கொஞ்சம் தோற்றுவிடு என்னிடம்!?

வினுப்ரியா · வினுப்ரியா Thu Oct 07, 2010 7:53 pm

First topic message reminder :

கொஞ்சம் தோற்றுவிடு என்னிடம்!?

என்னவனே!
கொஞ்சம் தோற்றுவிடு என்னிடம்!
கோடிகோடி அதிசயங்களை
நான் படைக்க வேண்டும் உன்னிடம்!

என்னவனே!
கொஞ்சம் பொய்யுரைத்திடு என்னிடம்!
வஞ்சியின் பேச்செல்லாம் கவிதையென்று!
தாகமுமுண்டு எனக்கதில்
போதையுமுண்டு அதை பருகுவதில்!
முன்னுரிமை எனக்குத்தானே உன்னிடம்!

என்னவனே!
என் வாயாடலை வளர்க்க
வாய்ப்புகொடு என்னிடம்!
என் சிந்தையிலிருக்கும்
சிருங்கார வார்த்தைகளை
சிறையெடுத்து செதுக்க வேண்டும்
கவிதைகளாக உன்னிடம் !

என்னவனே!
கொஞ்ச நேரம் உன்னிடம்
கோபிக்க அனுமதி கொடுத்திடு!
எனனுளிருக்கும் உன்னை மௌனமாய்
என் மனதிற்குள் உணர்ந்து
என் செல்களெல்லாம்
சிலாகிக்கவேண்டும் உன்னிடம்

என்னவனே!
என்னை கொஞ்சம் தவறுகள் புரியவிடு!
குழந்தை போன்றவள்
கொஞ்சி குழந்தையாகி
குதூகளிக்கட்டும் உன்னிடம்!

என்னவனே!
கொஞ்சம் மன்னிப்புகள் வழங்கிவிடுஎன்னிடம்!
மனதார பொய் சொல்ல தெரியாது
இவளுக்கு உன்னிடம்!

என்னவனே!
அவ்வப்போது
ஆலிங்கனம் செய்திடு என்னிடம்!
என் அந்தரங்க ஆத்மா
அமைதியாகட்டும் உன்னிடம்!

என்னவனே!
கொஞ்சம் ப்ரமித்திடு என்னிடம்!
இவளே பிரம்மன் படைப்பின் உச்சம்!
இவளே ஏவாளின் மிச்சம்!
அப்படியே கொடுத்தேனே உன்னிடம்!

என்னவனே!
கொஞ்சம் தோற்றுவிடு என்னிடம்!
விட்டுகொடுத்ததால்
வெற்றி வாகை உன்னிடமே!
இல்லையில்லை
வெற்றி என்பதே
நம் இருவரிடம்

வினுப்ரியா · வினுப்ரியா Fri Nov 12, 2010 6:14 pm

சிவா wrote:காதலால் நிரம்பி வழியும் மனதின் வரிகள்!

படிக்கப் படிக்க திகட்டாத காதல்(கவிதை) ஓவியம்!

நன்றி சிவா

படுகை · படுகை Fri Nov 12, 2010 6:23 pm

சூப்பர் .....

நீயோ! நானோ!
தோற்பதில் எவர்க்குத்தான் மனதுண்டு

என்னுள் நீயே ! உன்னுள் நானே!
மனதால் என்றும் விட்டுக் கொடு.

:suspect:

**Aathira** · **Aathira** Fri Nov 12, 2010 6:34 pm

காதலுக்கு மட்டும் தனி விதி.. தோற்றவர்களே வெற்றி பெற்றவர்கள். யார் தோற்றாலும் வெற்றியே.. வாழ்த்துக்கள் வினுப்ரியா... கொஞ்சம் தோற்றுவிடு என்னிடம்!? - Page 4 678642