அப்பா......

by Ravi Fri 8 Oct 2010 - 11:37

எப்படி எப்படி
எல்லாமோ
தன் பாசம்
உணர்த்துவாள் அம்மா
ஒரேயொரு
கைஅழுத்தத்தில்
எல்லாமே
உணர்த்துவார்
அப்பா...
முன்னால்
சொன்னதில்லை
பிறர் சொல்லித்தான்
கேட்டிருக்கிறேன்
என்னைப்
பற்றி பெருமையாக
அப்பா
பேசிக்கொண்டிருந்ததை...
அம்மா
எத்தனையோ முறை
திட்டினாலும்
உறைத்ததில்லை
உடனே
உறைத்திருக்கிறது
என்றேனும்
அப்பா
முகம் வாடும் போது
உன் அப்பா
எவ்வளவு உற்சாகமாக
இருக்கிறார் தெரியுமா
என என் நண்பர்கள்
என்னிடமே சொல்லும்
போதுதான் எனக்குத்
தெரிந்தது
எத்தனை பேருக்குக்
கிடைக்காத தந்தை
எனக்கு மட்டும் என...
கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?
சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?
லேசாக என் கால்
தடுமாறினாலும்
பதறும் அப்பா
இன்று நான்
தடுமாறிய போது
பதறாமல் இருக்கிறார்
மீளா துயிலில்...
சொல்லிக்
கொடுத்ததில்லை
திட்டியதும் இல்லை
இல்லை என்றும்
சொன்னதுமில்லை
வேண்டாம் எனக்
கூறியதும் இல்லை
இருந்தும் ஏதோ
ஒன்றினால்
கட்டுப்படுத்தியது
அப்பாவின் அன்பு
நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..
அம்மாவிடம்
பாசத்தையும்
அப்பாவிடம்
நேசத்தையும்
இன்றே உணர்த்துங்கள்
சில நாளைகள்
இல்லாமலும் போகலாம். அழுகை

சோகமான கவிதை. நல்ல கருத்து.

by **சிவா** Fri 8 Oct 2010 - 11:56

எப்படி எப்படி எல்லாமோ
தன் பாசம் உணர்த்துவாள் அம்மா

ஒரேயொரு கைஅழுத்தத்தில்
எல்லாமே உணர்த்துவார் அப்பா...

முன்னால் சொன்னதில்லை
பிறர் சொல்லித்தான் கேட்டிருக்கிறேன்

என்னைப் பற்றி பெருமையாக
அப்பா பேசிக்கொண்டிருந்ததை...

அம்மா எத்தனையோ முறை
திட்டினாலும் உறைத்ததில்லை

உடனே உறைத்திருக்கிறது
என்றேனும் அப்பா
முகம் வாடும் போது

உன் அப்பா எவ்வளவு
உற்சாகமாக இருக்கிறார் தெரியுமா

என என் நண்பர்கள்
என்னிடமே சொல்லும் போதுதான்

எனக்குத் தெரிந்தது எத்தனை
பேருக்குக் கிடைக்காத தந்தை
எனக்கு மட்டும் என...

கேட்ட உடனே கொடுப்பதற்கு
முடியாததால் தான்

அப்பாவை அனுப்பி
இருக்கிறாரோ கடவுள்..?

சிறுவயதில் என் கைப்பிடித்து
நடைபயில சொல்லிக்கொடுத்த
அப்பா,

என் கரம் பிடித்து
நடந்த போது
என்ன நினைத்திருப்பார்..?

லேசாக என் கால்
தடுமாறினாலும்
பதறும் அப்பா

இன்று நான் தடுமாறிய போது
பதறாமல் இருக்கிறார்
மீளா துயிலில்...

சொல்லிக் கொடுத்ததில்லை
திட்டியதும் இல்லை

இல்லை என்றும்சொன்னதுமில்லை
வேண்டாம் எனக் கூறியதும் இல்லை

இருந்தும் ஏதோ ஒன்றினால்
கட்டுப்படுத்தியது அப்பாவின் அன்பு

நானும் காட்டியதில்லை
அவரும் காட்டியதில்லை
எங்கள் பாசத்தை...

இருந்தும் காட்டிக் கொடுத்த
கண்ணீரைத் துடைக்க இன்று
அப்பாவும் இல்லை..

அம்மாவிடம் பாசத்தையும்
அப்பாவிடம் நேசத்தையும்
இன்றே உணர்த்துங்கள்

சில நாளைகள்
இல்லாமலும் போகலாம்.

கண்களில் நீரை வரவழைத்து விட்டது உங்களின் கவிதை! என் தந்தையும் என்னிடம் அதிகம் பேசியதில்லை, ஆனால் மற்றவர்களிடம் என்னைப் பற்றி நிறையப் பேசுவார். என் அன்புத் தந்தையை என் மனக் கண்ணில் கொண்டு வந்து நிறுத்தி விட்டீர்கள்!

(இப்படி இன்னும் சில படைப்புகள் வந்தால் தீபாவளிக்கு வீட்டிற்குச் சென்றாலும் ஆச்சரியப்படுவதற்கில்லை - ஏக்கமுடன்)

by Ravi Fri 8 Oct 2010 - 11:57

Kaa Na Kalyanasundaram wrote: சோகமான கவிதை. நல்ல கருத்து.

மிக்க நன்றி அன்பு மலர்

by Ravi Fri 8 Oct 2010 - 12:12

சிவா wrote:
கண்களில் நீரை வரவழைத்து விட்டது உங்களின் கவிதை! என் தந்தையும் என்னிடம் அதிகம் பேசியதில்லை, ஆனால் மற்றவர்களிடம் என்னைப் பற்றி நிறையப் பேசுவார். என் அன்புத் தந்தையை என் மனக் கண்ணில் கொண்டு வந்து நிறுத்தி விட்டீர்கள்!

(இப்படி இன்னும் சில படைப்புகள் வந்தால் தீபாவளிக்கு வீட்டிற்குச் சென்றாலும் ஆச்சரியப்படுவதற்கில்லை - ஏக்கமுடன்)

இந்த கவிதைகளை நான் எழுதும்போது எனக்கு மிகவும் அழுகை வந்தது ஏன் என்றால்,.
என் அப்பா ஒரு குடி போதைக்கு அடிமையானவர் இது வரை எனக்கு அவரது அன்பு எனக்கு கிடைக்கவில்லை
இனிமேல் கிடைக்குமா என்று ஆழ்ந்த என்னங்களுடன் எதிர் பார்க்கிறேன்..... அழுகை