திருச்சி அருகே இன்று அதிகாலை நெல்லை எக்ஸ்பிரஸ் தடம் புரண்டது

திருச்சி:


திருச்சி அருகே இன்று அதிகாலை நெல்லை எக்ஸ்பிரஸ் ரயில் தடம்புரண்டது. பயணிகள் அதிர்ஷ்டவசமாக தப்பினர். இந்த விபத்துக்கு நாசவேலைகாரணமா என்பது குறித்து போலீசார் விசாரித்து வருகின்றனர்.
சென்னையில்இருந்து நெல்லைக்கு நேற்றிரவு நெல்லை எக்ஸ்பிரஸ் ரயில் புறப்பட்டது. இன்றுஅதிகாலை 2.15 மணிக்கு திருச்சி லால்குடி அருகே உள்ள மாந்துறைக்கும்வாளாடிக்கும் இடையே வந்தபோது, ரயில் கார்டு இருக்கும் கடைசி பெட்டிதிடீரென தடம் புரண்டது. அதிர்ச்சியடைந்த கார்டு ராஜசேகரன், கார்டுபெட்டியில் உள்ள எமர்ஜென்சி பிரேக்கை அழுத்தி ரயிலை நிறுத்தினார். பின்னர்ரயில் தடம் புரண்டது பற்றி இன்ஜின் டிரைவருக்கு தகவல் தெரிவித்தார்.

கார்டுபெட்டியில் மொத்தம் 45 பயணிகள் இருந்தனர். பெட்டி தடம் புரண்டதும் கார்டுஎமர்ஜென்சி பிரேக்கை பிடித்தார். ஆனாலும் ரயில் சுமார் ஒரு கி.மீ.தூரத்துக்கு இழுத்துச் செல்லப்பட்டு வாளாடியில் நின்றது. தடம் புரண்டபெட்டி, தண்டவாளத்தில் இருந்து விலகி ஸ்லிப்பர் கட்டைகள் மேல் சென்றதால்,தடதடவென சத்தம் ஏற்பட்டது. ஆழ்ந்த தூக்கத்தில் இருந்த பயணிகள் அலறிஎழுந்து கூச்சலிட்டனர். எமர்ஜென்சி பிரேக் போட்டு ரயில் நிறுத்தப்பட்டதால்பெரும் அசம்பாவிதம் தவிர்க்கப்பட்டு பயணிகள் அதிர்ஷ்டவசமாகதப்பினர்.இதுபற்றி ரயில்வே அதிகாரிகளுக்கு தகவல் அளிக்கப்பட்டது. ரயில்வேகோட்ட மேலாளர் வைத்தியலிங்கம், முதுநிலை கோட்ட பாதுகாப்பு மேலாளர்சுப்பையா, ரயில்வே எஸ்.பி மோகன், டிஎஸ்பி கண்ணன் மற்றும் போலீசார் சம்பவஇடத்துக்கு வந்து விசாரணை நடத்தினர். திருச்சியில் இருந்து சிறப்பு ரயில்மூலம் ஊழியர்கள் சென்று மீட்புப் பணியில் ஈடுபட்டனர். தண்டவாள இணைப்பில்வெல்டிங் விட்டுப்போனதால் பெட்டி தடம் புரண்டது தெரியவந்தது. பின்னர்ஊழியர்கள் கோளாறை சரிசெய்தனர்.

அதன்பின் தடம் புரண்ட பெட்டியைஅப்புறப்படுத்தி, அதற்கு பதிலாக வேறு பெட்டியை இணைத்தனர். மூன்று மணிநேரம் தாமதமாக காலை 5.30 மணியளவில் ரயில் புறப்பட்டு சென்றது. இந்தவிபத்து காரணமாக அந்த வழியாக வந்த பாண்டியன், மங்களூர், மலைக்கோட்டை ஆகியஎக்ஸ்பிரஸ் ரயில்களும் தாமதமாக சென்றன. அனந்தபுரி, சம்பர்க் எக்ஸ்பிரஸ்கள்தஞ்சாவூர், கும்பகோணம் வழியாக மாற்றுப் பாதையில் இயக்கப்பட்டன.தண்டவாளத்தில் வெல்டிங் விட்டுப்போனது இயற்கையாக நடந்ததா அல்லது நாசவேலைகாரணமாக நடந்ததா என்பது குறித்து போலீசார் தொடர்ந்து விசாரித்துவருகின்றனர்.