசாரணை நடத்தினார். மோப்பநாய் மூலம் அங்கு வெடிகுண்டுகள் மறைத்து வைக்கப்பட்டுள்ளதா? என சோதனை நடத்தப்பட்டது.

கைதானவர்களிடம் நடத்திய விசாரணையில் கிடைத்த தகவல்: ஓசூரைச் சேர்ந்த அசோக்ராஜ்(25), முருகேசன்(32) ஆகியோர் கடந்த கடந்த பிப்ரவரி 15ல் கொலை செய்யப்பட்டனர். தொடர்ந்து அதே பகுதியை சேர்ந்த ஆட்டோ டிரைவர் ரூபேஷ்பாபு என்பவர் கடந்த ஆகஸ்ட் 10ல் படுகொலை செய்யப்பட்டார்.

இவர்களது கொலைக்கு பழிவாங்குவதற்காக ரூபேஷ்பாபுவின் உறவினர்கள் தூத்துக்குடியைச் சேர்ந்தவர்களிடம் பணம் கொடுத்து வெடி குண்டுகள் தயாரிக்க ஏற்பாடு செய்தனர். வெடிகுண்டு தயாரிக்கும் கும்பலுக்கு மூளையாக இருந்து செயல்பட்ட ஸ்ரீவைகுண்டம் சேது என்ற கட்டை சேது, ஆர்டர் கொடுத்த ரூபேஷ்பாபுவின் உறவினர்களான குட்டி என்ற சீனிவாசன், நடராஜன் ஆகியோர் தலைமறைவாகி விட்டனர். அவர்களை போலீசார் தேடி வருகின்றனர்.