வீரப்பன் காட்டில் அதிகளவு புலிகள்

நவீன் · நவீன் Sun Oct 03, 2010 4:17 am

வீரப்பன் வாழ்ந்த சத்யமங்கலம் காட்டில் புலிகள் அதிகளவு காணப்படுவதாக வனத்துறை அதிகாரிகள் கூறுகின்றனர்.
கிழக்குத் தொடர்ச்சி மலையையும் மேற்குத் தொடர்ச்சி மலையையும் இணைக்கும் முக்கிய இணைப்புப் பாதையாக இருக்கும் சத்யமங்கலம் காடுகளில் யானைகள், மான்கள், மற்றும் பிணந்தின்னிக் கழுகுகள் போன்றவை அதிகம் காணப்படுகின்றன.
வீரப்பனை 2004 ஆம் ஆண்டில் சுட்டுக் கொல்லப்பட்ட பிறகு, இந்தப் பகுதியில் புலிகளின் பிரசன்னம் அதிகமானதாக கூறப்படுகிறது.
காட்டின்பல்வேறு இடங்களில் பொறுத்தப்பட்டுள்ள தானியங்கிக் கேமாராக்கள் 20 புலிகளைபடம் பிடித்ததாக கூறும் சத்தியமங்கலம் காட்டுக்குப் பொறுப்பான வனத்துறைஅதிகாரியான ராமசுப்பிரமணியம், புலிகள் எச்சங்களை சேகரித்து அவற்றை மரபணுசோதனை செய்ததில் குறைந்தது 13 புலிகள் இருப்பது உறுதி செய்யப்பட்டதாகத்தமிழோசையிடம் தெரிவித்தார்.
புலிகள் இனப்பெருக்கம் செய்வதும் கேமரா பதிவில் உறுதி செய்யப்பட்டுள்ளதாகவும் அவர் தெரிவித்தார்.
அருகேயுள்ளமுதுமலை மற்றும் பந்திபூர் ஆகிய இடங்களில் இருந்து புலிகள் இங்குவந்திருக்கலாம் என்று தெரிவிக்கும் வனத் துறையினர், புலிகள் தாம் வாழும்இடத்தை நிர்ணயம் செய்து குறிப்பிட்ட இடத்திலேயே வாழும் தன்மையுடையவைஎன்றும் ஆகவே இந்தப் புலிகள் இங்கேயே தொடர்ந்து இருக்கும் என்றும்கூறுகின்றனர்.
தமிழத்தில்களக்காடு முண்டந்துறை, முதுமுலை, ஆனைமலை ஆகிய மூன்று இடங்களும் ஏற்கனவேபுலிகள் சரணாலயமாக அறிவிக்கப்பட்டுள்ளன. சத்யமங்கலத்தை புலிகள்சரணாலயமாக்க தற்போது ஆரம்ப கட்ட முயற்சிகள் முன்னெடுக்கப்படுகின்றன.
இந்தியாவின்பல காடுகளில் புலிகள் முற்றாக வேட்டையாடி அழிக்கப்பட்டுள்ள நிலையில்,பத்து ஆண்டுகள் வரை புலிகள் மிகவும் அரிதாகவே காணப்பட்ட சத்யமங்கலம்காடுகளில் தற்போது புலிகள் அதிக அளவு காணப்படுவது வன உயிர்பாதுகாப்பாளர்களுக்கு மகிழச்சி தரும் செய்தியாகும்.

இவற்றையும் காண்க
வீரப்பன் காட்டில் அதிகளவு புலிகள் 800_arrow