உள்நாட்டு மதுவை பாட்டிலில் அடைத்து வெளிநாட்டு மது என்று கூறி ரூ. 10 ஆயிரத்துக்கு விற்ற ஒருவர் கைது

கார்த்திக் · கார்த்திக் Sat 9 Oct 2010 - 17:32

பெரம்பூர், வியாசர்பாடி, பர்மா பஜார் பகுதிகளில் போலியான வெளிநாட்டு மதுபாட்டில்கள் விற்பனை செய்யப்படுவதாக போலீசாருக்கு தகவல் கிடைத்தது.

இதையடுத்து பூக்கடை மது விலக்குப்பிரிவு கூடுதல் துணை கமிஷனர் மகேஸ்வரன் உத்தரவுபடி உதவி கமிஷனர் மனோகரன், இன்ஸ்பெக்டர் நாகராஜன், சப்- இன்ஸ்பெக்டர் தீபக்குமார் மற்றும் போலீசார் வியாசர்பாடி எம்.கே.பி. நகரில் தீவிர சோதனை நடத்தினார்கள்.

அப்போது எம்.கே.பி. நகர் 13-வது குறுக்குத் தெருவில் உள்ள ஒரு வீட்டில் ஏராளமான வெளிநாட்டு காலி மது பாட்டில்கள், போலி லேபிள்கள், மூடிகள், அட்டை பெட்டிகள் இருப்பது கண்டுபிடிக்கப்பட்டது.

அப்போது தப்பி ஓட முயன்ற அமீன் (45) என்பவர் போலீசாரிடம் சிக்கினார். விசாரணையில், அந்த வெளிநாட்டு மதுபாட்டில்களில் உள்நாட்டு மதுவை அடைத்து விற்பனை செய்தது தெரிய வந்தது.

இதையடுத்து அவர் கைது செய்யப்பட்டார். தொடர்ந்து நடந்த விசாரணையில், வெளிநாட்டு மது பாட்டில்களை நட்சத்திர ஓட்டல்களில் இருந்து விலைக்கு வாங்கி வந்து அதில் உள் நாட்டு மதுவகை அடைத்து பாட்டில் ஒன்று ரூ. 5 ஆயிரம் முதல் ரூ. 10 ஆயிரம் வரை விற்பனை செய்தது தெரிய வந்தது.

உள்நாட்டு மதுவை அடைத்து விற்பதற்காக வைக்கப்பட்டிருந்த வெளிநாட்டு காலி மதுபாட்டில்கள், புதிய மூடிகள், போலி லேபிள்கள், அட்டை பெட்டிகளை போலீசார் பறிமுதல் செய்தனர். 4 பேர் சேர்ந்து இந்த போலி மது விற்பனையில் ஈடுபட்டதாக போலீசாரிடம் அமீன் தெரிவித்தார்.

தப்பி ஓடிய 3 பேரையும் போலீசார் தேடிவருகிறார்கள். இந்த மோசடி விற்பனைக்கு உதவி செய்தவர்கள் குறித்தும் விசாரணை நடக்கிறது. வேறு கும்பல்களுடன் இவர்களுக்கு தொடர்பு உள்ளதா? என்றும் போலீசார் விசாரித்து வருகிறார்கள்.

மாலைமலர்

உள்நாட்டு மதுவை பாட்டிலில் அடைத்து வெளிநாட்டு மது என்று கூறி ரூ. 10 ஆயிரத்துக்கு விற்ற ஒருவர் கைது

உள்நாட்டு மதுவை பாட்டிலில் அடைத்து வெளிநாட்டு மது என்று கூறி ரூ. 10 ஆயிரத்துக்கு விற்ற ஒருவர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக