இலங்கையின் அரசியல் சூழ்நிலைகளால் இலங்கைக்கான எனது பயணத்தை ஒத்தி வைத்துள்ளேன்

kirupairajah · kirupairajah Fri Aug 07, 2009 2:44 pm

இலங்கைக்கு விஜயம் மேற்கொள்ளவிருந்த சுவாமிநாதன் ஆய்வு மையத்தின் தலைவர் எம்.எஸ் சுவாமிநாதன், இலங்கையின் அரசியல் சூழ்நிலைகளை கருத்தில் கொண்டு தமது பயணத்தை தற்காலிகமாக ஒத்திவைத்துள்ளதாக குறிப்பிட்டுள்ளார்.
சென்னையில் வைத்து செய்தியாளர்களை சந்தித்து பேசிய எம்.எஸ் சுவாமி நாதன், இலங்கையில் தற்போது சாதகமான அரசியல் சூழல் அமையாததால், இந்திய மத்திய அரசாங்கத்தின் உதவிகளை அங்கு கொண்டு செல்ல முடியாதுள்ளதாக தெரிவித்துள்ளார்.

இலங்கையில் இடம்பெயர்ந்த மக்களின் நிவாரண மற்றும் புனர்வாழ்வு உதவிகளுக்கென, இந்திய மத்திய அரசாங்கத்தினால் 500 கோடி இந்திய ரூபாய்களும், மாநில அரசாங்கத்தினால் 200 கோடி இந்திய ரூபாய்களும் ஒதுக்கப்பட்டுள்ளன.

எனினும் இந்த நிதி ஒதுக்கங்களை இலங்கை அரசாங்கம் தனியாக முறையாக பகிரும் என்ற நம்பிக்கை இல்லாத இந்திய மத்திய அரசாங்கம், இந்த நிதி, முறையாக இடம்பெயர்ந்த மக்களுக்கு சென்றடைவதற்கான நடவடிக்கைகளுக்காக இந்திய மத்திய அரசாங்கத்தினால் விசேட ஆலோசனை குழு ஒன்று அமைக்கப்பட்டது.

அதில், இந்திய வோளாண்மை அமைச்சகம், வேளாண்மை ஆராய்சியகம், தோட்ட கலை ஆராய்சியகம் மற்றும் சுவாமிநாதன் ஆய்வு மையம் என்பவற்றின் பிரதிநிதிகள் உள்ளடக்கப்பட்டனர்.

இந்த நிலையில், இலங்கையில் இணக்கமான அரசியல் சூழ்நிலை ஏற்படும் வரையில், இலங்கை தமிழர்களுக்கான இந்திய மத்திய அரசாங்கத்தின் பணிகளில் ஈடுபடப்போவதில்லை என எம்.எஸ் சுவாமிநாதன் தெரிவித்துள்ளார்.

இலங்கையின் அரசியல் சூழ்நிலைகளால் இலங்கைக்கான எனது பயணத்தை ஒத்தி வைத்துள்ளேன்

இலங்கையின் அரசியல் சூழ்நிலைகளால் இலங்கைக்கான எனது பயணத்தை ஒத்தி வைத்துள்ளேன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக