இந்தியா வல்லரசாக என்ன வழி?

by கார்த்திக் Mon Oct 11, 2010 9:12 am

First topic message reminder :

""என்ன வளம் இல்லை இந்தத் திருநாட்டில்... ஏன் கையை ஏந்த வேண்டும் வெளிநாட்டில்...'' என்ற பாடலை இன்னமும் பாடிக் கொண்டிருக்கிறோம். பாட்டு வரிகளும் மாறவில்லை; நாமும் மாறவில்லை. இயற்கை கொடுத்த வளம் இன்னமும் இருக்கிறது. மனிதவளமாய் இளையோர் பட்டாளம் மிகுந்திருக்கிறது. அறிவும், ஆக்கப்பூர்வ சிந்தனையும் நிறைந்திருக்கிறது. தொலைநோக்கு திறனும் குவிந்திருக்கிறது. ஆனால், செயல்படுத்தும் விதத்தில் மட்டும் பின்தங்கி இருக்கிறோம். அதனாலேயே நம்மை ஏணியாய் நிற்க வைத்து, நம்மீது ஏறி பிற நாட்டவர் வெற்றிக் கொடி நாட்டுகின்றனர். வளர்ந்து வரும் நாடுகளின் பட்டியலில் தான் இன்னமும் இருக்கிறோம். இதை எப்படி மாற்றுவது, இந்தியா வல்லரசாக என்ன வழி ஆகிய கேள்வியை, தேனி மாவட்டம், ஆண்டிபட்டி பாரத் நிகேதன் பொறியியல் கல்லூரி மாணவியரிடம் வைத்தோம். பொரிந்து தள்ளிய மாணவியரின் ஆக்கப்பூர்வ கருத்துகள் இதோ..
.
வி.கோகிலா: நம் நாட்டிலுள்ள மூலப்பொருட்களைகொண்டு, உயர்ரக பொருட்களை உருவாக்கி, நமக்கே அதிக விலைக்கு விற்கின்றனர். நம் நாட்டின் இயற்கை வளங்கள் மட்டுமின்றி, திறமைகளும் வெளிநாட்டினரால் கொள்ளையடிக்கப்படுகிறது. அதை தடுக்க வேண்டும்.

கே. ஷப்னா ஆஸ்மி: "ஊழலை ஒழித்து விட்டால், நம் நாடு உலகில் முதலிடம் பெற்று விடும்' என, உலக வங்கி தலைவரே ஒப்புக் கொண்டுள்ளார். எனவே, ஊழலை ஒழிக்க வேண்டும். சிக்கனமான வாழ்க்கை முறையே, உலக பொருளாதார நெருக்கடியில் இருந்து நம்மை காப்பாற்றியது என்பதை உணர வேண்டும்.

ஏ. ஸ்ரீஎழில்: கல்வி, வேலைவாய்ப்பு உட்பட பல துறைகளில், அரசு சலுகைகளை பல தலைமுறையாக சில தரப்பினர் மட்டுமே அனுபவித்து வருகின்றனர். பொருளாதாரத்தில் பின்தங்கியவர்களுக்கும் வேலை வாய்ப்பில் முன்னுரிமை வழங்க வேண்டும்.
பி. ஜாஸ்மின் பிரியதர்ஷினி: "விவசாயம் செய்யும் மாப்பிள்ளையை திருமணம் செய்வேன்' என, பெண்கள் சொல்லும் அளவுக்கு விவசாயத்தொழிலுக்கு உள்நாட்டில் மரியாதை, முக்கியத்துவம் வழங்க வேண்டும். விளை நிலங்கள் அழிக்கப்படுவதை தடுத்து, நீர் ஆதாரங்களை வலுப்படுத்த வேண்டும்.
எம். கீதப்பிரியா: மனனம் செய்து படிப்பதை விட, புரிந்து படிக்கும் செயல்முறைக் கல்வியே வெற்றி பெற உதவுகிறது. கல்வி முறையில் பெரிய அளவில் சீர்திருத்தம் செய்யவேண்டும். அரசு திட்டங்களை முறையாக செயல்படுத்தும் அளவுக்கு நிர்வாகத்திலும் சீரமைப்பு வேண்டும்.
பி. விஷ்ணுபிரியா: சம்பள ஏற்றத் தாழ்வுகளை குறைத்து, வெளிநாடுகளை போல் சீரான சம்பள விகிதங்கள் வழங்கப்பட வேண்டும். <மக்களை திருப்திப்படுத்தும் திட்டங்களை செயல்படுத்துவதில் தான் அரசு அக்கறை காட்டுகிறது. தொலைநோக்கு பார்வையுடன் திட்டங்களை வகுப்பதில்லை.
எம். பார்கவி: நம் நாட்டின் வளர்ச்சி எல்லா மக்களையும் சென்றடையவில்லை. சிலர் மட்டுமே வளர்ச்சியின் பலனை அனுபவிக்கின்றனர். "எல்லோருக்கும் எல்லாமும்' என்ற சமநிலை உருவாக்கப்பட வேண்டும். வறுமைக்கோட்டுக்கு கீழ் உள்ள 39 சதவீத மக்களின் வாழ்க்கைத் தரம் உயர்த்தப்பட வேண்டும்.
எஸ். அன்புச்செல்வி: வெளிநாட்டு நிறுவனங்கள் வளாகத் தேர்வு நடத்தி, நம் நாட்டு திறமைகளை அள்ளிச் செல்கின்றன. பல நிறுவனங்கள் இங்கேயே வெளிநாட்டு முதலீட்டில் தொடங்கப்படுகின்றன. அரசுத்துறை களிலும் வளாகத் தேர்வு நடத்தி, உண்மையான திறமைக்கு மரியாதை வழங்கவேண்டும்.
ஏ. இனியா: பொருளாதார வளர்ச்சிக்கு பெரும் இடையூறாக இருப்பது வருமான வரி ஏய்ப்பு. வருமானம் அதிகரித்தும் வரி ஏய்ப்பு நடப்பதால், நலத்திட்டங்களை முழுமையாக செயல்படுத்துவதில் நிதி பற்றாக்குறையும், பின்னடைவும் ஏற்படுகிறது.
எஸ். சிவரஞ்சனி: எரிபொருள் செலவு நம் நாட்டின் மிகப்பெரிய சுமையாக உள்ளது. நதிகளை இணைத்து நீர்வளம் காப்பாற்றப்பட வேண்டும். நவீன தொழில் நுட்பங்களை எல்லா துறைகளிலும் பயன்படுத்தி, உற்பத்தி மற்றும் வினியோக செலவுகளை குறைத்தால், நம் நாடு விரைவில் வல்லரசாகும்.

ஹலோ தோழி ....

by **சிவா** Mon Oct 11, 2010 11:21 am

kajan_dj wrote:நல்லது..அடுத்த இனத்துக்கு ஆப்படிக்காம இருந்தாலே போதும் தானாகவே வல்லரசாகிவிடும்... இந்தியா தன்னை சுற்றி வர எதிரிகளை வைத்துக்கொண்டு வல்லரசு கனவில் மிதக்கின்றார்கள். ஆனால் அண்மைய வருடங்களில் அதற்கான சாத்தியக் கூறுகள் காணப்படவில்லை...முதலில் சமுக அபிவிருத்தி மட்டங்களில் உயர் நிலையை அடையட்டும். அதன் பிறகு பொருளாதார, இராணுவ வல்லரசு தன்மையை பற்றி சிந்திக்கலாம்...

மக்களுக்கு தேவை 1 ரூபாய்க்கு அரிசியோ, இலவச தொலைக்காட்சி பெட்டியோ அல்ல... முதலில் புதிய புதிய தொழில் முயற்சிகளை ஆரம்பியுங்கள். இதன் மூலம் அவர்களுக்கு வேலை வாய்ப்பு அதிகரிக்கும் பொது அவர்களின் வருமான மட்டம் அதிகரித்து, வறுமை மட்டம் குறைந்து அவர்களின் வாழ்க்கைத் தரம் உயரும். ... இதன் மூலம் கொள்வனவு சக்தி தானாகேவே அதிகரிக்கும்... இதனால் உற்பத்தி கேள்வி அதிகரித்து நாட்டின் மொத்த உள்நாட்டு உற்பத்தி அதிகரிக்கும்.. நாடு பொருளாதார வல்லரசு நிலையை நோக்கி நகரும்....

அதை விடுத்து கனவு கண்டு கொண்டிருப்பதால் மட்டும் வேலை நடக்கப் போவதில்லை..

ஆக்ககரமான கருத்து! வரவேற்கிறேன்!

by balakarthik Mon Oct 11, 2010 11:22 am

kajan_dj wrote:மக்களுக்கு தேவை 1 ரூபாய்க்கு அரிசியோ, இலவச தொலைக்காட்சி பெட்டியோ அல்ல

பாஸ் அவுங்க இந்தியா எப்போ வல்லரசு ஆகுமுன்னு கேக்குறாங்க ஏற்கனவே வல்லரசு ஆகிவிட்ட தமிழ்நாட பத்தி கேக்கல, அடுத்து நாங்க கலைஜர் கேபிள் டிவி கனைசனகூட இலவசமா கொடுக்கபோறோம் அத பார்த்து தெளிவாகிடுங்க

by **அருண்** Mon Oct 11, 2010 11:44 am

நல்ல அரசியல் தலைவர்கள் இருந்தால் போதும் நல்ல முறையில் ஆட்சி செய்தால் போதும் கூடிய சீக்கிரம் வல்லரசு நாடக மாற வாய்ப்புண்டு...

by kajan_dj Mon Oct 11, 2010 11:55 am

கருத்துரை பகிர்ந்த சிவா , பாலா கார்த்திக் அண்ணன்களுக்கு நன்றிகள் ....
தற்போதைய அரசியல்வாதி அடி மட்ட மக்கள் தன்மீது எப்போதும் சார்ந்திருக்க வேண்டுமென்றே விரும்புகின்றான். அவர்களுக்கு அடிப்படை வருமானமும், படிப்பறிவும், சுயமா சிந்திக்கும் தன்மையும் வந்து விட்டால் இவர்களின் கதி அதோகதிதான்...தமிழ் நாட்டில் மட்டுமல்ல பிற மாநிலங்களிலும் இதுதான் நடந்து கொண்டிருக்கின்றது.

தெரிந்தோ தெரியாமலோ இந்தியாவில் ஒரு சில முதலாளிகளின் பிடியில் பெரும்பாலான மக்கள் இருக்கின்றார்கள்...இதற்கு அண்மைய உதாரணம் எந்திரன்...நீங்கள் விரும்பியோ விரும்பாமலோ எந்திரன் அடிக்கின்ற அலையில் நீங்கள் அள்ளுண்டு போய்தான் ஆகவேண்டும்...எந்திரன் இத்தனை ஆயிரம் தியேட்டர்களில் வெளியிடப்பட்டது, இத்தனை கோடி செலவாகியது. முதல் வாரத்தில் இத்தனை கோடிகள் அள்ளியது என்பது அனைவருக்கும் தெரியும். ஆனால் யாராவது சிந்தித்தீர்களா ! குறித்த படம் மூலம் பெறுகின்ற வருமானம் அனைத்தும் தனி ஒருவரின் Pocket குள் தான் செல்கிறது என்பதை... முதலில் தனி முதலாளிகளின் கொட்டம் அடங்க வேண்டும். அதற்காக உளுத்துப் போன சோசலிசத்தை பின்பற்ற வேண்டும் என்று சொல்லவில்லை...வருமானம் உள்ளவனைப் பற்றிய கவலையை விடுங்கள். வருமானம் குறைந்தவன் , வருமானம் இல்லாதவனைப் பற்றி சிந்தியுங்கள்..அவனை மேலே தூக்கி விட முயற்சி செய்யுங்கள்.
குறைந்த பட்சம் அவனுக்கான உட்கட்டமைப்பு வசதிகளை ஆவது செய்து கொடுக்கலாமல்லவா...

விஜயகாந்த்...பிரதமர் ஆயிட்டார்ன்னா..

இந்தியா என்கிற பேரோடு..வல்லரசு சேர்த்து...

இந்தியா வல்லரசுன்னு ஆக்கிடுவாரு..நீங்க கொஞ்சம்

ஒத்துழைச்சா சரி

by கார்த்திக் Mon Oct 11, 2010 12:06 pm

தேனி சூர்யாபாஸ்கரன் wrote:
விஜயகாந்த்...பிரதமர் ஆயிட்டார்ன்னா..

இந்தியா என்கிற பேரோடு..வல்லரசு சேர்த்து...

இந்தியா வல்லரசுன்னு ஆக்கிடுவாரு..நீங்க கொஞ்சம்

ஒத்துழைச்சா சரி

ஓட்டு கேட்க்க இது தருணம் இல்லை மன்னா

ஜஸ்ட் போர் ஜோக் கார்த்திக்.

எனக்கு தெரிந்த வரை...வல்லரசு ஆக்க..

1 . வெளி நாட்டில் வேலைக்கு செல்பவர்கள்...அதிக பட்சமாக ஐந்து ஆண்டுகள் மட்டுமே வேலை வெளிநாட்டில் செய்யவேண்டும்..சம்பாத்தியம் அனைத்தும் நம் இந்திய வங்கிகளில் மட்டுமே சேமிக்க வேண்டும்..
வெளி நாட்டில் குடியுரிமை வாங்கக்கூடாது..

2. நாம் கடையில் ஒரு பொருள் வாங்கினாலும் வரி செலுத்தி
வாங்கவேண்டும்

3 . அரசியலில் இருப்பவர்களின் சொத்து மதிப்பு..குறிப்பிட்ட தொகைக்கு மேல் இருக்ககூடாது..அவர்களை கண்காணிக்க தனி துறை அமையவேண்டும்...

இப்படி எவ்வளவோ உள்ளது...நண்பா...

by tthendral Mon Oct 11, 2010 12:39 pm

இந்தியா சிங்களர்களுக்கு ஆயுதம் கொடுத்து தமிழ் மக்களை கொன்றொழித்த போதே வல்லரசு ஆகிவிட்டது. :farao:

by முபிஸ் Mon Oct 11, 2010 12:47 pm

இந்தியா வல்லரசாக பொதுவாக இன்னொரு காரணம் கட்டாயமாக சிவா அண்ணன் பாலா மற்றும் கார்த்திக் அவர்களிடம் நிறைய கறுப்பு பணம் உள்ளது அத்தனையும் வெளி வர வேண்டும் இல்லாதோருக்கு கொடுக்க வேண்டும்