ஜீவா - ஸ்ரேயா நடிக்கும் ரவுத்திரம்

**சிவா** · **சிவா** Sun Oct 10, 2010 4:10 pm

புது வசந்தம், பூவே உனக்காக, நாட்டாமை, சூர்யவம்சம் உள்பட பல வெற்றி படங்களை தயாரித்த நிறுவனம், ஆர்.பி.சவுத்ரியின் சூப்பர் குட் பிலிம்ஸ். இந்த நிறுவனம் இப்போது, `ரவுத்திரம்' என்ற புதிய படத்தை தயாரித்து வருகிறது.

இதில், ஜீவா கதாநாயகனாக நடிக்கிறார். அவருக்கு ஜோடியாக ஸ்ரேயா நடிக்கிறார். இருவரும் இணைந்து நடிக்கும் முதல் படம் இது. இவர்களுடன் பிரகாஷ்ராஜ், ஜெயப்பிரகாஷ், சத்யன், ஸ்ரீநாத், டி.வி.மோனிகா, லட்சுமி ஆகியோரும் நடிக்கிறார்கள். முக்கிய கதாபாத்திரத்தில் மும்பை டான்ஸ்மாஸ்டர் கணேஷ் ஆச்சார்யா நடிக்கிறார்.

பல நடிகர்-நடிகைகளையும், டைரக்டர்களையும் அறி முகம் செய்த ஆர்.பி.சவுத்ரி, `ரவுத்திரம்' படத்தின் மூலம் சண்முகசுந்தரம் என்ற ஒளிப்பதிவாளரையும், பிரகாஷ் நிகி என்ற இசையமைப்பாளரையும், கோகுல் என்ற டைரக்டரையும் அறிமுகம் செய்கிறார்.

இவர்களில் கோகுல், பிரபல தெலுங்கு டைரக்டர் சூரியகிரணிடம் உதவி டைரக்டராக இருந்தவர். படத்தின் கதை-திரைக்கதை-வசனத்தையும் இவரே எழுதுகிறார். படத்தின் இணை தயாரிப்பு: சுரேஷ் சவுத்ரி.

படப்பிடிப்பு சென்னையில் தொடங்கி, தொடர்ந்து நடைபெற்று வருகிறது.

கார்த்திக் · கார்த்திக் Sun Oct 10, 2010 4:16 pm

இதும் வெற்றி பெற வாழ்த்துக்கள் ..

அப்புகுட்டி · அப்புகுட்டி Sun Oct 10, 2010 4:21 pm

பொறுத்திருந்து பார்ப்போம் கவர்ச்சிப் புயல்

கார்த்திக் · கார்த்திக் Sun Oct 10, 2010 4:25 pm

அப்புகுட்டி wrote:பொறுத்திருந்து பார்ப்போம் கவர்ச்சிப் புயல்

அதுக்கு என்ன பஞ்சம் . தாரளமாக இருக்கும்

balakarthik · balakarthik Sun Oct 10, 2010 4:29 pm

எனக்கு தெரிந்தவரையில் எதிர்கால தமிழ் சினிமாவின் நம்பிக்கை நட்சத்திரங்களில் ஜீவாவும் ஒருவர் ஆனால் தற்சமயம் அவர் சில படங்களில் தடுமாறுவது நன்றாகவே தெரிகிறது அதற்க்கு காரணம் அவர் தேர்ந்தேடுக்கும் கதைகளும் கூட இருக்கலாம் ஆகவே நல்ல கதைகளில் நடித்து வெற்றி பெற எனது வாழ்த்துக்கள்