விவசாயியை சுட்டு கொன்ற வேட்டைக்காரர் கைது

by நவீன் Mon Oct 11, 2010 9:17 am

சித்தூர் :

சித்தூர் மாவட்டம், மதனப்பள்ளி அடுத்த பெத்தமானியம் மண்டலம் ரெக்கலகொண்டா கிராமத்தைச் சேர்ந்தவர் எர்ரய்யா(52), விவசாயி. அதே பகுதியை சேர்ந்தவர் ரெட்டப்பா(50). இவர் அடிக்கடி முயல் மற்றும் காட்டுப்பன்றிகளை வேட்டையாடி வந்துள்ளார். இந்நிலையில், எர்ரய்யா தனது ஆடுகளை மேய்ச்சலுக்காக நேற்று அதிகாலை வனப்பகுதிக்கு ஓட்டிச்சென்றார். அப்போது பன்றி வேட்டைக்காக ரெட்டப்பா அங்கு காத்திருந்தார்.காட்டில் புதர் அசைவதை கண்ட ரெட்டப்பா, காட்டுப்பன்றிதான் வந்துள்ளது என நினைத்து தான் வைத்திருந்த நாட்டு துப்பாக்கியால் குறி பார்த்து சுட்டார். அப்போது அலறல் சத்தம் கேட்கவே பதறியடித்த ரெட்டப்பா அங்கு சென்று பார்த்தார். எர்ரய்யா துப்பாக்கி குண்டு பாய்ந்து ரத்த வெள்ளத்தில் அதே இடத்தில் இறந்து கிடந்தார்.இதனால் அதிர்ச்சி அடைந்த ரெட்டப்பா, பெத்தமானியம் போலீஸ் நிலையத்துக்கு சென்று, நடந்த சம்பவங்களை கூறி சரணடைந்தார். போலீசாரிடம் தான் வைத்திருந்த நாட்டுத்துப்பாக்கியையும் ஒப்படைத்தார்.இதையடுத்து போலீசார் சம்பவ இடத்துக்கு சென்று, எர்ரய்யாவின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், ரெட்டப்பா மீது வழக்குபதிவு செய்து அவரை கைது செய்தனர்.

by **சிவா** Mon Oct 11, 2010 10:36 am

முன் விரோதம் காரணமாகவும் இப்படி பழி வாங்கியிருக்கலாம் அல்லவா?

விவசாயியை சுட்டு கொன்ற வேட்டைக்காரர் கைது

விவசாயியை சுட்டு கொன்ற வேட்டைக்காரர் கைது

Re: விவசாயியை சுட்டு கொன்ற வேட்டைக்காரர் கைது