தடைகள் விலகி வாழ்வில் வளம்பெற என்னிடம் வந்து ஏமாறுங்கள்! பாபாஜி!

உறவுகளே! கீழ்கண்ட இந்த விளம்பரம் மலேசியாவில் உள்ள தமிழ்ப் பத்திரிக்கைகளில் பல ஆண்டுகளாக வெளிவந்து கொண்டிருக்கிறது. இதைப் படிப்பவர்கள் அனைவருமே எளிதில் அறிந்து கொள்வார்கள், இது ஒரு ஏமாற்றுக் கும்பலின் விளம்பரம் என்று! ஆனால் அதையும் மீறி செய்தித்தாளின் மீதுள்ள நம்பிக்கையில் இந்த விளம்பரத்தையும் நம்பும் மக்கள் ஏராளம்.. ஏராளம்! இவரிடம் ஒரு பிரச்சனை என்று சென்றால் முதலில் எனக்கு 200 வெள்ளி மட்டும் கொடுங்கள் உங்கள் பிரச்சனையை தீர்க்கிறேன் என்பாராம். பிறகு இரு வாரம் கழித்து, உங்களுக்கு நிறைய செய்வினைகள் உள்ளது, அவற்றை நீக்க வேண்டும், கீழ்கண்ட வங்கி எண்ணுக்கு 500 வெள்ளி உடனடியாக பணம் செலுத்தினால்தான் அடுத்த கட்ட நடவடிக்கையை என்னால் மேற்கொள்ள முடியும் என்ற தொலைபேசி அழைப்பு மற்றும் குறுஞ்செய்திகள். அந்தப் பணத்தையும் செலுத்தினால் அடுத்து சில நாட்களில் வேறொரு காரணத்தைக் காட்டி மேலும் பணம் பிடுங்குவார்களாம். இவ்வாறாக இவரிடம் மாட்டிக் கொண்டு துயருறும் மக்கள் ஏராளம்.

இதில் உள்ள விளம்பரத்தைப் பாருங்கள். இவர் தீர்க்காத பிரச்சனைகளே இல்லை என்ற அளவிற்கு அடுக்கியுள்ளார். இவர்தான் கடவுளா? அப்படி இந்த பாபாஜி சக்தியுள்ளவராக இருந்தால் இவரைப் பற்றித் தூற்றி, தரக்குறைவாக எழுதிய என்னை அவரது சக்தியால் தண்டிக்கட்டும்.

மேலும் இதுபோன்ற மோசடிப் பேர்வழிகளுக்குத் துணைபோகும் இந்த தமிழ்ப் பத்திரிக்கைகளை என்னவென்று கூறுவது. இவர்களுக்குத் தேவை விளம்பர வருவாய் மட்டுமே. அந்த விளம்பரத்தால் எவன் குடி எக்கேடு கெட்டாலும் பரவாயில்லை என்றுதானே விளம்பரத்தை வெளியிடுகிறார்கள்.

அந்த விளம்பரத்தில் உள்ள வாசகங்கள்!

[You must be registered and logged in to see this image.]


* தாங்க முடியாத பிரச்சனைகள்

* பணம் இருந்தும் மன நிம்மதி இல்லாமை

* அரசியலில் புகழ் இல்லாமை

* மனக்குழப்பம்

* அதிஷ்டமின்மை

* குடும்பத்தில் அமைதியின்மை

* உத்தியோகத்தில் இடையூறுகள்

* விரோதிகளால் தொல்லைகள்

* காதலர்க்கிடையே கருத்து வேற்றுமை

* மது போதை, டாடா மறக்க முடியாமை

* மளிகை

* காண்டிராக்ட்

* டிரான்ஸ்போர்ட்

* ஏற்றுமதி இறக்குமதி வியாபாரத்தில் ஏற்படும் மந்த நிலை மற்றும் பல்வேறு வகை தீய சக்திகளால் ஏற்படும் தடைகள் உட்பட அனைத்து வகையான பிரச்சனைகளுக்கும் நல்லதொரு நிவாரணம் பெற்று நலமாய் வாழ இன்றே வாருங்கள்!

குருஜி பாபாஜியை சந்தித்து பரிகாரம் பெற்றுச் செல்லுங்கள்



வெள்ளிக்கிழமை கடை அடைப்பு! வர வேண்டாம்! (ஏன்னா பாபாஜி தண்ணிய போட்டுட்டு மட்டையாகிவிடுவார்)



தேனீர் அருந்தச் சென்ற பொழுது ஓசியில் பேப்பர் படித்து விட்டு இதை எழுதியதால் என்னை யாரும் விமர்சிக்க வேண்டாம்! அடுத்த முறை பணம் கொடுத்து செய்தித்தாள் வாங்கிப் படிக்கிறேன்!

விழிப்புணர்வு தகவலுக்கு நன்றி ,,,,,