அதிக ஓட்டு வாங்கித்தந்தால் 25 பவுன் பரிசு:அழகிரி அதிரடி

**Tamilzhan** · **Tamilzhan** Thu Aug 06, 2009 11:05 am

அதிக ஓட்டு வாங்கித்தந்தால் 25 பவுன் பரிசு:அழகிரி அதிரடி
தேனி மாவட்டம் கம்பம் சட்டசபை தொகுதிக்கான இடைத்தேர்தலில் போட்டியிடும் தி.மு.க. வேட்பாளர் கம்பம் ராமகிருஷ்ணனை ஆதரித்து செயல் வீரர்கள் கூட்டம் கம்பம் நகரில் நடந்தது.

இந்த கூட்டத்தில் மத்திய ரசாயனம் மற்றும் உரத்துறை மந்திரியும், தி.மு.க. தென்மண்டல அமைப்பு செயலாளருமான மு.க.அழகிரி கலந்துகொண்டு, வேட்பாளர் ராமகிருஷ்ணனை ஆதரித்து பேசினார்.

அப்போது, தற்போது இடைத்தேர்தல் நடைபெறும் தொகுதிகளில் கம்பம்,இளையான்குடி,ஸ்ரீவைகுண்டம் ஆகிய 3 தொகுதிகளில் நடைபெறும் இடைத்தேர்தலில் தி.மு.க. வேட்பாளருக்கு அதிக ஓட்டுகள் பெற்று தரும் தி.மு.க. மாவட்ட செயலாளருக்கு எனது சொந்த செலவில், முதலமைச்சர் கருணாநிதி உருவம் பொறித்த டாலருடன் கூடிய 25 பவுன் தங்க சங்கிலியை பரிசாக வழங்குவேன்.

பகுதி அளவில் கூடுதல் ஓட்டுக்களை தி.மு.க. கூட்டணி வேட்பாளர்களுக்கு பெற்று தருபவருக்கு 10 பவுன் தங்கசங்கிலி பரிசாக எனது சொந்த செலவில் வழங்கிட உள்ளேன்’’என்று அதிரடியாக அறிவித்தார்.