குண்டு வெடிப்பில் இறந்தது 600 பேர்:70 ஆண்டுக்கு பின் வெளியான உண்மை

லண்டன்:இரண்டாம்உலகப் போரின் போது, லண்டன் பள்ளி ஒன்றில் குண்டு வீசப்பட்டதில், 77 பேர்இறந்ததாக, சர்ச்சில் அரசு அறிவித்தது. ஆனால், அந்த சம்பவத்தில், 600 பேர்பலியானதாக தற்போது தெரியவந்துள்ளது.இரண்டாம் உலகப்போர் நடந்துக்கொண்டிருந்த போது, கிழக்கு லண்டனில் உள்ள ஹால்ஸ்வில்லே சிறுவர் பள்ளியில்,ஏராளமான பொதுமக்கள் தஞ்சமடைந்திருந்தனர். 1940 செப்டம்பர் 10ம் தேதி அந்தபள்ளிக்கூடத்தின் மீது, ஜெர்மனிய படைகள் குண்டுகளை வீசின.
இந்த பயங்கர சம்பவத்தில், 77 பேர் பலியானதாக அப்போதைய வின்ஸ்டன்சர்ச்சில் அமைச்சரவை அறிவித்தது. மேலும், குண்டுகள் ஏற்படுத்தியபள்ளத்திலும், கட்டட இடிபாடுகளிலும் பெரும்பாலானோரின் உடல்கள் மீட்கப்படவில்லை.எனவே, சர்ச்சில் அரசு என்ன காரணத்தினாலோ, உண்மையான பலிஎண்ணிக்கையை வெளியிடாமல் மூடி மறைத்து விட்டது. பின்னர் நடந்த அமைச்சரவைகூட்டத்திலும், இந்த விவகாரம் குறித்து எதுவும் பேசப்படவில்லை.இந்நிலையில், தேசிய ஆவணக் காப்பகத்தில் இருந்த, இரண்டாம்உலகப்போர் தொடர்பான ஆவணங்களை ஆய்வு செய்த போது, ஹால்ஸ்வில்லே பள்ளி மீதுநடத்தப்பட்ட குண்டு வீச்சில் பலியானவர்களின் உண்மையான எண்ணிக்கை 600 என 70ஆண்டுகளுக்குப் பிறகு, தற்போது தெரியவந்துள்ளது.
இந்த சம்பவத்தில், பாட் வார்டில் என்ற 8 வயது சிறுமி மட்டும் உயிர்பிழைத்தாள். அவருக்கு தற்போது 78 வயதாகிறது.லண்டனின் கிழக்குப் பகுதியில்,ஆயிரக்கணக்கான கூலித் தொழிலாளர்கள் வசித்து வந்தனர். அந்த பகுதியைகுறிவைத்து, ஹிட்லரின் படைகள் 76 நாட்கள் குண்டுகளை வீசி இடைவிடாமல்தாக்குதல் நடத்தின.இதனால், அந்த பகுதி நெருப்பு பிழம்பாகவே காணப்பட்டது.வீதிகளில், இறந்தவர்களின் சடலங்கள் கிடந்தன.மக்கள் தங்கள் உயிரை காத்துக்கொள்ள, பாதுகாப்பான இடங்களில் தஞ்ச மடைந்தனர். அப்படி தஞ்சமடைந்தஹால்ஸ்வில்லே பள்ளி மீது நடந்த தாக்குதலில் தான் 600 பேர் பலியானதாகதற்போது தெரியவந்துள்ளது.