கூழ் வற்றல் குழம்பு

கார்த்திக் · கார்த்திக் Wed Sep 29, 2010 4:19 pm

நம் வீட்டில் அரிசியில் வடகம் செய்து வைத்திருப்பர். அதனை கொண்டு கூழ் வற்றல் குழம்பு செய்வது எப்படி என்று பார்ப்போம். சும்மா காரசாரமா செய்து சாப்பிடுப் பாருங்கள். அதன் ருசியே தனி தான்.
கூழ் வற்றல் குழம்பு 4

தேவையான பொருட்கள் :

கூழ் வற்றல் வடகம் - 20
பூண்டு - 20 பல்
சின்ன வெங்காயம் - 15
தக்காளி - 1
சாம்பார்பொடி - இரண்டரை (2 1/2) ஸ்பூன்
புளி - எலுமிச்சை அளவு
உப்பு - தேவைக்கேற்ப

எண்ணெய் - 7 டீஸ்பூன்
கடுகு - அரை டீஸ்பூன்
உளுத்தம்பருப்பு - 1 டீஸ்பூன்
வெந்தயம் - கால் டீஸ்பூன்
சோம்பு - கால் டீஸ்பூன்
பெருங்காயம் - 1 சிட்டிகை

செய்முறை:

# கூழ்வற்றலை கொதிக்கும் நீரில் போட்டு ஊறவைக்கவும் (அரை மணியிலிருந்து முக்கால் மணிநேரம்).

# வெங்காயம், பூண்டை தோல் உரித்துக் கொள்ளவும்.

# ஒரு வாணலியில் எண்ணெய் விட்டு, காய்ந்ததும் மேலே கூறியுள்ள தாளிக்கும் பொருள்களை போட்டு, பொரிந்ததும் வெங்காயம்+பூண்டு சேர்த்து சற்று வதக்கவும்.

# பின் தக்காளி சேர்த்து நன்கு வதக்கவும்.

# புளியையும் உப்பையும் 6 டம்ளர் தண்ணீரில் ஊறவைத்து, கரைத்து வடிகட்டி சாம்பார்பொடி சேர்த்து கலக்கி, வதங்கிய வெங்காயம் பூண்டு, தக்காளியுடன் ஊற்றவும்.

# அது நன்கு கொதித்து காயில் உப்பு சார்ந்ததும், ஊறவைத்த வற்றலை அதில் இருக்கும் நீரை வடித்துவிட்டு குழம்பில் சேர்க்கவும்.

# கால் மணிநேரம் கழித்து கெட்டியானதும் இறக்கவும்.

மனோஜ் · மனோஜ் Wed Sep 29, 2010 9:06 pm

நளபாகம் அருமை! சொல்லும்போதே நாவில் நீர் ஊற்று !

கூழ் வற்றல் குழம்பு

கூழ் வற்றல் குழம்பு

Re: கூழ் வற்றல் குழம்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக