விநாயகர் வடிவில் மாங்காய்!: ஏறாவூர் கிராமத்தில் அதிசயம்!

by **சிவா** Thu Oct 07, 2010 6:18 pm

கடவுள் உள்ளாரா ? இல்லையா என்ற விவாதம் பல நூற்றாண்டுகளாக உலகில் தொடர்ந்த வண்ணமே உள்ளது. கடவுள் இருக்கின்றார் என வாதாடும் ஒரு சாரார் உள்ள போதிலும் இல்லையென்று வாதாடும் பிறிதொரு சாராரும் இருக்கவே செய்கின்றனர்.

இந்நிலையில் கடவுளின் இருப்பினை உறுதிசெய்யும் பல விநோத சம்பவங்கள் இவ்வுலகில் நிகழ்ந்த வண்ணமே உள்ளன.

அத்தகைய ஒரு சம்பவம் தற்போது மட்டக்களப்பில் நிகழ்ந்துள்ளது.

ஆம், மட்டக்களப்பு ஏறாவூர் எல்லை நகர் கிராமத்தில் அமைந்துள்ள அருள்மிகு ஸ்ரீ அதிசய பிள்ளையார் ஆலய முன்றலில் உள்ள மாமரத்தில் விநாயகர் உருவத்தைப் போன்றதொரு அதிசய மாங்காய் காய்த்துள்ளது.

இம் மாங்காயானது பிள்ளையாரின் துதிக்கை போன்றதொரு அமைப்பினைக் கொண்டுள்ளது.

இவ்வாலயத்தில் தற்போது புனருத்தாபன நடவடிக்கைகள் நடைபெற்று வருகின்றன. இந்நிலையில் இவ்வாறனதொரு அதிசய உருவம் அதுவும் பிள்ளையார் உருவம் இயற்கை ரூபத்தில் வெளிப்பட்டுள்ளமை அப்பகுதி மக்களை ஆனந்த வெள்ளத்தில் ஆழ்த்தியுள்ளது.

இதனை அப்பகுதி மக்கள் அதிசயப் பிள்ளையாரின் சக்தியெனவும் அவரின் அருட்கடாட்சம் எனவும் கருதுகின்றனர்.

வீரகேசரி இணையம்