கக்குவான் இருமல் - Pertussis - whooping cough

by **சிவா** Fri Aug 07, 2009 11:59 am

கக்குவான் இருமல் என்பது கடுமையான தொற்றுநோய். இது குழந்தைகளுக்கு ஏற்படக் கூடிய நோய். Bordetella pertussis என்கின்ற பாக்டீரியா நுண்கிருமிகளால் இந்நோய் ஏற்படுகிறது.

கக்குவான் இருமல் வருவதற்கு வயது வரையறை இல்லை. எந்த வயதிலும் ஏற்படலாம். ஆனால், அதிகமாக 6 முதல் 12 வயதிற்குள்ளாக இருக்கும் குழந்தைகள் இதனால் பாதிக்கப்படுவார்கள். கக்குவான் இருக்கும் குழந்தைகள் தும்மும்போதோ, இருமும்போதோ நோயற்ற ஆரோக்கியமான குழந்தை அக்குழந்தைக்கு மிக அருகே இருந்தால், காற்றினில் கலந்த நுண்கிருமிகள், நோயற்ற குழந்தையின் நாசி வழியே நுழைந்து நோய் ஏற்பட்டுவிடும்.

கக்குவான் இருமலுக்கு அடைக்காக்கும் காலம் 7 முதல் 14 நாட்கள் ஆகும். கக்குவான் இருமலின் அறிகுறிகளை மூன்று கட்டங்களாக பிரிக்கலாம்.

1. ஜல தோசக்கட்டம்,
2. கேவும் இருமல் கட்டம்,
3. குணமாகும் கட்டம்.

ஜலதோசக் கட்டம்„ ஜூரம், இரு மல், பசியின்மை போன்ற அறிகுறிகள் முதலில் தோன்றும். இருமல் வறட்டு இருமலாகவும், இரவில் மட்டும் ஏற்படக் கூடிய இருமலாகவும் இருக்கும். பின்னர் இரவிலும் பகல் போல இருமல் ஏற்பட ஆரம்பிக்கும். இக்கட்டம் 7 முதல் 14 நாட்களுக்கு இருக்கும். பின்னர் அக்குழந்தை கேவும் இருமல் கட்டத்தை அடையும்.

கேவும் இருமல் கட்டந்தான் கொடிய கட்டம் எனக்கருதப்படுகிறது. நோயுள்ள குழந்தைகள் 10 முதல் 20 முறை இருமிக்கொண்டே போய் பின்னர் வேகமாக மூச்சினை உள்ளி ழுத்து கேவ ஆரம்பிக்கும். பின்பு …கேவும் இருமல் அதிகரித்து கொண்டே இருக்கும். 24 மணி நேரத்தில் 50 முதல் 60 முறை கூட இத்தகைய கேவும் இருமல் இருக்கலாம். அழுதல், உணவு ஊட்டுதல், விளையாடுதல், உணர்ச்சி வசப்படுதல் போன்றவை இத்தகைய கேவும் இருமலைத் தூண்டுவதற்கு வாய்ப்புகள் உண்டு. இரவில் தூங்கும் போதும் இத்தகைய கேவும் இருமல்கள் ஏற்படுவதோடல்லாமல், இருமி முடிந்தவுடன் குழந்தை வாந்தியும் எடுத்துவிட வாய்ப்புகள் உண்டு. கடுமையான நோயுள்ள குழந்தைகளுக்கு இருமி முடித்தவுடனேயே மயக்கமும், வலிப்பும் ஏற்படலாம். இக்கட்டம் இரண்டு வாரத்தி லிருந்து நான்கு வாரம் வரை இருக்கும்.

நுரையீரல் தொற்று நோயான நிமோனியா, நுரையீரல் ஒடுக்கம், இரத்தம் கலந்த சளி வருதல், வலிப்பு, மூளையழற்சி, பக்கவாதம், கபால இரத்தப் போக்கு, கொப்பூழ் வழியாகக் குடல் பிதுங்கி வருதல், மூக்கில் இரத்தம் வருதல் போன்றவை கக்குவான் இருமலின் கொடிய சிக்கல்கள் என்பதை எல்லோரும் அறிதல் வேண்டும்.

வியாதியின் காரணங்கள்

இதை கக்கிருமல், குக்கல் நோய், என்றும் சொல்வார்கள். தொத்து ரோகக் கிருமிகளினால் உண்டாகும் இந்த நோய் அதிகமாக ஒரு வயதிற்குட்பட்ட குழந்தைகளையும், 3 வயதிற்குட்பட்ட குழந்தைகளையும் சுமாராக பீடிக்கும். இந்த வியாதியினால் அதிக குழந்தைகள் இறக்கின்றன. சில சமயங்களில் இந்த வியாதி பெரியவர்களையும் பீடிப்பதுண்டு. இது பெரும்பாலும் பனிக் காலத்தில்தான் பீடிக்கிறது.

வியாதியின் அறிகுறிகள்:

இது ஆரம்பத்தில் சாதாரண ஜல தோஷத்தைப் போலக்காணப்பட்டு சில தினத்திற்குள் கக்குவான் இருமல் ஏற்படும்.

ஜூரம் காணும், வாந்தியுண்டாகும், கடுமையாக இருமுவதினால் மூச்சு நின்று விடுவது போலாகி விடும். நெடுநேரம் இருமுவதினால் மூச்சு தடைப்பட்டு முகம் நீல நிறமடையும். சில சமயங்களில் இருமும்போதெல்லாம் வாந்தி உண்டாகி அதிக பலவீனப்படுத்தும். இழுப்பு உண்டாகும். கோழை பிசு பிசுப்பாகவும், நார் போன்றும் இருப்பதால் திக்கு முக்கலும், அதிக அசதியும் உண்டு பண்ணும். கோழையினால் நெஞ்சில் குர் குர் என்ற சத்தம் உண்டாகும். இந்த வியாதியை குணப்படுத்த அதிக திறமை வேண்டும்.

ஆர்னிகா மொன்டானா„ கக்குவாய் இருமலில் இருமல் வருவதற்கு முன் குழந்தை கதறுதல், இருமும்போது மார்பில் இசிவு, ரத்தம் தோய்ந்த கபம், கக்குவாய் இருமலால் ரத்தப் பெருக்கு, தளர்ந்து போன கோழையை வெளியேற்ற முடியாமை. அதனால் உள்ளே விழுங்குதல் போன்றவை இருந்தால் இம்மருந்து தேவைப்படும்.

http://en.wikipedia.org/wiki/Pertussis