பிறந்து 4 நாட்களே ஆன சிசுவை கடித்துக் குதறிய குரங்கு!

மலேசியா: பிறந்து நான்கே நாட்களான பெண் சிசுவை வெறிபிடித்த குரங்கு தாக்கி, கடித்து கொடூரமாக் கொன்றுவிட்ட சம்பவம் சிரம்பான் வட்டராத்தில் பரபரப்பை ஏற்படுத்தியுள்ளது. இங்கு ராசா அருகே ஹெப்பி கார்டன் எனுமிடத்தில் நேற்று பிற்பகல் 1.15 மணிஅளவில் இந்தப் பயங்கரச் சம்பவம் நிகழ்ந்தது.

வீட்டின் முன்வாசல் வழியே வரவேற்பறையில் நுழைந்த அந்தக் குரங்கு வரவேற்பறையில் படுத்திருந்த சிசுவை தாக்கி கடித்துக் குதறியது. தலை, காது, கழுத்து, முகம் ஆகிய பகுதிகளில் ரத்தக் காயங்களுக்கு இலக்கான அந்தக் குழந்தையை அருகில் இருந்தவர்கள் சிரம்பான் துங்கு ஜபார் மருத்துவமனைக்குக் கொண்டு சென்றனர். ஆனால், செல்லும் வழியிலேயே குழந்தை இறந்துவிட்டதாக அதன் தாத்தா ஆ. வேலாயுதம் துயரத்துடன் கூறினார்.

சம்பவம் நிகழ்ந்தபோது அந்த வீட்டில் வேலாயுதம், அவரது துணைவியார் ஆர். ஆதிலெட்சுமி , சிசுவின் தாய் ரேவதி, பச்சிளம் சிசு ஆகியோர் இருந்தனர். சிசுவை வரவேற்பறையில் படுக்கவைத்துவிட்டு அதனைப் பார்த்துக் கொள்ளும்படி மாமனாரிடம் கூறிவிட்டு குளியல் அறைக்குச் சென்றுவிட்டார் ரேவதி.

வரவேற்பறையில் நானும் என் பேத்தியும் இருந்தோம். தாகமாக இருந்ததால் சமையல் அறைக்குச் சென்று அங்கு தண்ணீர் குடித்துக் கொண்டிருந்தேன். பின்னர் அங்கிருந்து வரவேற்பு அறைக்கு வந்தபோது அங்கு ரத்தம் சிந்திக் கிடப்பதைக் கண்டு அதிர்ச்சி அரடந்தேன். வெளியே ஓடிவந்து பார்த்தேன். ஒரு குரங்கு என் பேத்தியைக் கடித்துக் குதறிக்கொண்டிருந்தது என்றார் வேலாயுதம்.

நான் அலறினேன். அக்கம் பக்கத்து வீட்டுக்காரர்கள் உதவிக்கு ஓடிவந்தனர். அதைப் பார்த்ததும் குரங்கு அருகில் இருந்த புதர் பகுதிக்கு ஓடிவிட்டது. ரத்த வெள்ளத்தில் மிதந்த என் பேத்தியை தூக்கிக் கொண்டு மருத்துவமனைக்குச் சென்றோம். ஆனால், அவளின் உயிரைக் காப்பாற்ற முடியவில்லை. நான்கு நாட்கள் முன் பிறந்த என் பேத்திக்கு இன்னும் கூட நாங்கள் பெயர் சூட்டவி்ல்லை. அதற்குள் இப்படியொரு பயங்கரச் சம்பவம் நிகழ்ந்துவிட்டது என்று வேலாயுதம் கண்ணீருடன் தெரிவித்தார்.

நேரு- ரேவதி தம்பதியினருக்குப் பறிந்த முதல் குழந்தை இதுவாகும். இதனிடையே, தகவல் அறிந்து சம்பவம் நிகழ்ந்த இடத்திற்கு சிரம்பான் மாநகர தீயணைப்பு, அவசர மீட்புக் குழு வீரர்கள் விரைந்தனர். அங்கிருந்த புதர் பகுதிக்குள் ஒரு மரத்தின் மீது இரண்டு குரங்குள் இருப்பதைக் கண்டனர். அவற்றில் ஒன்றைச் சுட்டுத்தள்ளினர் என்று சிரம்பான் தீயணைப்பு. மீட்புக்குழு இலாகா உயர் அதிகாரி கைருடின் முகமட் தெரிவித்தார்.

-மக்கள்ஓசை

வருத்தத்துக்கு கூறிய செயலாக உள்ளது...

அதுட புத்திய காட்டி விட்டது

கதவை பூட்டாமே இவருக்கு புத்தி எங்கே போனது ???
மட சாம்பிராணி ...