கொஞ்சம் தோற்றுவிடு என்னிடம்!?

by வினுப்ரியா Thu Oct 07, 2010 7:53 pm

கொஞ்சம் தோற்றுவிடு என்னிடம்!?

என்னவனே!
கொஞ்சம் தோற்றுவிடு என்னிடம்!
கோடிகோடி அதிசயங்களை
நான் படைக்க வேண்டும் உன்னிடம்!

என்னவனே!
கொஞ்சம் பொய்யுரைத்திடு என்னிடம்!
வஞ்சியின் பேச்செல்லாம் கவிதையென்று!
தாகமுமுண்டு எனக்கதில்
போதையுமுண்டு அதை பருகுவதில்!
முன்னுரிமை எனக்குத்தானே உன்னிடம்!

என்னவனே!
என் வாயாடலை வளர்க்க
வாய்ப்புகொடு என்னிடம்!
என் சிந்தையிலிருக்கும்
சிருங்கார வார்த்தைகளை
சிறையெடுத்து செதுக்க வேண்டும்
கவிதைகளாக உன்னிடம் !

என்னவனே!
கொஞ்ச நேரம் உன்னிடம்
கோபிக்க அனுமதி கொடுத்திடு!
எனனுளிருக்கும் உன்னை மௌனமாய்
என் மனதிற்குள் உணர்ந்து
என் செல்களெல்லாம்
சிலாகிக்கவேண்டும் உன்னிடம்

என்னவனே!
என்னை கொஞ்சம் தவறுகள் புரியவிடு!
குழந்தை போன்றவள்
கொஞ்சி குழந்தையாகி
குதூகளிக்கட்டும் உன்னிடம்!

என்னவனே!
கொஞ்சம் மன்னிப்புகள் வழங்கிவிடுஎன்னிடம்!
மனதார பொய் சொல்ல தெரியாது
இவளுக்கு உன்னிடம்!

என்னவனே!
அவ்வப்போது
ஆலிங்கனம் செய்திடு என்னிடம்!
என் அந்தரங்க ஆத்மா
அமைதியாகட்டும் உன்னிடம்!

என்னவனே!
கொஞ்சம் ப்ரமித்திடு என்னிடம்!
இவளே பிரம்மன் படைப்பின் உச்சம்!
இவளே ஏவாளின் மிச்சம்!
அப்படியே கொடுத்தேனே உன்னிடம்!

என்னவனே!
கொஞ்சம் தோற்றுவிடு என்னிடம்!
விட்டுகொடுத்ததால்
வெற்றி வாகை உன்னிடமே!
இல்லையில்லை
வெற்றி என்பதே
நம் இருவரிடம்

by vamban Thu Oct 07, 2010 8:08 pm

யப்பபபாபா

by வினுப்ரியா Thu Oct 07, 2010 8:25 pm

vamban wrote:யப்பபபாபா

ஏனப்பா பா பா பா பா
என்ன ஆச்சு!

அருமை...

( எனக்கு தான் கொஞ்சம் புரிய மாட்டேங்குது..)

by கலைவேந்தன் Thu Oct 07, 2010 8:47 pm

தோற்பதில் போதை உண்டு...
மண்டியிடுவதில் மகிழ்ச்சியுண்டு..
தாள்பணிந்தால் சொர்க்கமுண்டு..
கைகூப்பு அதிலும் பலனுண்டு...

காதலியிடம் இவை அனைத்துக்கும்
கட்டாயம் பரிசுண்டு...!

அருமையான வரிகள் வினு..!

by அன்பு தளபதி Thu Oct 07, 2010 8:48 pm

இதுபோல ஒருத்தி மனைவியை வந்தால் வாழ்க்கை சொர்க்கம் தான்

by கலைவேந்தன் Thu Oct 07, 2010 9:03 pm

maniajith007 wrote:இதுபோல ஒருத்தி மனைவியை வந்தால் வாழ்க்கை சொர்க்கம் தான்

மேல போயிடலாம்னு சொல்லவறீங்களா தம்பி.. ஜாலி

by வினுப்ரியா Thu Oct 07, 2010 9:10 pm

தேனி சூர்யாபாஸ்கரன் wrote:
அருமை...

( எனக்கு தான் கொஞ்சம் புரிய மாட்டேங்குது..)

by அன்பு தளபதி Thu Oct 07, 2010 9:10 pm

கலை wrote:
maniajith007 wrote:இதுபோல ஒருத்தி மனைவியை வந்தால் வாழ்க்கை சொர்க்கம் தான்

மேல போயிடலாம்னு சொல்லவறீங்களா தம்பி.. ;)

கல்யாணம் ஆனாலே சோலி முடிஞ்சிதுன்னு தான சார் அர்த்தம்

by வினுப்ரியா Thu Oct 07, 2010 9:16 pm

கலை wrote:தோற்பதில் போதை உண்டு...
மண்டியிடுவதில் மகிழ்ச்சியுண்டு..
தாள்பணிந்தால் சொர்க்கமுண்டு..
கைகூப்பு அதிலும் பலனுண்டு...

காதலியிடம் இவை அனைத்துக்கும்
கட்டாயம் பரிசுண்டு...!

அருமையான வரிகள் வினு..!

புகழ்ச்சியிலும் மயக்கமுண்டு
புரிந்து கொண்டதிலும் மகிழ்ச்சியுண்டு.
நன்றியிலும் சுகமுண்டு
நன்றி!நன்றி !நன்றி !