ஆசிரியர் வேலை வாங்கித் தருவதாக ரூ.2 லட்சம் மோசடி : மாஜி ராணுவ வீரர் கைது

பரங்கிமலை: பட்டதாரி ஆசிரியர் வேலை வாங்கித் தருவதாக இருவரிடம் இரண்டுலட்சம் ரூபாயை ஏமாற்றிய முன்னாள் ராணுவ வீரரை போலீசார் கைது செய்தனர்.
ஈரோடு, அரசலூர், எலவந்தம் கிராமத்தைச் சேர்ந்த செல்லமுத்து மகன்மகாலிங்கம் (31); எம்.எஸ்சி., பி.எட்., எம்.பில்., படித்தவர். இவருக்குஆசிரியர் வேலை கிடைக்காததால் சென்னையில் தங்கி, தனியார் நிறுவனம் ஒன்றில்பணிபுரிந்து வந்தார். அப்போது, மேற்கு தாம்பரம், ரங்கநாதபுரத்தை சேர்ந்தடோம்னிக் (71), அவரது நண்பர் சின்னராஜ் ஆகியோரிடம் பழக்கம் ஏற்பட்டது.அவர்கள், தங்களுக்கு தெரிந்தவர்கள் மூலம், மகாலிங்கத்திற்கு ஆசிரியர் வேலைவாங்கித் தருவதாக ஆசைவார்த்தை கூறினர். இதை நம்பிய மகாலிங்கம், ஒரு லட்சம்ரூபாயை டோம்னிக் மற்றும் சின்னராஜிடம் கொடுத்தார். மேலும், தன்னுடையகிராமத்தை சேர்ந்த சுப்பிரமணி மனைவி மணிமேகலைக்கும் ஆசிரியர் வேலைவாங்கித் தரும்படி 95 ஆயிரம் ரூபாயை மகாலிங்கம் வாங்கி டோம்னிக்,சின்னராஜ் ஆகியோரிடம் கொடுத்தார்.
ஆனால், பல மாதங்களாகியும் இருவருக்கும் டோம்னிக், வேலை வாங்கித்தரவில்லை. கொடுத்த பணத்தையாவது திருப்பி தரும்படி மகாலிங்கமும்,மணிமேகலையும் கேட்டனர். அப்போது ஆட்களை வைத்து டோம்னிக் மிரட்டியதாககூறப்படுகிறது. அரசு வேலை வாங்கித் தராமல் நம்பிக்கை மோசடி செய்த டோம்னிக்மற்றும் சின்னராஜ் மீது நடவடிக்கை எடுக்கும்படி எஸ்.ஆர்.எம்.சி., போலீசில்மகாலிங்கம், மணிமேகலை புகார் அளித்தனர்.
புறநகர் கமிஷனர் ஜாங்கிட் உத்தரவுப்படி, இன்ஸ்பெக்டர் துரைராஜ்தலைமையில் செயல்பட்ட தனிப்படை போலீசார், டோம்னிக்கை கைது செய்தனர்.ஆசிரியர் வேலை வாங்கித் தருவதாக இரண்டு லட்சம் ரூபாய் மோசடி செய்ததைடோம்னிக் ஒப்புக் கொண்டார். இந்த வழக்கில் தலைமறைவான சின்னராஜை போலீசார்தேடி வருகின்றனர். டோம்னிக், புழல் மத்திய சிறையில் அடைக்கப்பட்டார்.