அயோத்தி தீர்ப்பால் சிற்பிகள் ஆர்வம்

அயோத்தி : அயோத்தி நில விவகாரத்தில் தீர்ப்பு வந்த பின், அங்கு ஏற்கனவேராமஜென்ம பூமி அறக்கட்டளைக்காக, தூண்கள் செதுக்கும் வேலை பார்த்தசிற்பிகள், தற்போது மீண்டும் தங்களுக்கு அந்த வேலைவாய்ப்பு கிடைக்கும்என்று நம்பிக்கையுடன் இருக்கின்றனர். அயோத்தியில் சர்ச்சைக்குரியநிலத்தில் ராமர் கோவில் கட்டுவதற்காக, ராம ஜென்ம பூமி அறக்கட்டளை,ராஜஸ்தானில் இருந்து, சிவப்பு நிற மணற்கற்களை வரவழைத்தது.
அக்கற்களை செதுக்கித் தூண்கள், தரைக் கற்கள் உருவாக்குவதற்காகராஜஸ்தான், குஜராத் மற்றும் உத்தரபிரதேசம் போன்ற பகுதிகளில் இருந்து 50ல்இருந்து 80 வரையிலான சிற்பிகளை வரவழைத்து, ஒருநாள் சம்பளம் 200 முதல் 300ரூபாய் வரை அளித்து கோவிலுக்கான ஏற்பாடுகளை அறக்கட்டளை செய்து வந்தது.இப்பணி 1990ம் ஆண்டு முதல் நடந்து வந்தது.
மொத்தம் கோவிலுக்கு ஒரு லட்சத்து 75 ஆயிரம் சதுர அடி கற்கள் தேவை.2007ம் ஆண்டில், அதில் ஒரு லட்சத்து 25 ஆயிரம் சதுர அடி கற்கள் தயாரானஉடன், சிற்பிகள் அவரவர் ஊர்களுக்குத் திருப்பி அனுப்பப்பட்டனர். மீண்டும்தேவையான போது அவர்கள் வரவழைக்கப்படுவர் என்றும் அப்போது கூறப்பட்டது.கடந்த 1949ல் ராமர் சிலை வைக்கப்பட்ட இடம் இந்துக்களுக்கு வழங்கப்படவேண்டும் என்ற கோர்ட் தீர்ப்பை அடுத்து, தங்களுக்கு கோவில் பணிகள்மீண்டும் கிடைக்கும் என்று சிற்பிகள் நம்பிக்கை தெரிவித்துள்ளனர்.
இதுகுறித்து விஸ்வ இந்து பரிஷத் செய்தித் தொடர்பாளர் சரத் சர்மாகூறுகையில்,"இந்தத் தீர்ப்புக்குப் பின் குஜராத், ராஜஸ்தான் மற்றும்உத்தரபிரதேச மாநிலங்களில் இருந்து தினசரி சிற்பிகள் போன் செய்து பணிகளைபூர்த்தி செய்வதற்காக மீண்டும் அயோத்தி வருவது குறித்து ஆர்வத்துடன்விசாரிக்கின்றனர். இந்தத் தீர்ப்பு மூலம் மீண்டும் தங்களுக்கு வேலைவாய்ப்பு கிடைக்கும் என்று அவர்கள் எதிர்பார்ப்பில் உள்ளனர்' என்றுதெரிவித்தார்.

எரியற வீட்ல புடுங்கரவரை லாபம்