நால்வர் கொலைசெய்யப்பட்ட தோட்டத்தில் பேய்கள் நடமாட்டமா?

**சிவா** · **சிவா** Thu Oct 07, 2010 6:13 pm

மலேசியா: தொழிலதிபர் டத்தோ சோசிலாவதி உட்பட நால்வர் கொலை செய்யப்பட்ட பந்திங்கிலுள்ள காடோங் தோட்டத்தில் பேய்கள் உலவுவதாக வெளிவந்த செய்திகளில் உண்மையில்லை என சிலாங்கூர் மாநில காவல்துறை தலைவர் டத்தோ காலிட் ஆபு பாக்கார் கூறினார்.

சோசிலாவதி மற்றும் இதர மூவரும் கொடூரமான முறையில் கொலைசெய்யப்பட்ட இடமான காடோங் தோட்டத்தில் படுகொலைகள் தொடர்பில் விசாரணைகள் நடைபெற்றுவருவதால் அத்தோட்டத்தில் 24 மணி நேரமும் காவல்துறை பாதுகாப்பு போடப்பட்டுள்ளது. அப்பாதுகாப்பு பணியில் ஈடுபட்டிருக்கும் காவல்துறை அதிகாரிகளை இரவில் பேய்கள் தொந்தரவு செய்வதாகவும், உதவி கோரி வினோத குரல்கள் கேட்பதாகவும் அண்மையில் சில ஊடகங்கள் செய்தி வெளியிட்டிருந்தன.

இது தொடர்பாக சிலாங்கூர் காவல்துறை தலைவர் கருத்து தெரிவித்தபோது; சில தரப்பினர் தங்களது செய்திகளை பிரபலப்படுத்துவதற்காக இது போன்ற வதந்திகளைப் பரப்புவதாகவும் அத்தோட்டத்திற்க்கு தாம் தொடர்ந்து சென்று வருவதாகவும் அவ்வாறான அசம்பாவிதங்கள் அங்கு தென்படவி்ல்லை எனவும் பேய்கள் நடமாட்டம் தொடர்பான செய்தியை தாம் முற்றாக மறுப்பதாவும் அவர் தெரிவித்தார்.

செம்பருத்தி!