ஆயுத பூஜைக்காக 250 லாரிகளில் வாழைத்தார், தேங்காய் வருகிறது

நவீன் · நவீன் Mon Oct 11, 2010 9:37 am

அண்ணா நகர் :
ஆயுத பூஜை விற்பனைக்காக கோயம்பேடு மார்க்கெட்டுக்கு 250 லாரிகளில் வாழைத்தார், தேங்காய் வருகிறது. கடந்த ஆண்டைவிட விற்பனை அமோகமாக இருக்கும் என்று வியா பாரிகள் எதிர்பார்க்கின்றனர். ஆயுத பூஜை விழா வரும் 16ம் தேதி கொண்டாடப்படுகிறது. இதை முன்னிட்டு கோயம்பேடு வியாபாரிகள், வாழைக் கன்று, பூசணிக்காய், தேங்காய், பொரி, சாமந்திப் பூக்கள் ஆகியவற்றை அதிகளவில் தருவிக்க உள்ளனர்.வாழைக்கன்று: தமிழகத்தில் பண்ருட்டி, சேத்தியா தோப்பு, ஆந்திராவில் விஜயவாடா ஆகிய பகுதிகளில் இருந்து வாழைக் கன்றுகள் கோயம்பேடு மார்க்கெட்டுக்கு வருவது வழக்கம். கடந்த ஆண்டு ஆயுதபூஜைக்காக 5 லாரிகள் வந்த வாழைக்கன்றுகள் இந்த ஆண்டு 8 முதல் 10 லாரிகளில் வரும் என்று எதிர்பார்க்கின்றனர்.வாழைத்தார்: திருச்சி, முசிறி, தொட்டியம் ஆகிய ஊர்களில் இருந்து வாழைத்தார்கள் வரும்.

வழக்கமாக ஆயுதபூஜையையொட்டி 20 லாரிகளில் வரும். இந்தாண்டு ஆயுத பூஜைக்காக 150 லாரிகளில் வாழைத்தார்கள் வரவழைக்கப்படுகிறது.தேங்காய்:, தஞ்சை, அபிராமபட்டினம், அறந்தாங்கி, பட்டுக்கோட்டை, பொள்ளாச்சி ஆகிய ஊர்களில் இருந்து வழக்கமாக தினசரி 40 முதல் 50 லாரிகளில் தேங்காய் வரும். ஆயுத பூஜையை முன்னிட்டு 3 நாட்களும் 80 முதல் 100 லாரிகளில் தேங்காய் வருகிறது. பொரி: வேலூர், ஆரணி, ஆற்காடு, செய்யாறு, பண்ருட்டி ஆகிய ஊர்களில் இருந்து ஆயுத பூஜைக்காக தினசரி 100 மினி லாரிகளில் பொரி மூட்டைகள் வரும் என்று எதிர்பார்க்கப்படுகிறது.சாமந்திப்பூ: கிருஷ்ணகிரி மாவட்டத்தில் உள்ள ராயக்கோட்டை, சூளகிரி ஆகிய ஊர்களில் இருந்தும் ஆந்திராவில் குப்பம், வள்ளானூர் ஆகிய ஊர்களில் இருந்தும் சாதாரண நாட்களில் 20 லாரிகளில் சாமந்திப்பூ வருவது வழக்கம். ஆயுத பூஜைக்கு 3 நாட்களிலும் 40 லாரிகளில் சாமந்திப்பூ வந்து சேரும் என்று வியாபாரிகள் எதிர்பார்க்கின்றனர்.

வரத்து குறைந்ததால்விலை அதிகரிப்புதேங்காய், வாழைப்பழம், ஆகியவை ஆயுத பூஜை அன்று அதிக விலைக்கு விற்பனையாகும் என்று விவசாயிகள் எதிர்பார்க்கின்றனர். எனவே தேங்காய் பறிப்பதையும், வாழைத்தார் வெட்டுவதையும் தள்ளி வைத்துள்ளனர். இதனால் வரத்து குறைந்து ஒரு ரூபாய் 50 காசுக்கு விற்ற வாழைப்பழம் க்ஷீ 3க்கு விற்பனையாகிறது. 7 ரூபாய்க்கு விற்ற தேங்காய் 10 ரூபாய் முதல் 15 ரூபாய்க்கு விற்கிறது. ஆயுத பூஜைக்காக 250 லாரிகளில் வாழைத்தார், தேங்காய் வருகிறது Chennai-new-news-2271