இதுவும் அயோத்தியில் தான்

நவீன் · நவீன் Sun 3 Oct 2010 - 5:37

அயோத்தி : அயோத்தியில் உள்ள சர்வமத கோவிலில் ஏராளமானவர்கள் வழிபாடுநடத்தி வருகின்றனர். அயோத்தியில், சர்ச்சைக்குரிய ராமஜென்ம பூமி-பாபர்மசூதி வளாகம் உள்ள இடத்திலிருந்து சில நூறு மீட்டர்கள் தூரத்தில்"சத்தியார் கோவில்' என்று அழைக்கப்டும் சர்வமத கோவில் உள்ளது. இந்தகோவிலில், ராமர், கவுதம புத்தர், ஏசுநாதர் சிலைகள், மெக்கா மதீனா படம்உள்ளிட்ட பல்வேறு மதங்களைச் சேர்ந்த கடவுள் படங்களும், சிலைகளும்வைக்கப்பட்டுள்ளன. இந்த கோவிலுக்கு அனைத்து மதத்தைச் சேர்ந்தவர்களும்அமைதியையும், ஆறுதலையும் தேடி வந்து, வழிபட்டுவிட்டு செல்கின்றனர். இந்ததனித்தன்மை வாய்ந்த கோவிலை, கடந்த 50 ஆண்டுகளுக்கு முன்பு லால்ஜிபாய்சத்யா சானேகி என்ற சமூக சேவகர் கட்டினார். அவர் கடந்த சில ஆண்டுகளுக்குமுன்பு 75 ம் வயதில் மரணமடைந்தார். இந்த கோவில், காலையும் மாலையும்பொதுமக்கள் வழிபடுவதற்காக திறந்து விடப்படுகிறது.
அனுமன் பிரசாத் என்பவர், தினசரி பூஜைகளையும், வழிபாடுகளையும் நடத்திவருகிறார். அவர் கூறுகையில், "இந்த கோவிலில் நான் தினசரி பூஜை செய்வதால்,எந்த ஒரு பிரச்னையும் எழவில்லை. மாறாக, அனைத்து தரப்பு மக்களிடமும்வரவேற்பு கிடைத்து வருகிறது. இந்தகோவிலுக்கு உள்ளூரில் மட்டுமல்லாமல்,வெளியூர்களிலிருந்தும் பக்தர்கள் வந்து செல்கின்றனர். இந்த கோவில்,பக்தர்கள் வாழ்க்கையில் சத்தியத்தையும், உண்மையையும் கடைபிடியுங்கள் என்றுவலியுறுத்துகிறது. அகிம்சை பற்றியும் போதிக்கிறோம்' என்றார்.