போலி விஜிலன்ஸ் ஆபீசருக்கு நூதன தண்டனை: போலீஸ் ஸ்டேஷனுக்கு பெயின்ட் அடிக்கிறார்!

சூலூர் : விஜிலன்ஸ் ஆபீசராக நடித்து ஏட்டய்யாவைமிரட்டிய ஆசாமிக்கு, வினோதமான தண்டனையை அளித்துள்ளனர், சூலூர் போலீசார்.ஆம், பிடிபட்ட மோசடி நபர், கடந்த இரு நாட்களாக போலீஸ் ஸ்டேஷனுக்குபெயின்ட் அடிக்கும் வேலையில் ஈடுபட்டுள்ளார்.சூலூர் அடுத்துள்ளது பாப்பம்பட்டி பிரிவு. இரண்டு நாட்களுக்குமுன் இரவு 9.00 மணியளவில் இவ்வழியாக சென்ற கார், எதிரே வந்த சரக்கு ஆட்டோமீது மோதியது. இதில், காரில் தீப்பிடித்தது. அருகிலிருந்தவர்கள் தண்ணீர்ஊற்றி அணைத்தனர். காரில் இருந்த போதை நபர்கள் கீழே இறங்கி தகராறுசெய்தனர். அப்போது அங்கு மப்டியில் வந்த தனிப்பிரிவு ஏட்டு பழனிசாமிவிசாரணை நடத்தினார். காரில் வந்தவர்கள் ராவத்தூர் பிரிவில் உள்ள ஒருதனியார் நிறுவனத்தில் வேலை செய்பவர்கள் என்றும், மதுக்கடைகளுக்கு விடுமுறைவிடப்பட்டதால் "மிலிட்டரி சரக்கு' வாங்க சூலூருக்கு வந்ததும் தெரிந்தது.
போதை நபர்களிடம் ஏட்டு விசாரித்துக்கொண்டிருந்தபோது அங்கு வந்த ஒருநபர், "நான் விஜிலென்ஸ் ஆபீசர்....நீ யார் விபத்து குறித்து விசாரிக்க?'என, ஏட்டய்யாவை மிரட்டினார். "நீங்கள் விஜிலன்ஸ் ஆபீசர் என்றால், அதற்கானஅடையாள அட்டையை காட்டுங் கள்' என ஏட்டு கேட்க, அந்நபர் திணறினார். "அடையாள அட்டை எனது காரில் இருக்கிறது; டிரைவரை காணவில்லை' என்றார்,அந்நபர். மேலும், ஏட்டய் யாவின் கேள்விகளுக்கு பதிலளிக்காமல் அங்கிருந்துநழுவ முயன்றார்.
அவரை பிடித்து ஏட்டு விசாரித்த போது, அவர் கட்டடங்களுக்கு பெயின்ட்அடிக்கும் தொழிலாளி ஸ்ரீதர் என் றும், காரில் வந்தவர்களுக்கு அறிமுகமானவர்என்றும் தெரியவந்தது. இதையடுத்து, விபத்து ஏற்படுத்திய நபர்களும்,விஜிலன்ஸ் ஆபீசராக நடித்த நபரும் ஸ்டேஷனுக்கு அழைத்துச்செல்லப்பட்டனர்.விபத்து தொடர்பாக வழக்குப்பதிவு செய்த போலீசார், பெயின்ட்அடிக்கும் தொழிலாளிக்கு வேறுவிதமான "தண்டனையை' கொடுத்தனர். கடந்த இருநாட்களாக போலீஸ் ஸ்டேஷனில் பெயின்ட் அடிக்கும் வேலையில் அவரை ஈடுபடுத்தி,தகுந்த "பாடம்' நடத்தியுள்ளனர். தன் மீது வழக்குப்பதிவு செய்து கைதுசெய்யாமல் விட்டார் களே அதுவே போதும், என நினைத்து போலீஸ் ஸ்டேஷனுக்குபெயின்ட் அடிக்கும் வேலையில் மும்மரமாக ஈடுபட்டுள்ளார் அந்த தொழிலாளி.சபாஷ்! சரியான நடவடிக்கைதான்.

ஐயோ ஐயோ !