"மண் குதிரை(யை) நம்பி

by **T.N.Balasubramanian** Sat Oct 02, 2010 8:41 pm

"மண் குதிரையை நம்பி ஆற்றில் இறங்காதே" என்று நம்பகத்தன்மை இல்லா மனிதரை பற்றி கூறும் போது நாம் கூறுகிற ஒரு பழமொழி. இது நடை முறையில் நடவாத காரியம் அன்றோ. முதலாவது நாம் மண் குதிரையை ஆற்றுக்கே நடத்தி செல்ல முடியாது. பின் எதை நமக்கு உணர்த்த கூறப் பட்ட பழமொழி இது.

அந்த காலங்களில் இப்போது இருப்பது போல் ஆற்றை கடக்க மேம்பாலங்கள் கிடையாது. நடந்து தான் கடக்கவேண்டும். அப்படி கடந்து போனப் பிறகு சில சமயம் ஆறுகளில்,திடீர் வெள்ளம் வந்துவிடும்.பிறகு கொஞ்சம் கொஞ்சமாக குறையும் அப்போது நடு நடுவே மண் குதிர்கள், தென்படும்.அதிக தூரம் நீஞ்ச முடியாதவர்கள் அங்கே நின்று ஆசவாசப் படுத்திக் கொண்டு பிறகு நீச்சல் செய்து மறுகரை அடைவார்கள். அந்த மண்குதிர் சில சமயம் புதை மண்குதிர்களாக இருந்து காலை அதில் வைத்தவுடன் நம் உடலை உள்ளுக்குள்ளே இழுத்துக் கொண்டு விடும். எச்சரிக்கையுடன் இருக்க வேண்டி கூறிய பழமொழி,
மண்[b]குதிரை [b] நம்பி ஆற்றில் இறங்க கூடாது. என்பதுதான் பழமொழி.

ரமணீயன்.