வெள்ளத்தில் அழுகாமல் வளரும் நெல் ரகம் : வேளாண் விஞ்ஞானிகள் கண்டுபிடிப்பு

கட்டாக்: தண்ணீரில் தாங்கி நின்று வளர்ந்து, அதிக மகசூல் தரும், புதிய நெல்ரகத்தை ஒரிசா வேளாண் விஞ்ஞானிகள் கண்டுபிடித்துள்ளனர்.இதற்குசி.ஆர்.தன்-501 என பெயரிட்டுள்ளனர்.
நமது நாட்டின் பெரும்பாலான மாநிலங்களில் நெல் பயிரிடப்படுகிறது. ஆனால்கனமழை, வெள்ளப்பெருக்கு போன்றவற்றால் விவசாய நிலங்கள் கடும் பாதிப்புக்குஉள்ளாகிறது. விவசாய நிலங்களில் நீண்ட நாட்கள் தண்ணீர் தேங்குவதால், அதில்பயிரிடப்பட்டுள்ள நெற்பயிர்கள் வேர்கள் அழுகி சாய்ந்து விடுகின்றன.அதுவும் மகசூல் காலங்களில் ஏற்படும் வெள்ளப்பெருக்கால் நெல்மணிகள்உதிர்ந்து விவசாயிகளுக்கு கடும் நஷ்டத்தை ஏற்படுத்துகின்றன. இதைகருத்தில்கொண்டு தண்ணீர் தேங்கும் பகுதிகளில், தண்டு சாயாமல் அதிகவிளைச்சலை தரும் நெல் ரகத்தை கண்டுபிடிக்க ஒரிசா மாநிலம், கட்டாக் மத்தியநெல் ஆராய்ச்சி நிறுவனத்தை(சி.ஆர்.ஆர்.ஐ.,)சேர்ந்த விஞ்ஞானிகள் ஆராய்ச்சிமேற்கொண்டனர். இதில் தண்ணீர் தேங்கும் பகுதிகளில் வளரக்கூடிய புதிய ரகநெல் ரகத்தை உருவாக்கி சாதனை படைத்துள்ளனர். சி.ஆர்.தன்-501 எனபெயரிடப்பட்டுள்ள இந்த புதிய நெல் ரகம், சோதனை அடிப்படையில் பயிரிட நாடுமுழுவதும் தேர்ந்தெடுக்கப்பட்ட பகுதிகளுக்கு அனுப்பி வைக்கப்பட்டுள்ளது.
இதுகுறித்து சி.ஆர்.ஆர். ஐ., இயக்குனர் தபன் குமார் ஆதித்யாகூறியதாவது: புதிய நெல் ரகத்தை கடந்த ஐந்து ஆண்டுகளாக தண்ணீர் தேங்கும்நிலங்களில் பயிரிட்டு சோதனை நடத்தினோம். இதில், 50 முதல் 75 செ.மீ., ஆழம்கொண்ட தண்ணீர் தேங்கிய நிலங்களில் சி.ஆர்.தன்-501 ரகம் சிறப்பாக தாங்கிநின்று சாயாமல்,அதேவேளை அதிக மகசூலையும் தந்தது. மேலும் தண்ணீரில் தண்டுசாய்ந்தாலும், அதிலுள்ள நெல் மணிகள் உதிராது. 155 முதல் 160 நாட்கள்பருவம் கொண்டஇந்த புதிய நெல் ரகம், ஒரு ஹெக்டேருக்கு 4 டன் வரை மகசூல்தரும். மேலும் நெல் மணிகளின் தரம் சிறப்பாக உள்ளது. இந்த புதிய நெல்ரகத்தின் மூலம் விவசாயிகளுக்கு ஏற்படும் நஷ்டத்தை 30 முதல் 50 சதவீதம்தடுக்கமுடியும். இவ்வாறு தபன் குமார் ஆதித்யா கூறினார்.