எலக்ட்ரிக் ஷாக்கில் இந்திய வாலிபர் பலி : ஆஸி.,போலீஸ் கேலி மெயில்; இந்தியா கண்டனம்

ஆஸ்திரேலியாவில் இந்தியரை இப்படியும் கொல்லலாமா என்ற கேலி இ மெயில் விவகாரம் தற்போது பெரும் கண்டனத்திற்குள்ளாகியிருக்கிறது. இது தொடர்பான விவகாரத்தில் தொடர்புடைய அதிகாரிகள் மீது உரிய நடவடிக்கை எடுக்க வேண்டும் என இந்திய வெளியுறவு அமைச்கம் கேட்டுக்கொண்டுள்ளது.



கடந்த சில நாட்களுக்கு முன்னர் ஆஸ்திரேலியாவில் ஒரு இந்திய வாலிபர் ரயில் மேற்கூரையில் ஏறி பயணம் செய்துள்ளார். இவர் பயணம் சென்று கொண்டிருந்தபோது மேலே சென்று கொண்டிருந்த ஹைபர் எலக்ட்ரிக் ஷாக் அடித்து பலியானார். இந்த வீடியோ காட்சியை ஒரு போலீஸ் அதிகாரி மற்றொரு போலீஸ் அதிகாரிக்கு அனுப்பி இதுபோல இந்தியர்களை கையாண்டால் என்ன என கேலியாக பேசி கேட்டுள்ளார். இந்த மெயில் விகாரத்தில் விக்டோரியாவை சேர்ந்த 15 போலீஸ் அதிகாரிகள் சிக்கியிருக்கின்றனர். இந்த மெயில் விவகாரம் அங்குள்ள பிரபல பத்திரிகையில் வெளியானது. இந்த சம்பவம் குறித்து இந்தியா தனது அதிருப்தியை தெரிவித்திருக்கிறது.



இது போன்ற அதிகாரிகள் இனவெறி செயலில் ஈடுபடலாமா என்றும் கேட்டுள்ளது. வெளியுறவு அமைச்சர் எஸ்.எம். கிருஷ்ணா தனது பலத்தை கண்டனத்தை தெரிவித்துள்ளார். இது வேதனை தரும் செய்தி, அதிகாரிகள் மீது ஆஸி., அரசு உரிய நடவடிக்கை எடுக்க வேண்டும் என்றும் கேட்டுக்கொண்டுள்ளார்.



இதற்கிடையில் டில்லியில் உள்ள இந்தியாவுக்கான ஆஸி., தூதர் பீட்டர்வர்ஜீஸ்சிடம் , விளக்கம் கேட்டு இந்தியா நோட்டீஸ் அனுப்பியுள்ளது.இது குறித்து உரிய நடவடிக்கை எடுக்கப்படும் என ஆஸி., தூதர் டில்லியில் கூறியுள்ளார்.




குரங்கு போல இந்தியர்: காமன்வெல்த் போட்டியில் பங்கேற்ற தென்ஆப்ரிக்க நீச்சல் வீரர் ரோலண்ட் ஸ்கூமன் , பார்வையாளர்களை பார்த்து , இந்திய கூட்டத்தினர் குரங்கு போல நடந்து கொள்கின்றனர் என்று கூறியுள்ளார். இதுவும் இன வெறி சர்சையை கிளப்பியுள்ளது

வன்மையாக கண்டிக்க வேண்டும் மேலும் இது போல தொடரா வண்ணம் நடவடிக்கை எடுக்க வேண்டும்

இது கண்டிக்க வேண்டிய விசயம் தான்!..
இருந்தாலும் சற்று சிந்தித்து பாருங்கள்!.

."கடந்த சில நாட்களுக்கு முன்னர் ஆஸ்திரேலியாவில் ஒரு இந்திய வாலிபர் ரயில் மேற்கூரையில் ஏறி பயணம் செய்துள்ளார். இவர் பயணம் சென்று கொண்டிருந்தபோது மேலே சென்று கொண்டிருந்த ஹைபர் எலக்ட்ரிக் ஷாக் அடித்து பலியானார்".

நம்ம ஊரு பழக்கம் வெளிநாடு போகியும் விடல!..

இதை கிண்டல் செய்து மிண்யஞ்சல் அனுப்பி விளையாடுகிறார்கள்!..

நம்ம நாட்டிலியே எத்தனயோ அரசியல் வாதிகள், சினிமாகாரர்கள் , தொழில் அதிபர்கள் பத்தி கிண்டல்
மெயில்கள் நாளுக்கு நாள் வந்து-கொண்டே தான் இருக்கு. நம்மல வேர ஒருத்தன் கிண்டல் பண்ணிட்டா! உடனே அறிக்கைகள்,போராட்டம் !...


சற்று சிந்தியுங்கள்!.. உலகில் எத்தனையோ நாடுகள் இருக்கு!.. ஆனால் இந்தியாவை பற்றி தான் அதிக சர்ச்சைகள் எழுது!

மற்றவர்கள் கிண்டல் செய்கிறார்கள்! என்று கூறுவதை நிறுத்திவிட்டு அதை அவர்கள் செய்யாத அளவுக்கு நாம் நடந்துக் கொள்ளவேண்டும்...
அதற்காக
இந்த வீடியோ காட்சியை ஒரு போலீஸ் அதிகாரி மற்றொரு போலீஸ் அதிகாரிக்கு அனுப்பி இதுபோல இந்தியர்களை கையாண்டால் என்ன என கேலியாக பேசி கேட்டுள்ளார்

இவர்களுக்கு ஆதரவாக பேசவில்லை!..

நம்மிடமே நிறைய அழுக்கு மூட்டை இருக்கு ! அதை சரிசெய்து விட்டு பேசலாமே?