காஞ்சிபுரத்தில் அரசு விடுதியில் ஐ.டி.ஐ., மாணவர் கொலை : சக மாணவர் கைது

காஞ்சிபுரம் : காஞ்சிபுரத்தில், ஆதிதிராவிட நலத்துறை அரசு விடுதியில் ஐ.டி.ஐ., மாணவரை கொலை செய்த சக மாணவரை, போலீசார் கைது செய்தனர்.
காஞ்சிபுரம் ராகவேந்திரா நகரைச் சேர்ந்தவர் சாமிநாதன்; எல்.ஐ.சி.,ஏஜன்ட். இவரது முதல் மனைவி மகன் லோகேஸ்வரன்(18). இவர், தாயார்குளம்எம்.ஜி.ஆர்., நகரில் உள்ள ஆதிதிராவிடர் நலத்துறை சார்பில் செயல்படும்ஐ.டி.ஐ., மாணவர்களுக்கான அரசு விடுதியில் தங்கி, சாலியர் தெருவில் உள்ளஐ.டி.ஐ., நிறுவனத்தில் எலக்ட்ரீசியன் முதலாம் ஆண்டு படித்து வந்தார்.இவருடன் விடுதியில், திருவண்ணாமலை மாவட்டம் கீழ்நேந்தம்பாக்கம்கிராமத்தைச் சேர்ந்த மூர்த்தி மகன் புருஷோத்தமன்(18) தங்கியிருந்தார்.இவர், அதே ஐ.டி.ஐ., நிறுவனத்தில் பிட்டர் பிரிவில் முதலாம் ஆண்டு படித்துவருகிறார். நேற்று முன்தினம் விடுதியில் பெரும்பாலான மாணவர்கள் தங்கள்வீடுகளுக்கு சென்றுவிட்டனர். லோகேஸ்வரன், புருஷோத்தமன் மற்றும் இன்னொருமாணவர் மட்டும் இருந்தனர்.
நேற்று காலை விடுதி அறையில் லோகேஸ்வரன் இறந்து கிடந்தார். அவரதுநெற்றியில் காயமிருந்தது. தகவல் அறிந்து காஞ்சிபுரம் போலீஸ் டி.எஸ்.பி.,ராஜேந்திரன், தாலுகா போலீஸ் இன்ஸ்பெக்டர் அனுமந்தன் மற்றும் போலீசார்சென்றனர். உடலை பரிசோதனைக்காக காஞ்சிபுரம் அரசு மருத்துவமனைக்கு அனுப்பிவைத்தனர். புருஷோத்தமனை விசாரித்தனர். அவர், ஸ்ரீநிதி என்ற பெண்ணைலோகேஸ்வரன் காதலித்து வந்தார். அந்தப் பெண்ணின் சகோதரர்கள் அவரை கொலைசெய்திருக்கலாம் என தகவல் அளித்தார். அதைத் தொடர்ந்து, சம்பந்தப்பட்ட பெண்குறித்து போலீசார் விசாரித்தனர். விசாரணை முடிவில், அப்படி ஒரு பெண் இல்லைஎன்பது தெரிந்தது. மீண்டும் புருஷோத்தமனை விசாரித்த போது, அவர் கொலைசெய்தது தெரிந்தது.
இது குறித்து டி.எஸ்.பி., ராஜேந்திரன் கூறியதாவது: லோகேஸ்வரனும்,புருஷோத்தமனும் ஒரே அறையில் தங்கியிருந்தனர். நேற்று முன்தினம் இரவு,லோகேஸ்வரன் தனது பேன்ட் ஒன்று மாயமாகியிருப்பது குறித்து புருஷோத்தமனிடம்விசாரித்தார். அப்போது, இருவருக்கும் இடையே தகராறு ஏற்பட்டது. அதன் பின்இருவரும் படுத்து விட்டனர். லோகேஸ்வரன் தூங்கியதும் ஆத்திரத்திலிருந்தபுருஷோத்தமன், அருகிலிருந்த கல்லை எடுத்து லோகேஸ்வரன் கண் அருகேகுத்தினார். பின், புருஷோத்தமன் அதே அறையில் தூங்கினார். காலையில் தூங்கிஎழுந்தவர், ரத்த வெள்ளத்தில் லோகேஸ்வரன் இறந்து கிடப்பதைக் கண்டு, விடுதிகாப்பாளரிடம் தெரிவித்தார். போலீசாரை திசை திருப்ப, காதல் விவகாரத்தைக்கிளப்பினார். விசாரணை முடிவில் புருஷோத்தமன் கொலை செய்தது தெரிந்தது. அவரைதாலுகா போலீசார் கைது செய்தனர். இவ்வாறு டி.எஸ்.பி., ராஜேந்திரன்தெரிவித்தார்.