சிங்கப்பூரில் இருந்து கடத்திய ரூ.25 லட்சம் தங்க நகைகள் திருச்சி விமான நிலையத்தில் பறிமுதல்

சென்னை : சிங்கப்பூரில் இருந்து விமானம் மூலம் திருச்சிக்குகடத்தப்பட்டு வந்த 25 லட்சம் ரூபாய் மதிப்பிலான தங்க நகைகளை சென்னை,வருவாய் புலனாய்வு இயக்குனரக அதிகாரிகள் பறிமுதல் செய்துள்ளனர். இந்தகடத்தல் வழக்கு தொடர்பாக மூன்று பேர் கைது செய்யப்பட்டுள்ளனர்.
இது குறித்து சென்னை, வருவாய் புலனாய்வு பிரிவு கூடுதல் தலைமை பொதுஇயக்குனர் ராஜன் வெளியிட்டுள்ள அறிக்கை: கடந்த 30ம் தேதியன்று,சிங்கப்பூரில் இருந்து திருச்சிக்கு, ஏர்- இந்தியா எக்ஸ்பிரஸ் விமானம்மூலம் தங்க நகைகள் கடத்தப்பட உள்ளதாக, சென்னையில் உள்ள வருவாய் புலனாய்வுஇயக்குனரகத்திற்கு ரகசிய தகவல் கிடைத்தது. இதையடுத்து, அன்றைய தினம்திருச்சி விமான நிலையத்தில் வருவாய் புலனாய்வு பிரிவு அதிகாரிகள்கண்காணித்து வந்தனர். அப்போது, குறிப்பிட்ட ஏர்- இந்தியா எக்ஸ்பிரசில்வரும் சில பயணிகளை எதிர்பார்த்து, மன்னார்குடியைச் சேர்ந்தசெந்தில்குமார், கோபிநாதன் மற்றும் மற்றொரு செந்தில்குமார் என்ற மூன்றுபேர் சந்தேகத்திற்கிடமான வகையில், விமான நிலையத்தில் காத்திருந்தது தெரியவந்தது.
அவர்களிடம் நடத்திய சோதனையில், செந்தில்குமார் என்பவர் பாக்கெட்டில்இருந்து ஆறு நபர்களின் போட்டோக்கள் கொண்ட இ-மெயில் படங்கள் கிடைத்தன. அந்தபடங்களில் உள்ள நபர்கள், ஏர்- இந்தியா எக்ஸ்பிரஸ் விமானத்தில் வருகின்றனராஎன கண்காணிக்கப்பட்டது. விமானம் தரையிறங்கியதும், இ-மெயில் படத்தில் உள்ளஆறு பேரும் விமானத்தில் இருந்து இறங்கினர். பின், தங்களிடம் வரிகட்டும்வகையிலான எந்த பொருளும் இல்லை என்று கூறி, பெட்டிகளை எடுத்துச் செல்லமுயன்றனர். அவர்களை வழிமறித்து சோதனையிட்டபோது, ஒவ்வொருவரின்பாக்கெட்டிலும் இரண்டு சிறிய பொட்டலங்களில் தங்க நகைகளும், 500சிங்கப்பூர் டாலர்களும் இருந்தன. ஆறு பேரிடம் இருந்தும் மொத்தம் 1.37 கிலோதங்க நகைகள் பறிமுதல் செய்யப்பட்டன. இவற்றின் மதிப்பு 25 லட்சம் ரூபாய்.
பிடிபட்ட ஆறு பேரிடம் நடத்திய விசாரணையில், சிங்கப்பூர் விமானநிலையத்தில், விமானம் ஏறுவதற்கு முன் விக்ரம் என்பவர் தங்களை சந்தித்து,இந்த பொட்டலங்களை கொண்டு போய் திருச்சியில் கொடுத்தால், ஒவ்வொருவருக்கும்2,000 ரூபாய் தரப்படும் என்று கூறியதாகவும், அதன் பேரில், தங்க நகைகளைகொண்டு வந்ததாகவும் கூறினர். இதையடுத்து, இவர்களுக்காக காத்திருந்தமன்னார்குடியைச் சேர்ந்த செந்தில்குமார், கோபிநாதன், மற்றொருசெந்தில்குமார் ஆகிய மூவரையும், வருவாய் புலனாய்வு இயக்குனரக அதிகாரிகள்கைது செய்து, சிறையில் அடைத்தனர். இந்த கடத்தல் குறித்து தொடர்ந்துவிசாரணை நடந்து வருகிறது. இவ்வாறு அறிக்கையில் கூறப்பட்டுள்ளது

தேனி சூர்யாபாஸ்கரன் wrote:"நல்ல தகவல்..நன்றி..நவீன்.."

சிங்கப்பூர் என்றதும் எனக்கு உங்கள் நினைவுதான் வந்தது! இங்கு இனைந்திருப்பதால் உங்களுக்கும் இதற்கும் தொடர்பில்லை என்பது உறுதியாகிறது!

சிவா wrote:

தேனி சூர்யாபாஸ்கரன் wrote:"நல்ல தகவல்..நன்றி..நவீன்.."

சிங்கப்பூர் என்றதும் எனக்கு உங்கள் நினைவுதான் வந்தது! இங்கு இனைந்திருப்பதால் உங்களுக்கும் இதற்கும் தொடர்பில்லை என்பது உறுதியாகிறது!

அதுக்குத்தாண்ணா...இன்றைய..ரெகார்டு..ஹி..ஹி..ஹி.