நயன்தாரா சீதையாக நடிப்பதற்கு எதிர்ப்பு

தெலுங்கு பட உலகின் முன்னணி இயக்குநரான பாபு, ஏற்கனவே ’ராதா கோபாலம்’, ’கிருஷ்ணர் வெல்லம்’ உள்பட பல படங்களை இயக்கியிருக்கிறார்.

அடுத்ததாக என்.டி.ராமராவின் மகன் பாலகிருஷ்ணாவை வைத்து `ஸ்ரீராம ஜெயம்' என்ற புராண படத்தை டைரக்டு செய்ய திட்டமிட்டிருக்கிறார்.

இந்த படத்தில் ராமர் வேடத்தில் பாலகிருஷ்ணா நடிக்கிறார். சீதை வேடத்தில் நடிக்க வைக்க நயன்தாராவை அணுகினார்கள். அவரும் நடிக்க ஒப்புக்கொண்டார்.

இந்த சூழ்நிலையில், தெலுங்கு பட உலகத்தை சேர்ந்த சில அமைப்புகள், நயன்தாரா சீதையாக நடிக்க கூடாது என்று எதிர்ப்பு தெரிவித்துள்ளன.

ஏற்கனவே திருமணமான பிரபுதேவாவுடன் காதல் விவகாரத்தில் சிக்கியுள்ள நயன்தாரா, சீதையாக நடிப்பதா? என்று அந்த அமைப்பை சேர்ந்தவர்கள் போர்க்கொடி தூக்கியிருக்கிறார்கள். இது, தெலுங்கு பட உலகில் பெரும் பரபரப்பை ஏற்படுத்தியிருக்கிறது.

இதைத் தொடர்ந்து நயன்தாராவுக்கு பதிலாக, சீதை வேடத்தில் யாரை நடிக்க வைக்கலாம் என்று டைரக்டர் பாபு, நண்பர்களுடன் ஆலோசனை நடத்தினார். குடும்ப பாங்கான முகத்தோற்றம் கொண்ட மாதுரி தீட்சித்தை நடிக்க வைக்கலாம் என்று அவருடைய நண்பர்கள் ஆலோசனை கூறியிருக்கிறார்கள்.

மாதுரி தீட்சித் இப்போது அமெரிக்காவில் இருக்கிறார். அவர் விரைவில் இந்தியா திரும்ப உள்ளார். அப்போது அவரை நேரில் சந்தித்து சீதை வேடத்தில் நடிப்பதற்கு சம்மதம் கேட்க டைரக்டர் பாபு திட்டமிட்டிருக்கிறார்.


நக்கீரன்