எழுந்திரு அடைந்திடுவாய்...

by ஹாசிம் Thu Oct 07, 2010 1:30 pm

First topic message reminder :

வட்டமிடும் பருந்துகளாய்
வளைத்திருந்த ஒருவட்டம்
வறியவன் என்று கண்டு
வழி மறந்த கதைகேள்

உன் கைசெழுப்பில்
உள்ளவரை நீ கண்ட
உறவு என்றவரெல்லாம்
உதறிச்சென்றதைப்பார்

நல்ல உள்ளம் உள்ளவனாய்
நன்றி எதுவும் நோக்காது
நட்புக்காய் செய்தவைகளை
நன்றி மறந்ததைப்பார்

இயற்கையின் சீற்றத்தில்
இருந்தவைகள் அழிந்திட
இல்லமேனும் அற்று
இருக்கிறாய் நடைபிணமாய்

இன்று உன் நிலைகாண
இதயம் படபடக்கிறது
இருந்தும் இல்லாதவனாய் நீ
இடிந்திருக்கலாகாது

இன்நாளின் நிலை உணர்ந்து
இனிய நாளை உருவாக்கு
இணைந்திருக்கும் உறவுகளை
இயன்றவரை சேர்ந்திரு

மலரும் நாட்களில்
மன்னவனாய் நீ வந்து
மகிழ்ந்திருக்க வேண்டி
மனதாற பிரார்த்திக்கிறேன்

by ஹாசிம் Sun Oct 10, 2010 9:29 am

தேனி சூர்யாபாஸ்கரன் wrote:
அற்புதமான கவிதை என்பதை விட
தெளிந்த நீரோடை போல் உள்ளது...
உங்களின் வரிகள்...

மிக்க நன்றி கவிஞரே

by ஹாசிம் Sun Oct 10, 2010 9:29 am

கலை wrote:ஏக்கம் மிகுந்த வழ்க்கையிது உங்கள்
ஊக்கம் தந்த உணர்ச்சியினால்
மெல்ல எழுந்திருப்பேன் நான்
மேன்மையை அடைந்திடுவேன்..!

- அந்தச் சிறுவன்.

பாராட்டுக்கள் ஹாசிம்..!

மிக்க நன்றி அண்ணா