உலக ஜூனியர் வாலிபால்: ரஷியாவை வென்றது இந்தியா

by **சிவா** Thu Aug 06, 2009 12:39 am

புணே, ஆக. 5: ஆடவர் ஜூனியர் உலக வாலிபால் போட்டியின் லீக் ஆட்டத்தில் இந்தியா 3-2 என ரஷியாவை வீழ்த்தியது.

புணேவில் செவ்வாய்க்கிழமை நடைபெற்ற இந்த ஆட்டம் 2 மணி நேரத்துக்கும் அதிகமாக நீடித்தது.

ஆட்டத்தின் கடைசி வரை வெற்றி பெறும் அணி எது என்பதை கணிப்பது கடினம் எனும் அளவுக்கு ஆட்டம் பரபரப்பாக இருந்தது.

முதல் செட்டை இந்தியா 25-22 என போராடி வென்றது. ஆனால், 2-வது செட்டை ரஷியா 28-26 என கைப்பற்றியது.

39 நிமிடம் நடைபெற்ற 3-வது செட்டிலும் இரு அணிகளும் கடுமையாக மோதிக் கொண்டன. இறுதியில் இந்தியா 33-31 என வென்றது.

ஆனால், மீண்டெழுந்த ரஷியா 25-22 என 4-வது செட்டை தட்டிச் சென்றது. எனினும், மந்தீப் சிங்கின் அற்புதமான தலைமையில் இந்தியா கடைசி செட்டை 15-11 என கைப்பற்றியது.

இ பிரிவில் இடம் பெற்றுள்ள இந்தியா, தனது 2-வது சுற்று லீக் ஆட்டத்தில் ஆர்ஜென்டீனாவை எதிர்கொள்கிறது.

செவ்வாய்க்கிழமை நடைபெற்ற மற்றொரு "இ' பிரிவு ஆட்டத்தில் பெல்ஜியம் 3-2 என ஆர்ஜென்டீனாவை சாய்த்தது.

"இ' மற்றும் "எஃப்' பிரிவுகளில் முதல் 2 இடங்களைப் பிடிக்கும் அணிகள் அரை இறுதிக்கு முன்னேறும்.

ஒவ்வொரு பிரிவிலும் அடுத்த 2 அணிகள் 5 முதல் 8-வது இடத்துக்கான ஆட்டத்தில் விளையாடும்.