வடிவேலு சிரிப்பு

sathikdm · sathikdm Fri Oct 01, 2010 10:12 pm

சிரிப்பு ரவுடி சிங்காரம்!

வடிவேலு (கடைத்தெருவில் நின்று முதுகுக்குப் பின்னால் மறைத்து வைத்திருந்த சின்ன பேனாக்கத்தியை எடுத்து நாலா பக்கமும் சுழற்றியபடி):
டேய் எவண்டா… இந்த கோட்டர் சிங்காரம் கடன் கேட்டு இல்லைன்னு சொன்னவன்? தைரியம் இருந்தா நிராயுதபாணியா வெளிய வாங்கடா… நான் ரவுடின்னு மறந்து போச்சா?

(அப்போது சைக்கிள் ரிக்ஷாவிலிருந்து பார்த்திபன் இறங்குகிறார்)

பார்த்திபன்: ஹலோ… என்ன இது… பேனா கத்திய வெச்சிக்கிட்டு ஃபிலிம் காட்டுறே? பென்சில் சீவப் போறியா?

வடிவேலு: என்னாது பென்சில் சீவப்போறனா… தம்பி ஊருக்குப் புதுசா? போப்பா… கடைத்தெருவுக்கு வந்தம கடலைமுட்டாய் வாங்கிதின்னமான்னு போயிட்டே இருக்கணும்… வாண்டேடா வந்து வம்பு பேசப்படாது. அப்புறம் இந்த ரவுடி கிட்ட ரணகளமாயிடுவே!

பார்த்திபன் (தூரத்தில் தேடியபடி): ரவுடியா எங்க… எங்க? கண்ணுக்கு எட்டின வரை யாரையும்காணோம்!

வடிவேலு: என்னத்தாம்பா சொல் றேன்! கைல கத்திய வெச்சிக்கிட்டு காட்டுக்கத்து கத்திக்கிட்டு இருக்கறனே தெரியல? எங்கிட்டையே வந்து ரவுடி யாருன்னு கேக்கறே!

பார்த்திபன்: இல்ல ரவுடி சார்… ரவுடின்னா ஆளு உயரத்துக்கு அருவா வெச்சிருப்பாங்க… நீங்க என்னடான்னா மூணு வயசுப் பையனோட
அது சைசுக்கு…

வடிவேலு (குறுக்கிட்டு): எது… எது… மூணு வயசு பையனோட அது சைசுக்கா…

பார்த்திபன்: விரல் சைசுக்குன்னு சொல்ல வந்தேன். ஆமா… அருவாளை அடகு வெச்சிட்டியா?

வடிவேலு: ஏன்… நீ மீட்டுத் தரப் போறியா? ஆமா வந்ததிலேர்ந்து எடக்கு மடக்காவே பேசுறியே நி எந்த ஊரு?

பார்த்திபன்: பக்கத்து ஊர் தாண்ணே… பொழுது போகலை அதான் இந்த ஊரை சுத்திப் பாக்கலாம்னு வந்தேன். இங்க வந்தா உங்க கிட்ட ஒரே தமாசு!

வடிவேலு: ம்… அப்படின்னா… இன்னும் என்னை நீ ரவுடியாவே நம்பலை. காமெடியனாவே பாக்குற அப்படித்தானே?வேடிக்கைப்பாக்க வந்த ஊர்ல உசுர விட்டுட்டு வூடு போய் சேரப்போற… அப்படித்தான… இதோ இப்ப காட்டிப் புடறேன்!

பார்த்திபன்: சும்மா ரவுடின்னா எப்டி நம்பறது… எதாச்சும் சாகசம் செஞ்சு காட்டு நம்பறேன்.

வடிவேலு: அப்படின்னா ஒன்… டூ… த்ரி சொல்லு. அரை மணி நேரத்துல அதே அங்க தெரியிற சினிமா போஸ்டரை தொட்டுட்டு வர்றேன்.

பார்த்திபன்: த்தூ… அதுக்கு எதுக்கு அரை மணி நேரம். அஞ்சு நிமிஷம் போதுமே!

வடிவேலு: அப்படின்னா அஞ்சு கிலோ எடைக்கல்லை தலைக்கு மேல தூக்கிக் காட்டுறேன் நம்புறியா?

பார்த்திபன்: இது அதைவிட கேவலமா இருக்கு. ரவுடின்னா மத்தவங்க பயப்படுற மாதிரி தனக்குத்தானேஉடம்புல கிளிசுக்கணும்.சோடாபாட்டிலை கைல அடிச்சி உடைக் கணும். அதுவுமில்லேன்னா ரெண்டு மொட்டை மாடி குறுக்கால கம்பி கட்டி அதுமேல நடந்தாவது காட்டணும்.

வடிவேலு: யோவ்… போய்யா… வீரமான ரவுடிகிட்ட வந்து வித்தை காட்ட சொல்ற… நீ சொல்ற மாதிரி யெல்லாம் பண்ணி கை, காலை பறி குடுத்துட்டு பங்கரையாத் திரிய சொல்றியா?

பார்த்திபன்: அப்படின்னா உன்னை போக்கிரின்னு…

வடிவேலு: நிப்பாட்டு… உங்கிட்டு நிரூபிக்க வேண்டிய அவசியம் எனக் கில்லை. இந்தத் தெருவுல இருக்கிற எல்லா கிழவிங்களும் என்ன கேடியா ஏத்துக்கிட்டாங்க.

பார்த்திபன் (சாலையில் சென்ற ஒரு பாட்டியிடம்): பாட்டி… இவன் பெரிய ரவுடியாமே… இவனைப் பாத்தாலே பயந்து நடுங்குறீங்களாமே…
நிஜமா?

பாட்டி: எந்த எடுபட்ட நாதாரி நாய் சொன்னது? இவன் ஒரு டம்மி பீஸூ தம்பி (வடிவேலுவை கையைஓங்கி) டேளிணி இடிச்சேன்னா இடுப்புக்கு கீழே இத்துப் போயிடும் ஆமா!

வடிவேலு: ஐயோ கெழவிங்க கிட்டையெல்லாம் கோத்து வுடறானே… ஏம்பா… ரவுடின்னு ஒரு வார்த்தை சொன்னதுக்கு புழிஞ்சி போட்ட ஈரத்துணி மாதிரி இருக்கிறவ கிட்டையெல்லாம் வௌக்குமாத்து அடிவாங்க வைக்கிறே!

பார்த்திபன்: அதுக்கில்லண்ணே… ‘ரவுடியாவது எப்படி’ன்னு ஸ்கூல் வெச்சி சொல்லிக் கொடுத்துட்டு இருக்கேன். எல்லா சப்ஜெக்ட்டுக்கும்க்ளாஸ் உண்டு. அதான் உன்னையும் சேத்துக்கலாமான்னு டெஸ்ட் பண்ணினேன்.

வடிவேல் (ஆச்சர்யத்துடன்) : பார்ரா… எல்லா சப்ஜெக்டுன்னா?

பார்த்திபன்: பிக்பாக்கெட், செயின் அறுப்பு, கடத்தல், பீரோ புல்லிங்…

வடிவேலு: பீரோ புல்லிங்னா?

பார்த்திபன்: ரொம்ப காஸ்ட்லியான படிப்பு. அதுக்குத்தான் ரொம்ப செலவாகும்.

வடிவேலு: அது வேணாம்பா… தினம் நூறு ரூபா வருமானம் வர்ற பாடமா சொல்லிக் கொடுப்பா. சைடுடிஷ்ஷுக்கும் கோட்டருக்கும் அது போதும்.

பார்த்திபன்(அப்போது எதிரே கெடா மீசையுடன் வருபவனைக் காட்டி): அதோ அங்க வர்றானே மீசை.அவன் என் ஸ்டூடண்டுதான்.அவன்கிட்ட வம்புக்குப் போயி ஜெயிச்சுடு.உடனே உன்னை சேத்துக்கிடறேன்.

வடிவேலு: அவ்வளவுதானே… இங்கயே நின்னு என்னோட கதகளி ஆட்டத்த இப்ப பாரு.(மீசைக் காரனிடம்) டேய்…மீசை அண்ணன்கால்ல விழுந்து வணக்கம் வெச்சிட்டுப் போ…
(அவன் கோபத்துடன் தன் மீசையை முறுக்க

வடிவேலு: அடே.மீசை இருந்தா நாங்களும் முறுக்குவோம்ல! என்னடா மொறைப்பு? சரி ‘பாட்ஷா’ பட ரஜினியா என்னை நெனச்சி முட்டிபோட்டு கைல முத்தமாச்சும் கொடு. (பார்த்திபனிடம்) ஆனாலும் உன் ஸ்டூடண்ட் ரொம்பத் திமிரு பிடிச்சவன்…டேய் மீசைக்காரா…இப்ப நான் சொன்ன ரெண்டு ஒண்ணாச்சும் செய்யல… கண்ணு ரெண்டையும் தோண்டி டென்னிஸ் ஆடிடுவேன்.

வடிவேலு: அடே. . . மீசை இருந்தா நாங்களும் முறுக்குவோம்ல! என்னடா மொறைப்பு? சரி ‘பாட்ஷா’ பட ரஜினியா என்னை நெனச்சி முட்டிபோட்டு கைல முத்தமாச்சும் கொடு. (பார்த்திபனிடம்) ஆனாலும் உன் ஸ்டூடண்ட் ரொம்பத் திமிரு பிடிச்சவன்…டேய் மீசைக்காரா…இப்ப நான் சொன்ன ரெண்டு ஒண்ணாச்சும் செய்யல… கண்ணு ரெண்டையும் தோண்டி டென்னிஸ் ஆடிடுவேன்.