கைரேகையை பதிவு செய்து ஓட்டு போடும் புதிய முறை

சென்னை:

‘தேர்தலில் நேர்மை, இன்றைய தேவை’ என்ற தலைப்பில் தலைமை தேர்தல்ஆணையர் எஸ்.ஒய்.குரேஷிவுடன் கலந்துரையாடல் நிகழ்ச்சி, நேற்று சென்னையில்நடந்தது.இந்த நிகழ்ச்சியில் பொதுமக்கள், இளைஞர்கள், தன்னார்வ அமைப்பினர்என பல்வேறு தரப்பினர் கலந்து கொண்டு 50க்கும் மேற்பட்ட கேள்விகளைஎழுப்பினர். பதிலளித்து எஸ்.ஓய்.குரேஷி பேசியதாவது:தேர்தலில் வெற்றி பெற்றவேட்பாளர்கள் 30 நாட்களுக்குள் அவர்களுடைய வரவு, செலவு கணக்கை சமர்ப்பிக்கவேண்டும். அப்படி தாக்கல் செய்யாவிட்டால், வெற்றி ரத்து செய்யப்படும்.மேலும் 3 ஆண்டுகளுக்கு தேர்தலில் நிற்க தடை விதிக்கப்படும். 49 ‘ஓ’ஓட்டுகள் விண்ணப்பம் மூலம் போட வேண்டியிருப்பதால் வாக்காளர்கள் அச்சம்தெரிவித்துள்ளனர். எனவே ஓட்டு இயந்திரத்திலேயே இந்த ஓட்டும் பதிவுசெய்யும் வசதி கொண்டு வரப்படும்.

மாலை நேரத்தில் தான் அதிகம் கள்ளஓட்டுகள் பதிவாகி வருவதாக புகார் சொல்லப்படுகிறது. இனி ஒவ்வொரு மணிநேரத்திலும் எவ்வுளவு வாக்குகள் பதிவாகியுள்ளது என்பது கண்காணிக்கப்படும்.மாற்றுத் திறனாளிகள் சுதந்தரமாக, பாதுகாப்பாக ஓட்டு போட நடவடிக்கைஎடுக்கப்படும். ஓட்டு போடும் இடங்கள் வீடியோ மூலம் பதிவு செய்யப்படும்.வேட்பாளர்கள் மனு தாக்கல் செய்தவுடன் மாலை 3.15 மணிக்கு வேட்பாளர்குறித்து முழு விபரங்கள் நோட்டீஸ் போர்டுகளில் ஒட்டப்படும். பின்னர்3.30க்கு இணையதளத்தில் வெளியிடப்படும்.

இந்திய தேர்தல் ஆணையத்தின் வைரவிழாவை முன்னிட்டு, அடுத்த ஆண்டு ஜனவரி 25ம் தேதி வாக்காளர் தினம்டெல்லியில் கொண்டாடப்படுகிறது.அடுத்த வருடம் நவம்பர் இறுதியில் பணபலத்தைதவிர்த்து நேர்மையான தேர்தலை நடத்துவது தொடர்பாக டெல்லியில் தேசிய அளவிலானகருத்தரங்கம் நடத்தப்படும். கைரேகை பதிவு செய்து ஓட்டும் போடும் வசதிஅடுத்த 5 ஆண்டுகளில் கொண்டு வரப்படும். இந்தியாவில் இளைஞர்கள் அதிகம்.நாட்டில் மொத்த மக்கள் தொகையில் 70 சதவீதம் பேர் 35 வயதுக்குட்பட்டவர்கள்.எனவே இளைஞர்கள் நினைத்தால் ஊழலயற்ற இந்தியாவை உருவாக்க முடியும். இவ்வாறுஅவர் கூறினார்.