ஆளுமையுடையதாய் ஆகட்டும்...(கவிதை)

by ஹாசிம் Sat Oct 02, 2010 11:49 am

என் பேனா முனையில்
எழுந்த அலைகளாக
எழுச்சியுடன் ஓயாது - நான்
எழுதிடும் கருக்கள் - என் கவிதைகள்

கவிதைகளாக வலம் வர
கவிஞர்கள்,மேதைகளெல்லாம்
கண்ணியமாய் பின்தொடர்ந்து
கருத்துகளோடு செதுக்கினர்..

செதுக்கப்பட்டமையால் படைத்திட
செப்பனிடப்படுகிறேன் - ஆதலால்
செஞ்சோற்றுக்கடனாய் -தமிழுக்கு
செறிந்த நன்றிகள் உரைக்கிறேன்

உரைகள் பல்லாயிரம் கண்டாலும்
உணர்வுகளை தட்டிஎழுப்பிட
உரித்திடும் வரிகளாலேயே
உயிர்பெறும் ஆக்கங்கள்

ஆக்கங்கள் பல்லாயிரம் ஆகிடலாம்
ஆண்டுகள் பல கடந்தாலும்
ஆட்சி எம் படைப்புகளாலாகட்டும்
ஆளுமையுடையதாய் படைத்திடுவோம்

இன்றைய தருணத்தில் இக்கவிதை படைப்பது சிறப்பாக அமையும் என்று நினைத்தேன் படைத்தேன்
தரமான ஆக்கங்கள் படைத்து தரம்சேர்ப்போம்