இன்ஸ்சூரன்ஸ் இம்சையா? ஈஸியா?

ரங்கநாயகி : ஹெல்த்,மெடிக்கல் இன்ஸ்சூரன்ஸ் எல்லாக் குடும்பங்களுக்குமே தேவையானவை. மாதாந்திரம் அல்லது ஆண்டுதோறும் அதிக பிரீமியம் கட்டினாலும், மெடிக்கல் இன்ஷூரன்ஸ் கொடுக்கும் பயன் அதிகம்தான். நிறைய இன்ஷூரன்ஸ் கம்பெனிகளுக்கு கிளைமுக்குப் போகும்போது இது சரியில்லை, அது சரியில்லை என ஏதோ ஒரு சாக்குப் போக்குச் சொல்லி செட்டில் பண்ணாமல் தட்டிக் கழிக்கிறார்கள். ஒரு இன்ஷூரன்ஸ் எடுக்கிறோம்னா, அந்த கம்பெனியோட நம்பகத்தன்மையை ஒரு தடவைக்கு நூறு தடவை செக் செய்துதான் பாலிசிகளை எடுக்க வேண்டும். தேவையில்லாமல் இந்த இன்ஷூரன்ஸ், அந்த இன்ஷூரன்ஸ் என்று எடுத்துக்கொள்வதில் பயன் இல்லை.

வேங்கடசுப்ரமணியன் : நிறைய வீடுகள்ல சித்தப்பா, பெரியப்பாக்களோட இன்ஷூரன்ஸ் மார்க்கெட்டிங் தொந்தரவு தாங்கமாதான் வாங்குவாங்க. தெருவுல போற பிச்சைக்காரனுக்கு நாம காசு போடறமோ இல்லயோ ஆனா, நமக்கு தெரியாமலேயே நம் காசு யாரோ ஒருவர் இறந்த பிறகு ஒரு தானம் செய்யற மாதிரி போகுது. நமக்கு முன்ன பின்ன தெரியாத நபர்களுக்கு இதன் வழியா நாம உதவி செய்கிறோம். ஒரேடியா எல்லாப் பணத்தையும் இன்ஷூரன்ஸ்ல போட்டு விடக்கூடாது. அதற்கும் ஒரு லிமிட் வைத்துக் கொள்ள வேண்டும்.

பாலாஜி : இந்தியாவில் இன்ஷூரன்ஸ் பெரிய வியாபாரமாகி விட்டது. அதிகமாகச் சம்பாதிக்கறவங்க வரி விலக்குக்காக ஏகப்பட்ட இன்ஷூரன்ஸ் பாலிசி எடுக்கறாங்க. இதுல எந்தெந்த பாலிசி எதுக்குன்னு அவங்களுக்கே தெரியறதில்ல. இன்ஷூரன்ஸ் பிசினஸ்ல இருக்கவங்களுக்கும் அதைப் பத்தி புரிதல் அவ்வளவா இல்லை. ஏதோ பாலிசி எடுக்க வெச்சோமா நாலு காசு கமிஷனா பார்த்தோமான்னுதான் போயக்கிட்டு இருக்காங்க. இதுல ஹெல்த் இன்ஷூரன்ஸ் படுத்தற பாடு ரொம்ப மோசம். சாதாரணமா 200 ரூபான்னு டாக்டர் ஃபீஸ் வாங்கற எடத்துல ஹெல்த் இன்ஷூரன்ஸ் இருக்கா அப்போ ஃபீஸ் 500 ரூபான்னு கணக்குச் சொல்றாங்க.

நிர்மலா : இன்ஷூரன்ஸ் வியாபாரத் துறையினருக்கு ரொம்பவே பலன் அளிக்குது. குடோன்களில் இருக்கும் அவர்களது சாமான்கள் ஏதாவது விபத்தில் சிக்கினாலோ அல்லது அவர்களது சாமான்களை ஓர் ஊர் விட்டு இன்னொரு ஊருக்கு அனுப்பும்போது அதற்கு ஏதாவது பங்கம் ஏற்பட்டாலோ அந்த இடத்தில் வியாபார ரீதியாக நஷ்டம் ஏற்படாமல் அவர்களைப் பார்த்துக் கொள்வது இன்ஷூரன்ஸ்தான். வருமானவரி விலக்கு, திடீரென நோய்வாய்பட்டுப் போகும்போது அந்தச் சிகிச்சைக்கென கரம்கொடுப்பதும் இன்ஷூரன்ஸ்தான். இதை மனித வாழ்வின் இதயம் என்றுகூடச் சொல்லலாம்.

கல்கி!

மருத்துவ காப்பிடு எதிர்கலதுக்கு இதெல்லாம் ஓகே இப்போ புதுசா வந்திருக்க பங்கு சந்தை காப்பீடு ஏமாற்று வேலை போல தெரியுது

இம்சை தான்

அப்துல் wrote:இம்சை தான்

நாம டிக்கட் வாங்கிட்டா குடும்பத்துக்கு இதமான இம்சை பாஸ்.

யினியவன் wrote:

அப்துல் wrote:இம்சை தான்

நாம டிக்கட் வாங்கிட்டா குடும்பத்துக்கு இதமான இம்சை பாஸ்.

ஆம்.உண்மை தான் நண்பரே

என்னை பொறுத்தவரை இன்சூரன்ஸ் ஹிம்சைதான் .