என் முகமூடியை எப்போது கழற்றுவது!?

வினுப்ரியா · வினுப்ரியா Tue 5 Oct 2010 - 21:33

First topic message reminder :

என் முகமூடியை எப்போது கழற்றுவது!?

எனக்கான என் முகமூடியை -நான்
எப்போது அணிந்துக்கொண்டேன்
தெரியவில்லை?
எந்த சந்தர்ப்பத்தில்
என் முகத்திற்கு
சாயம் பூசிக்கொண்டேன்
தெரியவில்லை?

எனக்கு பிடிக்காத
புத்தாடையொன்றை
பிடித்திருப்பதாக கூறசொன்னாளே
என் ப்ரியமுள்ள அன்னை
அப்போது அணிந்திருப்பேனோ!
தெரியவில்லை?

அறியாப்பருவத்தில்
அறிய நேர்ந்த -சில
அவலட்சண கணங்களை
அழிக்க தெரியாத போது
அணிந்திருப்பேனோ!
தெரியவில்லை?

அவர்கள் கவனிப்பார்களோ!
இவர்கள் கவனிப்பார்களோ!
என்றென்னி-பிறர் வழியாக
என்னை பார்க்க தெரிந்தேனே
அப்போது அணிந்திருப்பேனோ!
தெரியவில்லை?

எனக்கே எனக்கான
என் வாழ்வை
யாரோ நாலு பேருக்காக
வாழ கற்றுக்கொண்டேனே
அப்போது அணிந்திருப்பேனோ!
தெரியவில்லை?

காரணம் கண்டுகொள்ள
முடியாவிட்டாலும்
இப்போது என் முகமூடியை
கழற்ற ஆசைக்கொண்டு -என்
கண்களை அகலத்திறந்தேன்!

அந்தோ !பரிதாபம் !
நான் கண்ட
அத்தனை மனிதர்களும்
ஆளுக்கொரு முகமூடி
அணிந்துக்கொண்டு
அலைந்துக்கொண்டிருந்தனர்!

அழுகை

[b]

வினுப்ரியா · வினுப்ரியா Wed 6 Oct 2010 - 21:49

Aathira wrote:
வினுப்ரியா wrote:
Aathira wrote:முகமூடி இல்லாமல் உலாவர முடியாத மனிதப் பிறவிகளின் முகமூடிகளைக் களைந்து உண்மையை வெளிச்சத்திற்கு கொணர்ந்துள்ளது தங்களின் கவிதை. முகமூடி அணியாத உண்மை பாராட்டு இது. வாழ்த்துக்கள்..

முதன் முதலாக எனக்கு உங்களிடமிருந்து கிடைத்திருக்கும் பாராட்டு ,வாழ்த்து
நன்றி .நன்றி .அவ்வப்போது எட்டி பார்த்து செல்லுங்கள்
தாமதமான பின்னூட்டம்..மன்னிக்கவும். நேற்றும் இந்தக் கவிதையைப் படித்தேன். பின்னூட்டம் இட நேரமின்றி விடுத்தேன். இனி தொடரும் எல்லா பதிவுகளுக்கும்...

வினுப்ரியா · வினுப்ரியா Fri 22 Oct 2010 - 0:00

தர்ஷினி wrote:அழகிய வரிகள் அக்கா அருமை

**T.N.Balasubramanian** · **T.N.Balasubramanian** Fri 22 Oct 2010 - 0:05

அந்தோ !பரிதாபம் !
நான் கண்ட
அத்தனை மனிதர்களும்
ஆளுக்கொரு முகமூடி
அணிந்துக்கொண்டு
அலைந்துக்கொண்டிருந்தனர்!

"வேதம் புதிது " படத்தில் பாலு தேவர் வாங்கும் அடி ஓசை கேட்கிறது.
அருமையான கவிதை.

ரமணீயன்.

வினுப்ரியா · வினுப்ரியா Fri 22 Oct 2010 - 0:13

T.N.Balasubramanian wrote:அந்தோ !பரிதாபம் !
நான் கண்ட
அத்தனை மனிதர்களும்
ஆளுக்கொரு முகமூடி
அணிந்துக்கொண்டு
அலைந்துக்கொண்டிருந்தனர்!

"வேதம் புதிது " படத்தில் பாலு தேவர் வாங்கும் அடி ஓசை கேட்கிறது.
அருமையான கவிதை.

ரமணீயன்.

உங்கள் பார்வையில் படவேண்டும் என்பதற்காகத்தான் உள்ளே கிடந்தவற்றை வெளியே கொண்டுவந்தேன் .நன்றி ஐயா

Sponsored content · Sponsored content

என் முகமூடியை எப்போது கழற்றுவது!?

என் முகமூடியை எப்போது கழற்றுவது!?

Re: என் முகமூடியை எப்போது கழற்றுவது!?

Re: என் முகமூடியை எப்போது கழற்றுவது!?

Re: என் முகமூடியை எப்போது கழற்றுவது!?

Re: என் முகமூடியை எப்போது கழற்றுவது!?

Re: என் முகமூடியை எப்போது கழற்றுவது!?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக