குடிமகன்களிடம் வசூலாகும் கூடுதல் தொகை ரூ.65 கோடி

டாஸ்மாக்கடைகளில் சரக்குகள் கூடுதலாக விலை வைத்து விற்பதன் மூலம் மாதம் ஒன்றுக்குசராசரியாக 65 கோடி ரூபாய் குடிமகன்களிடம் இருந்து அதிகமாகவசூலிக்கப்படுகிறது. இந்த கோடிகள் யார் பாக்கெட்டுக்குப் போகிறது என்பதைஅரசு விசாரித்து நடவடிக்கை எடுக்க வேண்டுமென குடிமகன்கள்வலியுறுத்தியுள்ளனர். தமிழக அரசுக்கு ஆண்டுக்கு 14 ஆயிரம் கோடி ரூபாய்க்கு மேல்,சரக்கு விற்பனை மூலம் வருவாய் கிடைத்து வருகிறது. "நாங்கள் ஈட்டித் தரும்வருவாய் மூலம் அரசு இலவசங்களை வாரி வழங்குகிறது.
அரசுக்கு அச்சாணியும்நாங்கள் தான்' என, டாஸ்மாக் ஊழியர்கள் பெருமையடித்து வருகின்றனர்.இதைச்சுட்டிக் காட்டியே தங்களை பணி நிரந்தரம் செய்ய வேண்டும் என்பது உள்ளிட்டபல்வேறு கோரிக்கைகளை வலியுறுத்தி வருகின்றனர். இதற்காக ஆர்ப்பாட்டம்,பொதுக்கூட்டங்கள் என போராட்டக்களங்களும் தயாராகி வருகின்றன.அரசுக்கு எந்தஅளவுக்கு வருவாய் கிடைக்கிறது என்பது ஒருபுறமிருக்க, டாஸ்மாக் கடைகளில்சரக்கு வாங்கும் போது, பாட்டிலுக்கு இரண்டு முதல் ஐந்து ரூபாய் வரைகூடுதலாக வசூலிப்பது என்பது எழுதப்படாத சட்டமாகி விட்டது.
சில்லரை பிரச்னை தானே இதில் என்ன இருக்கிறது? என்று நினைத்துஒதுக்கிவிட முடியாதபடி, கூடுதலாக வசூலிக்கப்படும் தொகையை கணக்குப்போட்டால் தலை கிறுகிறுக்க வைக்கிறது. சாதாரணமாக, டாஸ்மாக் கடைகளில்மதுபாட்டில் ஒன்றுக்கு இரண்டு முதல் ஐந்து ரூபாய் வரை கூடுதலாக விற்பனைசெய்யப்படுகிறது.குறிப்பாக 70 ரூபாய் உள்ள ஒரு பாட்டில் 72 ரூபாயிலிருந்து75 ரூபாய் வரை விலை வைத்து விற்கப்படுகிறது. குளிர்ந்த பீர்களுக்கு ஐந்துரூபாயில் துவங்கி 10 ரூபாய் வரை அதிக விலை வைத்து விற்கப்படுகிறது.
ஒரு டாஸ்மாக் கடையில் தினமும் சராசரியாக 75 ஆயிரம் ரூபாய்க்கு மேல்சரக்குகள் விற்பனையாகிறது. 70 ரூபாய் விலை உள்ள ஒரு மதுபாட்டிலுக்குசராசரியாக மூன்று ரூபாய் அதிகம் என்று வைத்தால்கூட, 75 ஆயிரம் ரூபாய்விற்பனையாகும் கடையில், நாளொன்றுக்கு 3 ஆயிரத்து 215 ரூபாய் அதிகம்வசூலாகிறது
.ஒரு மாதத்திற்கு என்று பார்த்தால் வசூல் தொகை 96 ஆயிரத்து 450ரூபாய். ஒரு கடைக்கு, ஒரு மாதத்திற்கு 96 ஆயிரத்து 450 ரூபாய் என்றால்,தமிழகத்தில் மொத்தமுள்ள 6,700 டாஸ்மாக் கடைகளில், ஒரு மாதத்திற்கு அதிகமாகவசூலிக்கப்படும் தொகை 65 கோடி ரூபாய். இது ஆண்டுக்கு 768 கோடி ரூபாய். இதுஒரு சாம்பிள் தான்.இது கடைகளில் நடக்கும் நேரடி விற்பனையில் கிடைக்கும்தொகை மட்டும் தான். இதுதவிர கடைகளுக்கு வந்த சரக்குகளை, பார்உரிமையாளர்களுக்கு கொடுப்பதன் மூலம் கிடைக்கும் கமிஷன் தொகை, இதரவருமானங்களை எல்லாம் கணக்கிட்டால், "அய்யோ சாமி! ஆளை விடுங்க...' என்றுசொல்லும் அளவுக்கு மேலும் கிறுகிறுக்க வைக்கிறது
.இது குறித்து விவரம் தெரிந்த குடிமகன்கள் கூறும் போது,"எங்களிடம் வலுக்கட்டாயமாக பிடுங்கும் கூடுதல் தொகை எங்கே போகிறது, யார்யாருக்கெல்லாம் பங்கு என்ற விவரங்களை அரசு கண்டறிய வேண்டும். "அதோடு,டாஸ்மாக் ஊழியர்களை பணி நிரந்தரம் செய்ய வேண்டும், அவர்களுக்கான சலுகைகள்அனைத்தையும் அரசு வழங்க வேண்டும் எனக் குரல் கொடுத்து போராடும்தொழிற்சங்கங்கள், இதுபோன்று ஊழியர்களின் செயல்பாடுகளை கட்டுப்படுத்தவேண்டும்' என்றனர்.