நின் மடியில்!

by nilaaa Thu Oct 07, 2010 9:51 pm

தாயே!

தூரம் அதிகமாகிறது! ஆகத்தாயே நின்மீதுள்ள
பாசமதிகமாகிறது! உன்னைத் தழுவிடநம்
நேசக் கரங்கள் துடிக்கின்றதே! நம்மிதய
தாகம்நீயுமறிவாயோ! தணிவதுதான் எப்படியோ!

தாயே! நீசுதந்திரச்சேலை கட்டிநிற்கும் இனிய
தூயநாள் தானெப்போதோ? நாள்தான் எப்போதோ?
சேய்நாங்கள்! சேர்ந்தணைக்கத் தவிக்கின்றோமே!
காயமழியுமுன்பே காலந்தான் கனிந்திடாதோ?

நின்மடியில் நானும் சாய்ந்து இதமாகவே
தென்னங் காற்றின் ஸ்பரிசம் உணரேனோ?
பனங்கழியில் பலகாரம். பனாட்டு புசிப்பேனோ?
இனசனங்களோடு கூடிக்களிக்க நாள்தான் வாராதோ?

ஆடியிலே கொழுக்கட்டை. ஆடிக்கூழ் அத்தோடு
ஆடிவரும் நல்லூரான் தேருந்தான் பார்ப்பேனோ?
வாடிவிழும் பயிருக்கு நீர்வார்த்து மகிழ்வேனோ?
நாடிவரும் சொந்தங்களுடன் கூடவிருந்து அருந்தேனோ?

மா பலா வாழைவிளா கனிகள்பறித்தே சுவைப்பேனோ?
தீதிலா இளநீர் தேனெனத் தண்ணீரெலாம்
நிதமும் நான்குடித்து நீட்டிநிமிர்ந்து துயிலேனோ?
பதமாய்ப் பச்சரிசிப் பொங்கல்படைத்துண்ண மாட்டேனோ?

எழில்தரும் கட்டிடங்கள் இயந்திரத்தில் சாதனங்கள்
பதில்தரும் தொலைபேசி பார்க்கநல் பணிமனைகள்
இதம்தரும் சிலபொழுதே! இதயம் தேடுவதோ மன
வளந்தரும் தாய்நாடே! வணங்குகிறேன் உனைநானே!
ஐ லவ் யூ

லண்டன் நிலா

by srinihasan Sat Oct 16, 2010 4:13 am

சொர்க்கமே என்றாலும் நம்ம ஊரை போல வருமா....

எனவே மனத்தின் உள் புதையலாய் புதைந்துள்ள உங்கள் ஆசைகள், ஏக்கங்கள் தீர தாய்நாடு சென்று உளம் மகிழ்ந்ததை இங்கே தங்களின் வரிகளில் காணும் ஆவலாய்...

வாழ்கையில் நாம் இழந்து நிற்கும் எத்தனையோ விசயங்களை அழகாக இங்கே வார்த்தை வழியில் படம் பிடித்து என் மனத்தினை அலைபாய்திட செய்தமைக்கு என் மனமார்ந்த நல்வாழ்த்துகள்....

by nilaaa Sat Oct 16, 2010 9:23 am

நன்றி வாசன்.

உங்களுக்காவது இக்கவிதை (?) பிடித்து உள்ளதே அது வரை மகிழ்ச்சி

மா பலா வாழைவிளா கனிகள்பறித்தே சுவைப்பேனோ?
தீதிலா இளநீர் தேனெனத் தண்ணீரெலாம்
நிதமும் நான்குடித்து நீட்டிநிமிர்ந்து துயிலேனோ?
பதமாய்ப் பச்சரிசிப் பொங்கல்படைத்துண்ண மாட்டேனோ?

எழில்தரும் கட்டிடங்கள் இயந்திரத்தில் சாதனங்கள்
பதில்தரும் தொலைபேசி பார்க்கநல் பணிமனைகள்
இதம்தரும் சிலபொழுதே! இதயம் தேடுவதோ மன
வளந்தரும் தாய்நாடே! வணங்குகிறேன் உனைநானே!
நின் மடியில்! 599303

தாய்நாட்டின் வளமதனை, மனிதநேய பொங்கல் நாளினை நினைவில்கொண்டு அயல்நாட்டில் வாழும் தங்களின் நிலையை யதார்த்தமாக கவிதை வடித்து உள்ளீர்கள்.
அருமை. வாழ்த்துக்கள்.