உணர்வுக்கு உயிர் கொடுப்போம் – (என் 1000 வது பதிவு)

நண்பா...
மழலை உன்னிடம் கனிமொழிபேசி
உந்தன் உச்சிமுகர்ந்து அன்புகாட்டிய முகம் –
இன்று வாடியமலராய்..

உன் தந்தையை விட உயர்ந்து இருந்தாய்..
உன்னை தோளில்சுமந்து உயர்த்திய
அந்த தோள்கள் இன்று பொலிவிழந்து போய்...

உன் பிஞ்சு விரல்பிடித்து உனக்கு
உலகை சுற்றி காட்டியவிரல்கள்.-இன்று
அந்த விரல்கள் வதங்கிப்போய்...

நீ அழுதுகொண்டே இருந்த போது
உன்னை ஆதரவாய் சாய்த்துக் கொண்ட
மார்புகள் இன்றுவற்றிப்போய்..

நன்னெறிக்கதைகளும்..
நகைச்சுவைக் கதைகளும்..உன் மனம்
நன்கறிய நாள்தோறும்..சொன்ன உதடுகள்..
இன்று உலர்ந்து வெடித்துப்போய்..

யானை போல் ஆக்கி தினம் முதுகில் ஏறி.. நீ
அரசன் போல் வலம் வந்த முதுகு..-இன்று
கூன் விழுந்து...குறுகிப்போய்.

உன்னைமட்டுமல்ல..உன்னைப்போல்
உன் தந்தையையும் சுமந்த தோள்கள்.. இன்று.
உன்வீட்டின் ஓரமாய்...ஒரு கட்டிலில்,கவனிப்பாரற்று.

இதுமுதுமை தான்..இதை
அவர்கள்தாங்கிக் கொள்வார்கள்..
ஆனால்..தன் மீது பாசமாய்
ஒரு வார்த்தை பேசாமல் நீ போனால்..
தாங்காது..அந்த பாச உணர்வுகள்..அந்த..
உணர்வுக்கு உயிர் கொடுங்கள்..
அது தான் அவர்கள் முதுமையில் தேடுவது..

மறந்து விடாதே...! முதுமை..
உனக்கும் ஒரு நாள் வரும்..!

by தாஸ் Sat Oct 09, 2010 11:40 pm

அருமையாக உள்ளது உங்கள் வரிகள்
உங்களுக்கு வாழ்த்துக்களும்

தாஸ் wrote:அருமையாக உள்ளது உங்கள் வரிகள்
உங்களுக்கு வாழ்த்துக்களும்

உங்கள் வாழ்த்துக்கு...என் நன்றிகள்...

by **மு.வித்யாசன்** Sun Oct 10, 2010 12:10 am

நண்பா இது உனது 1000 மாவது படைப்பு.
இல்லை நீ கடந்து வந்த படிப்பு.
நடந்து வந்த வனப்பு
ரசித்த நிமிடங்களின் தொகுப்பு
தொலைந்து போன உயிர்ப்பு
இன்னொரு துவக்கத்தின் பிறப்பு
நான் என்ன சொல்ல
உன்படைப்பு அத்தனையும் இலைகளுக்கு பின்னால்
தனது இனத்தை பெருக்க குடையாகவும், வீடாகவும் உருவாக்கிக் கொண்ட பூச்சிகளின் அறிய அறிவை போன்றது.

படை, படை தொடர்ந்து படை எடு...
உனக்கென்று உண்டாகும் நட்பு படையில்
நான்தான் முதலாவதாக பிடித்திருப்பேன் உன் வாசகன் எனும் குடை.

ஆயிரம் என்ன உன் விழி எனும் உளி பட்டு உயிர் பெறட்டும் பல்லாயிரம் உருவங்கள்.

by வினுப்ரியா Sun Oct 10, 2010 12:11 am

யானை போல் முதுகில் ஏறி..தினம் நீ
அரசன் போல் வலம் வந்த முதுகு..-இன்று
கூன் விழுந்து...குறுகிப்போய்.

மிகவும் அழகு
மிகவும் உண்மை
மிகவும் நன்று

இதற்கு முன்பு உங்கள் கவிதைகளில் இல்லாத ஒன்று
இதில் உள்ளது .பாராட்டுக்கள்

மு.வித்யாசன் wrote:நண்பா இது உனது 1000 மாவது படைப்பு.
இல்லை நீ கடந்து வந்த படிப்பு.
நடந்து வந்த வனப்பு
ரசித்த நிமிடங்களின் தொகுப்பு
தொலைந்து போன உயிர்ப்பு
இன்னொரு துவக்கத்தின் பிறப்பு
நான் என்ன சொல்ல
உன்படைப்பு அத்தனையும் இலைகளுக்கு பின்னால்
தனது இனத்தை பெருக்க குடையாகவும், வீடாகவும் உருவாக்கிக் கொண்ட பூச்சிகளின் அறிய அறிவை போன்றது.

படை, படை தொடர்ந்து படை எடு...
உனக்கென்று உண்டாகும் நட்பு படையில்
நான்தான் முதலாவதாக பிடித்திருப்பேன் உன் வாசகன் எனும் குடை.

ஆயிரம் என்ன உன் விழி எனும் உளி பட்டு உயிர் பெறட்டும் பல்லாயிரம் உருவங்கள்.

நண்பனின் வாழ்த்து..என்னை அதிகம் சிந்திக்க செய்கிறது..உன் வரி உளி பட்டு..
நன்றி..வித்யா..