ரூ.1.35 கோடி எலக்ட்ரானிக் பொருட்கள் பறிமுதல்

சென்னை : கொச்சினுக்கு சரக்கு விமானத்தில் வந்த 1.35 கோடி ரூபாய்மதிப்பிலான எலக்ட்ரானிக் பொருட்களை சென்னைக்கு காரில் கடத்தி வந்த நபரை,மத்திய வருவாய் புலனாய்வுத் துறை அதிகாரிகள் கைது செய்து, பொருட்களைபறிமுதல் செய்தனர்.
மத்திய வருவாய் புலனாய்வுத் துறை கூடுதல் பொது இயக்குனர் ராஜன்வெளியிட்டுள்ள அறிக்கை: சென்னையில் இருந்து சிங்கப்பூர் சென்ற ஏர்-இந்தியா விமானத்தில், இளையான்குடியைச் சேர்ந்த சையது சிராஜுதின் (33)என்பவர் கடந்த மாதம் 21ம் தேதி சென்றார். அவர் 24ம் தேதி சிங்கப்பூரில்இருந்து சென்னை திரும்பினார். சையது சிராஜுதின், விமானத்தில் கடத்தல்பொருட்களை கொண்டு வருவதாக வந்த தகவலையடுத்து, அதிகாரிகள் அவரை சோதனைசெய்தனர். ஆனால், சையது சிராஜுதினிடம் அதுபோன்று எதுவும் இல்லை.இந்நிலையில், சையது சிராஜுதின் பெயரில் சிங்கப்பூரில் இருந்து கொச்சிவிமான நிலையத்திற்கு சரக்கு விமானத்தில் 1.35 கோடி ரூபாய் மதிப்பிலானஎலக்ட்ரானிக் பொருட்கள் அனுப்பி வைக்கப்பட்டுள்ளதாகவும், அதை எடுத்துக்கொண்டு காரில் சையது சிராஜுதின் சென்னை வருவதாகவும் மத்திய வருவாய்புலனாய்வு பிரிவு அதிகாரிகளுக்கு தகவல் கிடைத்தது.
ஸ்ரீபெரும்புதூர் அருகே, டோல்கேட்டில் சிராஜுதின் வந்த டோயோட்டாகுவாலிஸ் காரை அதிகாரிகள் நேற்று முன்தினம் அதிகாலை தடுத்து நிறுத்தினர்.அதில் இருந்த அட்டைப் பெட்டிகளை பிரித்துப் பார்த்த போது விலை உயர்ந்தவீடியோ கேமராக்கள், எலக்ட்ரானிக் பொருட்கள் இருந்தது தெரிந்தது.இளையான்குடியைச் சேர்ந்த நிசார் என்பவர் தான் இந்த பொருட்களை எடுத்து வரச்சொன்னதாகவும், அதற்காக 50 ஆயிரம் ரூபாய் பணம் தருவதாக கூறியதாகவும்தெரிவித்தார். சையது சிராஜுதினை கைது செய்த அதிகாரிகள், புழல் சிறையில்அவரை அடைத்தனர். தலைமறைவாக உள்ள நிசார் மற்றும் அவரது கூட்டாளிகளை தேடிவருகின்றனர். இவ்வாறு அறிக்கையில் கூறப்பட்டுள்ளது.