அயோத்தி ராமர் கோவிலுக்கு வரும் பக்தர்கள் எண்ணிக்கை அதிகரிப்பு

லக்னோ: சர்ச்சைக்குரிய நிலம் தொடர்பான தீர்ப்பு வெளியான பின்னர், அயோத்தியில்உள்ள ராமர் கோவிலுக்கு சாமி தரிசனம் செய்ய வரும் பக்தர்களின் எண்ணிக்கைஅதிகரித்துள்ளது. அதேநேரத்தில், பாதுகாப்பு பணிக்காக அயோத்திக்குவந்திருந்த துணை ராணுவப் படையினரும் வெளியேறத் துவங்கி விட்டனர்.
அயோத்தியில் சர்ச்சைக்குரிய இடம் யாருக்கு சொந்தம் என்பது குறித்ததீர்ப்பு, கடந்த 30ம் தேதி வெளியிடப்பட்டது. இதற்காக முன் எச்சரிக்கையாக,உ.பி., மாநிலம் முழுவதும் துணை ராணுவப் படையினர் பாதுகாப்பு பணிகளில்ஈடுபடுத்தப்பட்டனர். 60 ஆயிரம் வீரர்களை பாதுகாப்புக்காக அனுப்பிவைக்கும்படி, மத்திய அரசுக்கு உ.பி., மாநில அரசு வேண்டுகோள் விடுத்தது.இருந்தாலும், 5,000 வீரர்களை மட்டுமே மத்திய அரசு அனுப்பி வைத்தது.இந்நிலையில், "தீர்ப்பு வெளியானாலும், இன்னும் இரண்டு மாதங்களுக்கு மத்தியபடையினரை உ.பி.,யில் பாதுகாப்பு பணியில் ஈடுபடுத்த வேண்டும்' என, உ.பி.,மாநில அரசு சார்பில், மத்திய அரசுக்கு கடிதம் எழுதப்பட்டது.
இதுகுறித்து மாநில அரசின் மூத்த அதிகாரி ஒருவர் கூறியதாவது:மத்திய படையினரை மேலும் சில மாதங்களுக்கு இங்கு தங்க வைக்க வேண்டும் என்றமாநில அரசின் கோரிக்கையை, மத்திய அரசு பொருட்படுத்தவில்லை. இதுகுறித்துமத்திய அரசிடம் இருந்து, எந்த பதிலும் இல்லை. இந்நிலையில், பாதுகாப்புபணியில் ஈடுபட்டிருந்த துணை ராணுவப் படையினர், இங்கிருந்து புறப்படத்துவங்கியுள்ளனர். இவ்வாறு மாநில அரசு அதிகாரி கூறினார். இதற்கிடையே,அயோத்தியில் சர்ச்சைக்குரிய இடம் தொடர்பாக அலகாபாத் ஐகோர்ட்டின் லக்னோபெஞ்ச் வழங்கிய தீர்ப்பிற்கு பின்னர், அயோத்தியில் தற்காலிகமாகஅமைக்கப்பட்டுள்ள ராமர் கோவிலுக்கு வரும் பக்தர்களின் எண்ணிக்கைஅதிகரித்துள்ளது. "அயோத்திக்கு கடந்த சில நாட்களாக பக்தர்களின் வருகைஅதிகரித்துள்ளது. நீண்ட வரிசையில் நின்று அவர்கள் சாமி தரிசனம்செய்கின்றனர். குறிப்பாக, தென் மாநிலங்களில் இருந்து அதிகமான பக்தர்கள்வருகின்றனர். தீர்ப்பு வெளியான செப்டம்பர் 30ம் தேதி மட்டும் பக்தர்களின்வருகை குறைவாக இருந்தது. மறுநாளே பக்தர்கள் எண்ணிக்கை அதிகரித்து விட்டது'என, கோவில் பாதுகாப்பு பணியில் ஈடுபட்டுள்ள பாதுகாப்பு படையினர்தெரிவித்துள்ளனர்.
சர்ச்சைக்குரிய இடத்தில் உள்ள ராமர் கோவிலை அகற்றக் கூடாது என, கோர்ட்உத்தரவிட்டதும் பக்தர்களின் வருகை அதிகரிக்க காரணம். அப்படி வரும்பக்தர்கள் ராமர் கோவில் கட்டுவதற்காக விஸ்வ இந்து பரிஷத் அமைப்பினர்,கோவில் அருகேயுள்ள தங்களின் பணிமனையில் செதுக்கி வரும் கற்களையும்பார்த்து செல்கின்றனர். சில நாட்களாக மூடப்பட்டிருந்த இந்த பணிமனை,தீர்ப்பிற்கு பின் திறக்கப்பட்டுள்ளது. மேலும் தீர்ப்பிற்கு பின், இரட்டைநகரங்களான அயோத்தி மற்றும் பைசாபாத்தில் அமைதி நிலவுகிறது. மக்களிடையேஎந்தப் பிரச்னையும் இல்லை என்றும் அங்குள்ளவர்கள் கூறுகின்றனர்.
பிரச்னை ஏன்? அயோத்தியில் சர்ச்சைக்குரிய இடம் யாருக்கு சொந்தம்என்பது தொடர்பான வழக்கில் தீர்ப்பு வழங்கிய நீதிபதிகளில் ஒருவரானசி.யு.கான், தனது தீர்ப்பில் தெரிவித்த மேலும் சில விஷயங்கள்வெளியாகியுள்ளன. அதில் அவர், "கடந்த 1986ல் சர்ச்சைக்குரிய இடத்தில்பூட்டை திறப்பதற்கு பைசாபாத் மாவட்ட கோர்ட் அனுமதி அளித்து உத்தரவிட்டது.பிரச்னை பெரிதானதற்கு இந்த அனுமதி தான் முக்கிய காரணமாக இருந்தது' என,தெரிவித்துள்ளார்.