இப்படியும் நடக்கிறது…கேட்டானே ஒரு கேள்வி

டென்மார்க்கில் உள்ள சில நகரங்களில் வாழும் பெற்றோர் கேட்டானே ஒரு கேள்வி போட்டானே ஒரு போடு என்று பாடவேண்டிய அவலமான நிலையில் இருக்கிறார்கள்.
பாடசாலை மாணவன் ஒருவன் சிறிதாக பியர் அருந்தியிருக்கிறான்.
தகப்பன் குடிக்காதே என்றுவிட்டு அமைதியாகிவிட்டார்..
பின்னர் மது பாவனையில் வளர்ச்சிகண்ட மாணவச் செல்வம் போதையின் உச்சிக்கு உயர ஆரம்பித்தது..
தகப்பன் மகனை நினைத்து மேலும் ஒருபடி அதிகமாகக் குடிக்க வேண்டிய நிலைக்கு வந்தார்.
பின்னர் ஒரு நாள் கோபமடைந்த தகப்பன் போதையில் ஆடியபடி நள்ளிரவு வீடு வந்த மகளை தாறுமாறாகத் திட்டத் தொடங்கியிருக்கிறார்..
மகன் கேள்வி கேட்கத் தொடங்கினான்..
கேள்வி 01.
நீயே தினசரி குடிக்கிறாய் .. உனக்கு என்ன தகுதி இருக்கிறது என்னைத் தடுக்க.. ?
தகப்பன் அதிர்ந்தார்…
கேள்வி 02.
எனக்கு பிறந்தநாள் என்று ஊரைக் கூட்டிவிட்டு, நீயும் உன்னுடைய நண்பர்களும் அறைக்குள் போய் குடிப்பதே பிழைப்பாக வாழ்கிறீர்கள்.. உங்களுக்கெல்லாம் என்னுடைய குடியைப் பற்றி பேச என்ன யோக்கியதை இருக்கு.. ?
தகப்பனுக்கு மண்டை சுழன்றது..
கேள்வி 03
கோயில் தேருக்கும் போனாலும் காருக்குள்ள போய் குடிச்சுப்போட்டு, சவீங்கம் சப்பிக்கொண்டு வாற உன்ரை இனத்துக்கு குடியை தடுக்க என்ன உரிமையிருக்கு.. ?
தகப்பன் : சரி நாங்கள் குடிச்சம், குடியால அழிஞ்சம்.. நீயாவது குடிக்காமல் இரு எண்டுதானே சொல்லுறம்..
மகன் : எப்பிடிக் குடிக்காமல் இருக்க முடியும்… பாகல் போட்டால் எப்பிடி சுரைக்காய் வரும்.. அப்பனைப் போலத்தானே பிள்ளை வரும்..
தகப்பனுக்கு மண்டை கிறுகிறுத்தது…
கேள்வி 04
இப்போது தகப்பன் கேட்டார்…
நீ குடி.. நான் தடுக்கேல்லை.. ஆனால் ஒழுங்காய் படி… ஒரு டாக்டராவோ இஞ்சினியராவோ வந்து என்ரை பேரைக் காப்பாத்து..
மகன் : குடிகார டாக்டரையும், குடிகார இஞ்சினியரையும் வைச்சு ஆர்ரை பேரைக் காப்பாத்தப்போறாய்.. ?
தகப்பன் : அப்ப நீ படிக்கமாட்டியோ…
மகன் : நீ படிச்சனியோ… சரி ஒரு தமிழ் புத்தகத்தைத் தன்னும் ஒழுங்கா வாசித்திருப்பியோ… படிக்கச் சொல்ல உனக்கென்ன தகுதியிருக்கு..
ஆசை மகன் போதையில் கீழே விழுந்தான்..
வேதனையடைந்த தந்தை தனது நண்பனிடம் நடந்ததைச் சொல்லி வருந்தினார்…
நண்பர் அவர் கண்களைப் பார்த்து சிரித்தார்… கபீலென ஒரு பியர் செல்வத்தை மடக்கென வாய்க்குள் ஊற்றிவிட்டு போட்டாளே.. ஒரு போடு என்று பாடினார்…
நீ என்னடாப்பா போட்டாளே ஒரு போடென்று பாடுறாய் என்று தகப்பன் கேட்டார் நண்பரிடம்…
உன்னை மகன் கேட்ட கேள்வியளை என்ரை மகள் எப்பவோ கேட்டுட்டாள் என்று அழுதார்..
கேட்டானே ஒரு கேள்வி…
போட்டாளே ஒரு போடு..
புலம் பெயர் வாழ்வு போதையில் தடுமாறியது..

நன்றி அலைகள்